Kostaren eta Itsasoaren Espainiako Zuzendaritza Nagusiak 30 uteko kontzesioa onartu dio Murueta Ontziolari, baina legezkotasuna "egiaztatu barik" dituzten lur orubeak eta handitzeak "handik kanpo" utzi ditu. Ebazpenak itsas-lehorreko jabari publikoa berreskuratzeko prozedurak berriz aktibatzea eskatzen du, baina arriskuan jartzen du alboko lurretan palafitoa eraikitzeko proiektuaren bideragarritasuna.





Busturialdeko Ur Partzuergoan jeltzaleek kudeaketa "negargarria" egin zutela esan du ahaldun nagusigaiak


Eguenean, bilbotar batek Autzaganeko errepide kontrol batean Espainiako Poliziaren kolpeak eta mehatxuak jaso zituela salatu du gaur, Amnistiaren Aldeko Mugimenduak (AAM). Poliziak gaztearengana joan, burutik heldu eta autoaren aurka kolpatu zuela adie...

Nestor Basterretxea aretoan butaka barriak jarri dituzte, eta horren harira, Kultura, Gazteria eta Hezkuntza sailak irailean eta urrian bariku gaueko zinera joateko bost gonbidapen bikoitz zozketatutako ditu astero. Gainera, Tiki-Taka enpresak astelehe...

Udalak hainbat ikastaro antolatu ditu datozen hileotarako: hain zuzen be, yoga, josketa, gimnasia, tenis eta beste hainbat ikastarotan izena emoteko aukera izango dute herritarrek. Horiez gain, Busturiko hirugarren adinekoek be izango dute zertaz gozatu; izan be, gimnasia eta burua martxan ikastaroak izango dituzte. Guztira, bederatzi ikastaro izango dira. Hortaz, herriko umeek, gazteek zein helduek izango dute ikastaroetan parte hartzeko aukera. Aipatu ikastaro guztiak urriko lehen astean hasiko dira. Ikastaroetan parte hartzeko interesa duenak Busturiko kultur etxean emon beharko du izena hilaren 27a baino lehen. Yoga. Martitzen eta eguenetan, 18:30etik 20:00etara. Gimnasia. Martitzen eta eguenetan, 09:15etik 10:15era; Astelehen eta eguaztenetan, 19:30etik 20:30era. Trikitixa eta pandero. Eguaztenetan, 20:00etan hasita. Tenis. Astelehen eta eguaztenetan eta martitzen eta eguenetan, 16:00etan hasita. Zapatu eta domeketan, goizean. Josketa. Barikuetan, 17:00etatik 20:00etara. Kickpower eta kardiobox. Martitzen eta eguenetan, 20:30etik 21:30era. Eskulanak. Astean lau egunetan, ekainera arte. Hirugarren adinekoentzako. Gimnasia: Martitzen eta eguenetan, 17:00etatik 18:00etara; Barikuetan, 12:30etatik 13:30era. Burua martxan: Martitzenetan, 18:00etatik 19:00etara.


Motokros zaleek aukera paregabea izango dute domekan. Izan be, motokros lasterketak lehiatuko dira Ereñoko Gabika auzoan, Gernika Off Road taldeak antolatuta. Domekakoa Euskadiko Txapelketako azkenengo proba puntuagarria izango da, eta ezustekorik ger...

Gernika-Lumoko basurdeek “ilusioz” gainezka egingo diote aurre denboraldiko lehenengo partidari. Zapatuan 17:00etatik aurrera, Alcovendas (Madril; Espainia) taldearen aurka jokatuko dute Urbietako zelaian, eta garaipena gura dute. Jorge Jimenez entrenatzailearen ustez, denboraldia “ondo hastea” oso garrantzitsua da. Ez da partida erraza izango halanda be. Alcovendasek sei jokalari barri fitxatu ditu, eta gernikarrek ez dakite zelako taldea izango duten aurrean. Madrildarrek talde barria dutela argudiatzen du entrenatzaileak. “Lo zelairatzen bagara partida galduko dugu, ezin gara fidatu” dio Jimenezek. Hala, lehenengo minututik azkenengo minutura, jokalariak partidan sartuta egotea eskatu du. Zapatuko eguraldi iragarpenak betetzen badira, baliteke zelaia basaztuta egotea. Egoera horretan, madriladarren “aurrealde pisutxuak” min emon diezaioke taldeari, eta “baloia mugituz” saiatuko dira aurre egiten basurdeak. Defentsan “ondo” moldatuko direla uste du Jimenezek, baina erasoan asmatu beharko dute. Argentinarra “pozik” azaldu etxean jokatzen dutelako. Autobusean egin beharreko “bidaiek” taldearen jokoa baldintzatzen dutela uste du. Jokalariek ez dutela atseden hartzeko aukerarik, eta nekeak zelaian eragiten duela deritzo. Jimenezen hitzetan, taldea ondo dago, eta “maila ona” emon dezake. Fitxaketa barriak taldera egokitzeko denbora gehiago beharko dute, baina aurredenboraldiko partidetan “nahiko ondo” moldatu dira basurde barriak. Horregatik itxaropentsu azaldu da denboraldi barriari begira. Itxaropentsu egon arren, basurdeen entrenatzaileak ez du helburuetaz berba egin gura. Lehentasuna “joko [...]

Forutik Forura mendi martxa egingo dute domekan. Hirugarren urtez jarraian antolatu du Haitz Biribil Elkarteak mendi martxa, eta aurten 21,6 kilometrokoa izango da. Martxaz gain, lasterketa be antolatu dute. 08:30ean aterako dira, hain zuzen, martxa eg...

Itsaso zakarragaz eta itsaso bareagaz; Urdaibaikoek ez dute aurkaririk izan Kontxako Banderan. Estropadaren lehenengo jardunaldian olatu artean hegan egin ostean, iragan domekan lehiatu zuten bigarren jardunaldia be, nagusitasunez irabazi zuten bermeotarrek. Hondarribia bigarren sailkatuari hemeretzi segundu atera zizkioten, eta 24 segundu Kaikuri. Sestaokoek, ezin izan zioten 33 segunduko aldeari buelta emon, eta laugarren postuan amitu zuten bigarren jardunaldia Tiraneko galizarren atzetik. Jose Manuel Francisco Urdaibaiko entrenatzailea «oso pozik» azaldu da garaipena lortu ostean. “Gehiago ezin dezakegu eskatu” dio. Galizako entrenatzaileak Kontxako lau bandera irabazi ditu, baina domekakoa garaipena “bereziena” izan da. Taldearentzat “urte gogorra” izan da, eta Kontxako bandera nagusitasunez irabaztea handia dela deritzo. “Taldearen arrakastarik handiena egoerari buelta emotea izan da” entrenatzailearentzat. Portugaleten liga irabazteko aukera galdu ostean, “momentu txarrak” pasatu zituzten, baina Kontxako garaipenak ezbeharra ahazten lagundu die. Franciscoren ustez, lehenengo jardunaldian “zorte” apur bat izan zuten kaleagaz, baina “talderik indartsuena” izan direla erakutsi zuten domekan. Itsaso baregaz be, urdaibaikoek “primeran» egin zuten arraunean, eta ez zioten aukerarik emon Kaikuri. Betiko moduan, sestaokoak, gogor irten ziren ihes egiteko asmoagaz. Halanda be, bermeotarrek “ondo” eutsi zuten hasierako erasoa, eta ziabogara aurretik heltzea lortu zuten. Aurretik zirela ikustean, Urdaibaiko arraunlariak hazi egin ziren, eta helmura arte aldea handitzen jarraitu zuten. [...]

Abenduaren 14tik 16ra egingo dute Eneko Gogeaskoetxea busturiarraren kontrako estradizio epaiketa. Hain zuzen, hamabost delitu egotzi dizkiote Gogeaskoetxeari, eta horiek guztiagatik eskatu du Espainiak bere estradizioa. Gaur bertan zehaztu dute epaiketaren data, Londresko epaitegian egin duten auzi saioan. Bertan izan behar zuen Gogeaskoetxeak berak be, baina bideokonferentziaz emon behar izan du deklarazioa, Belmarsheko kartzelatik. Estradizioaren kontra dagoela esan dio Daphne Wickman epaileari. Defentsaren estrategia Epailearen aginduz, abenduko epaiketan baliatuko duen estrategiaren oinarriak azaldu behar izan ditu defentsak. Hala, 2004kootsailetik 2011ko uztailera bitartean Gogeaskoetxearen kontra eskatutako atxilotze aginduen edukiak zalantzan jarriko dituela esan du Mark Summers abokatuak. Gainera, Espainiar legean oinarrituta leporatutako delitu horien froga nahikorik ez dagoela aipatu du. “Era berean, froga horiek azalpen ugari eskatuko lituzketen moduen bitartez lortu dituztela pentsatzeko arrazoiak be badaude”, gaineratu du Summersek, azalpen gehiagorik emon barik. Gogeaskoetxea espainiaratzeak, gainera, lege britaniarrak jasotzen duen klausula berezi bat urratu dezakeela aipatu du busturiarraren abokatuak. Klausula horren arabera, atxilotua euroaginduak zehazten dituen delituengatik bakar-bakarrik epaituko dutela bermatu behar da estradizioa onartzeko. Izan be, estradizioa onartu eta Espainiak euroaginduan jasota ez zeuden delituengatik epaitu izan ditu hainbat euskal herritar, iraganean. Besteak beste, Espainiako erregea hiltzeko konspiratu izangatik, 1997ean ertzain bat erailtzeagatik, Sallen de Gallegoko (Espainia) Guardia Zibilaren etxearen [...]