‘Ez ginen atzera egiteko jaio. Faxismoaren aurka, feminismoa’ lelopean kaleak hartzeko deia egin du Euskal Herriko Mugimendu Feministak. Busturialdeko txoko guztietan ere aldarriz beteko dituzte kaleak.

Photoka Sariak banatu dituzte, eta lehiaketara aurkeztutako hainbat argazkirekin osatutako erakusketa ikusgai dago Gernika-Lumoko Kultur Etxean.


Mertzede ikastetxeko ikasle gazteek argazki jendetsu bat atera dute gaur, Athletic-eko jokalarie animoak emoteko asmoagaz. Athletic-ek bihar jokatuko du Europa Leagueko finala, eta Mertxedeko ikasleek ondo gogoan dute. Hala, kolore zuri gorriz jantzit...

Ajangizko Udalak bidegorria jarriko du Kanpantxu auzora igotzeko. Mikel Ander Zubizarreta alkateak azaldu duenez, “Kanpantxu auzora igotzeko dauden bi sarreretatik bidegorria jarriz, oinezkoentzako zirkuitu txiki bat izango dugu herrian”. Hala, Mendieta auzoa, Kanpantxu auzoa, eta Maierreko zubia lotzea lortuko dute, beharginek Kanpantxuko lanak amaitzen dituztenean. Behin lanak amaituta, Ajangiztarrek 4,5 kilometro inguruko bidegorri sareaz gozatzeko aukera izango dute. Zubizarretak dioenez, “proiektu garrantzitsu bat” da ajangiztarrentzat, “herriko auzo garrantzitsuenak” bidegorri bategaz lotuko baitituzte. Hala, pozarren azaldu da herriko “errepide sarean” hobekuntzak egiten jarraitu dezaketelako. Alkatearen berbetan, egokitzapenekin “errepide sarea” hobetuko dute, eta “oinezkoen segurtasunean beste aurrerapauso” bat emongo dute. Kanpantxu auzora doazen bi errepide zatiak egokitzeko Udalak 117.000 euro inguruko aurrekontua dauka, eta Foru Aldundiaren %44ko diru-laguntza jasoko du.

Bermeoko Udalak Nuntxaku Kultur Elkartearekin eta Skateruek Elkartearekin hitzarmenak sinatu ditu, eta horiek joan den egueneko udalbatzan adostu zituzten aho batez. Antzinako Jose Done ikastetxeko Kapillaren erabilera arautzeko hitzarmena da Nuntxakurekin sinatu dutena. Zortzi urtetan berbaz bakarrik izandako akordioa formalizatu dute orain. Izan be, kontuan hartzekoa da elkarteak zortzi urte daramatzala Kapillan jarduera desberdinak antolatzen eta azken bost urteetan, gainera, autokudeatuta. Hitzarmen horren bitartez, orain arte egin legez, Nuntxakuk kudeatuko du Kapillaren erabilera eta finantziazio bidea autokudeaketa izaten jarraituko du. Jarduerak, gainera, elkarteak antolatutakoak izango dira. Nuntxakuk asanblada irekien bidez funtzionatzeko konpromisa hartu du, hau da, edozein herritarrek izango du parte hartzeko aukera. Bestalde, Kapillaren beharrizana duen edozein herritarrek edo taldek berori erabiltzeko aukera izango dute, beti be, Nuntxakuk betetzen dituen gutxieneko baldintzak beteta; antolaketan inplikatu, azpiegiturak modu egokian erabili, garbitasuna zaindu eta etekin pribaturik ez ateratzea. Skateruek Elkartearekin, bestalde, kiroldegi aurrean dagoen skate pista konpontzeko lanak zelan egingo dituzten adosteko hitzarmena sinatu dute. Hitzarmen horren bitartez, Skateruek taldekoek auzolana egingo dute skate pista horretan, hau da, konponketa lan txikiak edota margoketa lanak hoien eskuetan geratuko dira. Kiroldegiko skate pistaren konponketa lanak urtean zehar egingo dituztela dio hitzarmenak. Udalak hartuko du lanok egiteko zuzendaritza eta materiala be berorrek ipiniko du, [...]

Kopako finalaurrekoetan gertatu bezala, Ampo Ordiziak finaletik kanpo utzi du Bizkaia Gernika ligako finalaurrekoetako baten 38-22 gailendu ostean. Hala, basurdeek final bat jokatzeko aukera galdu dute bigarren biderrez aurten. Jorge Gimenez entrenatza...

Urdaibai taldeak Bizkaiko Kopako bi finalaurreko jokatuko ditu: gizonezkoen nagusien mailakoa, eta emakumezkoen kadeteen mailakoa. Gizonezkoek, esaterako, asko sufritu zuten final laurdenetan Urdulizko taldea kanporatzeko, eta partida gogor baten ostean, puntu bakarreko aldeagatik irabazi zuten. Emakumezkoen kadeteen taldeak, bestalde, Ermuako Errotabarri kaleratu zuen final laurdenetan. Bertokoek kanporaketaren bi partidak irabazi dituzte, finalaurrekoetan sartuz.

Eneko Goieaskoetxea busturiarra espainiaratzeko baimena emon du Londresko Auzitegi Nagusiak, gaur. Hala, Westminsterko epaitegiak urtarrilean erabakitakoarekin bat egin dute Auzitegi Nagusiko epaileek. Horrez gain, Espainiako errege Juan Carlos Ia hilt...

Kopako finalaurrekoan gertatu bezala, ligako finalaurrekoa Ampo Ordiziaren kontra jokatu beharko du Bizkaia Gernikak. Hala, etzi kopako errebantxa hartzeko aukera izango dute basurdeek, Ampo Ordizia ligako finaletik kanpo utziz gero. Santboianaren kontra etxetik kanpo emon zuten ezustekoa gernikarrek, eta hala egin beharko dute Ampo Ordiziaren kontra be finala jokatzeko. Izan be, Altamiran “partida gogorra” aurreikusten du Jorge Jimenez entrenatzaileak. Norgehiagoka 12:30ean hasiko da. Jimenezen berbetan, “irabazteko gaitasuna” dute, baina horretarako, partida ona jokatu beharko dute. “Asko kosta zaigu finalaurrekoetara heltzea, baina txapeldunak izateko entrenatzen gara egunera” dio. Hala, finalera heldu daitezkela deritzo.

2014. urtean, Ibilaldia Bizkaiko Ikastolen aldeko jaia Gernika-Lumon ospatuko da, eta horren antolaketaren ardura Seber Altube Ikastolak hartuko du. Horretarako, 2013ko ekainetik 2014ko uztailera bitartean lan egiteko dinamizatzaile bat kontratatu beha...

Igor Magunagoitia Aritzatxu Triatloi taldeko kideak azaldu duen moduan, «zapatuan, 400 triatletak lehiatuko dute Bermeoko triatloia. Ezin dugu gehiago hartu, gero eta gehiagok emoten dute izena». Bermeokoa sprint distantziako triatloia izango da eta Euskal Herriko zirkuituaren baitan, lehenengo proba izango da. Aritzatxu triatloi taldekoek seigarrenez antolatu dute lasterketa aurten, Euskadiko Triatloi Federazioarekin batera. Lasterketa 16:00etan hasiko da emakumeentzako eta hamar minutu beranduago gizonezkoentzako. Biek portuko maldatik abiatuko dira. Ibilbidea aurreko urteetako modukoa izango dela azaldu du Magunagoitiak. Lehenik eta behin, kirolariek 750 metro egin beharko dituzte igerian. Uretatik urten ostean, portu zaharreko boxeetan bizikleta hartuko dute eta 25 kilometroko ibilbide «gogorrari» egin beharko diote aurre. Triatletek joan-etorria egingo dute Gernika-Lumora. Azkenik, korrika saioari ekingo diote kirolariek. Buelta bi emon beharko dizkiote Bermeoko portua inguratzen duen 2,5 kilometro inguruko zirkuituari.

Domeka egun handia izan zen morgatarrentzat. Urtero legez, hainbat izan ziren Morgako Azokagaz zita hartu zuten inguruko biztanleak, eta egun batez, baserri giroko herriaren auzo handiena (Andra Mari) jendez gainezka egon zen. Erakusmahaiak goizean goi...