
2050erako hondartzaren bat zein beste desagertzea edo murriztea aurreikusten dela salatu du Greenpeacek, eta esan du "premiazkoa" dela arrisku horiei aurre egitea. Busturialdeko txokoak ere "arriskuan" daudela gaineratu dute.

Bizkaiko Foru Aldundiak hondakinen ustiapenerako prezio publikoetan egindako igoerari aurre egiteko asmoz onartu du neurria Bermeoko Udalak, EH Bildu eta Guzanen botoekin. EAJrentzat, "agerian" geratu da udal gobernu taldearen "kudeaketa ekonomiko txarra".

Hondakinen sorkuntza eta bilketaren inguruko azterketa egin du Eako Udalak, eta ez ditu emaitzak onak izan. Hori konpontzeko, prozesu bat abiaraziko dute, eta lehenengo pausoa astelehenean (ekainak 30) emango dute, lan taldearen lehen bileragaz. Parte hartu gura duten guztiak daude gonbidatuta, baina izena eman behar da.

Oka ibaiaren arroko baliabide hidrikoetan klimak duen inpaktua aztertzen duen azterketa lana egin dute, eta, ondorioztatu dute, klima aldaketak estuarioaren morfologian "oraingoz inpaktu txikia" duen arren, gizakien jarduketek eragin "garrantzitsuak" izan dituztela.

15,76 hektarea dauzkan lursailari buruzko hitzarmena da sinatu dutena. Izan ere, eremu hori bertako baso misto bihurtu gura dute, biodibertsitate eta iraunkortasun ekologiko handiagoa lortzeko helburuz.

Uztailaren 11tik 31ra bitartean egingo da aurten Urmuga ekimen nazionala, antolatzaileen esanetan orain arteko "handiena eta bereziena" izango dena.

Datorren astean egingo dituzte Mundakako portuko kanpoaldeko dartsenaren dragatze lanak. Ponpatutako harea Laidara lekualdatuko dute, baimenduriko urpeko eremu batera.

Guggenheim Urdaibai Stopek hala eskatuta, Hezeguneentzako Mediterraneoko Aliantzak Alerta Gorria piztu du biosfera erreserban, museo makroproiektuak "dakarren mehatxua" dela eta.

'Zabor eta Bio' erakusketa ibiltariak Bermeoko Gaztelekuan du geraleku berria gaur hasi eta domekara [maiatzak 18] bitartean. Eleizalde Ikastolako eta Sagrado Corazon Ikastetxeko ikasleen mezuek osatuko dute Zero Zabor Uretanen aurtengo ekimena.

Plataformakideak Miren Arzalluz Guggenheim Bilbao Museoko zuzendariagaz batzartu dira beraien helburua azaldu eta zuzendariak duen informazioa eta iritzia ezagutzeko asmoz.

Urretxindorra eskola komunitateak 200 landare landatu zituen domekan [martxoak 16], BaSOS elkarteak Ordorikan erositako lur-eremuan.

Kanpoko irteerez gain, bestelako ekintzetan ere parte hartzen ari dira, hitzaldietan edota kongresuetan, adibidez.

Ozeanoen Europako Ituna definitzeko Europako Batzordearen entzute-prozesuan parte hartu du Bermeo Tuna World Capital elkarteak, eta ituna garatu eta arrantza jasangarria "maila globalean" sustatzeko batzordearekin lankidetzan aritzeko prest daudela berretsi dute.

Lurgaia Fundazioak 50,4 hektareako erosketa akordioak lortu ditu Urdaibaiko Biosfera Erreserbaren hegoaldean. Hiru lur eremu erosiko dituzte, eta bakoitza aztertu eta gero pixkanaka berreskuratuko dituztela azaldu dute.

Busturialdeko EH Bilduko alkateek "berri positibotzat" hartu dute Eusko Jaurlaritzak eta aldundiak gaur aurkeztu duten Guggenheim Urdaibairi buruzko entzute prozesua. Hala ere, "zuhurtziaz" hartu dute, ze uste dute entzuten zaionari bermea eman behar zaiola entzundakoa kontuan hartuko dela.

Sukarrietako Udalak udalerrian izena daraman sagarrondo barietatea berreskuratu nahi du, eta herritarrekin batera horretarako landaketa hasi dute, herrian zehar. Hazien Sareari beste ale sorta bat eskatu diotela jakinarazi dute.

Ballena Blanca ingurumen aldizkariak sortutako ‘Klima aldaketak ez du graziarik’, erakusketa ikusgai dago Busturiko Ekoetxea Urdaibai ingurumen-zentroan. Umorista grafikoek egindako hamabost binetak osatzen dute klima aldaketaren inguruan gizartearen inplikazioa areagotzea helburu duen bineta bilduma.

Barrutiko eta Barrutialdeko eskola komunitateak landaketak egin zituen atzo BaSOS elkarteak Ordorikan erositako lur eremuan. 25 lagun bertaratu ziren, Muxikako eremua bertoko baso bihurtzeko asmoz.