Kostaren eta Itsasoaren Espainiako Zuzendaritza Nagusiak 30 uteko kontzesioa onartu dio Murueta Ontziolari, baina legezkotasuna "egiaztatu barik" dituzten lur orubeak eta handitzeak "handik kanpo" utzi ditu. Ebazpenak itsas-lehorreko jabari publikoa berreskuratzeko prozedurak berriz aktibatzea eskatzen du, baina arriskuan jartzen du alboko lurretan palafitoa eraikitzeko proiektuaren bideragarritasuna.


Ikasturte barria hasi dute Bermeoko Sagrado Corazon ikastetxekoek,eta aurretik duten 2011/2012 ikasturte hori ondo hasteko, ospakizun berezia egingo dute gaur, urte guztietan legez. Hori dela eta, ikastetxeko patio nagusian bilduko dira ikasle, irakasl...

EAJ taldeko hainbat kide izan ziren atzo Bermeoko portuan, arrantzaren inguruan hitz egiten; besteak beste, Espainiako Kongresuan EAJren bozeramale den Josu Erkoreka. Bermeon egindako ekitaldian, EAJk Madrilgo kongresuan «arrantza arloko ordezkaritza izaten jarraitu» gura duela azaldu zuen bermeotarrak, «EAJk ez baditu euskal arrantzaleen interesak defendatzen ez du inork egiten», esanez. Erkorekagaz batera, Andoni Ortuzar Bizkai Buru Batzarreko presidentea eta Xabier Legarreta Bermeoko alkate ohia izan ziren, besteak beste, ekitaldian. «Kongresuan eztabaidatu diren arrantza arloko ekimenen %80 EAJ taldeak aurkeztutakoak izan dira; gainontzeko %20, ostera, galiziarrek aurkeztutakoak, BNGk eta PPk», adierazi zuen Erkorekak. Guk euskal arrantzaleen interesak eroaten ditugu Madrilera: bokartari buruzko arazoak, debekuak, neskatilen eta sareginen gatazkak... Azken finean, euskal arrantzaleen interesak guk defendatu ditugu beti; guk egiten ez badugu, inork ez duelako egingo», adierazi zuen EAJko kideak. Erkorekaren iritziz, Madrilen talde euskaldun bat behar da. Arrantzaleei zuzenduz, EAJ «zuen gaiak kongresura eroango dituen bozeramale» taldea dela esan zuen, «Gobernuak gai-zerrendan jarri ditzan». Horren harira, kongresuko bozeramaleak uste du arrantzaleek inork baino hobeto dakitela arrantza arloko erabakiak hartzen diren tokietan –Madrilen eta Bruselan– izatea oso garrantzitsua dela. Izan be, «itsaso arrantzaren erregulazio guztiak Madrilen eta Bruselan egiten dira; hala nola, zein arrain, non, noiz eta zelan harrapatu». «Gure ekimenak ez [...]

Lau urtean Bermeoko alkate izan ondoren, Bizkaiko Foru Aldundiko Berdintasun Zuzendaritzako buru izendatu dute Xabier Legarreta (Bermeo, 1977). Berdintasun Zuzendari nagusia izango zara datozen lau urteetan. Zein izango da zure egitekoa eta zeintzuk lan ildo nagusiak? Zuzendaritza honetara sartzean, aurreko zuzendari bien lekukoa hartu dut, eta haiek, euren behar eta dedikazioagaz, daborduko ezarri eta finkatu dituzte, batetik, emakumeen eta gizonen berdintasunaren eta generoaren politiken gaineko foru-jardueraren oinarriak, eta, bestetik, herritarren eskubideak eta garapenerako lankidetza. Hori holan, garrantzitsua begitantzen zait hasitako estrategiekin segidutea eta ahal den neurrian hobetzea, honako helburu hauek lortzeko asmoz: Instituzioaren barruan behar egitea, politika guztiak bardintasunaren, eskubideen unibertsaltasunaren eta diskriminaziorik ezaren printzipioekin koherenteak izan daitezen. Aipatutako lehen lan ildoaren inguruan, adibidez, zelan ikusten duzu gizonezkoen eta emakumezkoen arteko berdintasuna gaur egungo gizartean? Alkate izan zarenean Bermeon zenbait eraso izan dira emakumezkoen aurka, eta komunikabideetan ia egunero agertzen den gaia da. Personak, orokorrean, eta nire belaunaldikoak, zehazki, bardintasunaren ilusioa deitzen dugun horretan bizi gara sarritan. Legez diskriminaziorik ez dagoen gizarte baten hezi gara. Neskak eta mutilak, itxuraz, leku bardinetara joan gara eta aukerak ez dira, teorikoki, sexuaren arabera emon edo ukatzen. Baina apur bat sakonago begiratuz gero, arin ikusiko dugu emakumeek eta gizonek oraindik ez dutela zeregin bardina [...]

Urte amaierarako amaitu gura ditu Udalak Domingo Alegria plaza berrantolatzeko lanak. Gaur hasi dira inguru horretan lanean, eta plaza egokitzeaz gain, San Roke kalean be hobekuntzak egin gura dituzte. Besteak beste, irisgarritasuna hobetu gura du Gern...

1936. urteko urriaren 7an sortu zen lehen euskal gobernua gogora ekartzeko ekitaldia egin dute gaur Gernika-Lumoko Batzar Etxean. Han izan dira baita gobernu hori sortu zutenen senideak be. Hain zuzen, lehendakari izandako Jose Antonio Agirreren senideak eta bere gobernua osatu zuten gainontzeko kideena be. Horiek guztiak, eta gaurko egunean batez be, horiek guztiak gogoan izan behar direla esan du Patxi Lopez lehendakariak: Telesforo Monzon, Jesus Maria Leizaola, Heliodoro de la Torre, Ramon Maria Aldasoro, Juan de los Toyos, Santiago Aznar, Juan Gracia, Juan Astigarrabia, Gonzalo Nardiz eta Alfredo Espinosa. Abertzaleak, sozialistak eta errepublikarrak, denak batu zituen lehen gobernu horrek. “Gaur, 75 urte geroago, zabala eta barneko desberdintasunak onartzeko gai izango dena euskal gizartea gura dugu”, aipatu du Lopezek. “Elkarbizitzaren alde lan egin behar dugu, norbanakoak bere identitatea mantendu ahal izateko eta askatasunean bizitzeko aukera izan dezan”. Era berean, lehen euskal gobernua sortu zuten horien lana goraipatu gura izan du Bizkaiko, Arabako eta Gipuzkoako lehendakari sozialistak. “Gure autogobernuaren sortzaileak omendu behar ditugu; gerra garaian herri baten oinarri sendoak jartzeko gai izan zirelako”. Eusko Jaurlaritzako sailburuez gain, politika arloko hainbat aurpegi ezagun batu dira gaur Jaurlaritzaren urteurrena gogoratzeko ekitaldi horretan; besteak beste, han izan dira Karlos Garaikoetxea eta Jose Antonio Ardanza lehendakari [...]

Rosarioko (Argentina) Zazpirak Bat euskal etxeko ordezkariak hartu zituen atzo Gernika-Lumoko alkate Jose Mari Gorroñok. Duela astebete heldu ziren argentinarrak Euskal Herrira, eta Gernikan izan ziren atzo. Euskal Etxea sortu zutenaren mendeurrena be...

Gernika-Lumoko basurdeek orain arte jokatu dituzten ligako hiru partidak irabazi dituzte, eta talderik sendoena direla erakutsi dute denboraldi hasieran. Iragan asteburuan, Cajasol Ciencias talde sevillarra izan zen gernikarren azkenengo biktima, eta garaipen horri esker, sailkapen nagusiko bigarren postuan jarraitzen dute Gernika-Lumokoek. Aitzol Martitegi basurdeen kapitainak azaldu duenez, “partida oso gogorra” izan zen, baina “pozik” daude garaipena lortu zutelako. Partida 35 eta 16 irabazi zuten. Martitegiren hitzetan, “ezin dezakegu gehiago eskatu”. Ligako lehenengo hiru partidak irabazi dituen talde bakarra Bizkaia Gernika da, eta “norabide egokian” doazela uste du. Hala, lasaitasuna izango da nagusi bi asteko atsedenaldian. Izan be, ligako laugarren jardunaldia hilaren 16an jokatuko dute Santboianaren (Herrialde Katalanak) aurka. Taldeko kapitainak jakinarazi duenez, “lehenengo zatian” asko sufritu zuten Cajasolen aurka. Sevillarrek “aurrealde oso sendoa” dute, eta gernikarrek ez zuten asmatu baloia mugitzerako momentuan. Hala, atsedenaldian 15 eta 11 ziren aurretik basurdeak, baina jokoan oreka zen nagusi. Bigarren zatian, bestalde, gernikarrek hobeto mugitu zuten baloia, eta Cajasolen denfentsak utzitako hutsuneak baliatu zituzten markagailuan ihes egiteko. Martitegiren ustez, sevillarrei “nekea” pilatu zitzaien bigarren zatian, eta “arazo handirik barik” kontrolatu zuten partida. Jokoan zeuden lau puntuez gain, erasoko bonus puntua be lortu zuten basurdeek. Partidako onena, bestalde, Marvin Swartboi hegoafrikarra izan zen. Hegoafrikarrak 30 [...]


BizkaiKOA Bizkaiko Foru Aldundiaren museoen erakunde kudeatzaileak diploma bat jasoko du gaur, turismoaren kalitatearekin duen konpromisoarengatik eta Santimamiñe haitzuloaren kudeaketan eginiko praktika onengatik. Pilar Zorrilla Eusko Jaurlaritzako M...
