
Ekoetxea Urdaibaik larrialdi klimatikoaren testuinguruan kokatzen den eta klima-aldaketaren "ulermen zorrotz eta eskuragarria" eskaintzeko helburua duen 'Klima aldaketa: hemen eta orain' erakusketa iraunkor berria inauguratu du gaur [ekainak 5], Ingurumenaren Munduko Egunez.

Ekialdeko aparkalekua, aurtengo udako denboraldian, publikoarentzako zabalik egongo da. Udalak haren behin-behineko kudeaketarako ahozko akordioa lortu du. Baka Bakean Laga plataformak "albiste ona" dela adierazi du, baina, aparkalekuan duna artifiziala eraikitzeko proiektua bertan behera uzteko bidean, "gazi-gozotzat" dute lorpena.

Muxika eta Gernika-Lumo bitartean ospatu zuten, iragan zapatuan [maiatzak 15], Baso Bizien Eguna, BaSOS elkarteak antolatuta.

Alemaniako Natura Argazkilarien Elkartearen 2025eko Wildlife Photographer of The Year argazki lehiaketako argazki bilduma ikusgai dago Ekoetxea Urdaibain, natura "modu sortzaile eta etikoan" ezagutzeko.

Herritarrek plataforma sortu dute, Kostaren eta Itsasoaren Espainiako Zuzendaritza Nagusiak Lagako hareatzan egitea aurreikusten duen proiektuarekiko aurkakotasuna erakusteko. "Informazio eza", proiektuaren eragin sorta "zabala" eta erakundeen "alde bakarreko jarrera" salatu dituzte. Maiatzaren 16rako elkarretaratzea deitu dute, 11:30ean, Lagan.

Bermeo Tunako zuzendari Maitane Leizaolak Senatuan aurkeztu du Atunaren Iraunkortasunerako Nazioarteko Adierazpena. Bermeotik bultzatutako ekimenak atunaren balio-kate "iraunkorrago, bidezkoago eta gardenago batekiko" konpromiso globala sustatzea du helburu.

AZTIko ikertzaileek gidatutako nazioarteko ikerketa batek aztertu du ozeanoaren beroketak Atlantikoko hegalaburra iparralderantz bultzatzen duela; aldi berean, garrantzi ekologiko handiko eremuak —Mediterraneoa eta Mexikoko golkoa, besteak beste— gero eta desegokiago bihur litezke bere ugalketarako.

Gernika-Lumoko Udalak Babesleku Klimatikoaren sarea definitzeko parte-hartze prozesuaren ondorioak aurkeztu zituen Elai Alai aretoan, espazio irisgarri, fresko eta hurbilekoak definituz. Hain zuzen, kanpoko 36 babesleku eta barruko sei babesleku proposatu ditu, lau espazio potentzialez gain.

Hands Off Nature koalizioak herritarren babesa eskatu du, Europako Batzordeak bultzatutako zortzigarren omnibus paketearen neurriek ur ekosistemen babeserako "atzerapauso larriak" ekarriko dituztelako.

'Landatu zuhaitz bat: aldatu zure aztarna' landaketa bihar [zapatua] egingo dute, 09:45etik 13:45era, Paresin.

Bizkaiko 30 udalerritan —aurrerago zehaztuko dituzte— aurrera eroango dute 'A ze marroia' ekimena. Kanpaina horrekin herritarrak edukiontzi marroiko gaikako bilketaz kontzientziatzea bilatuko dute.

Bizkaiko Foru Aldundiaren Ingurumen Sailak eta Bermeoko Udalak aurkeztutako alegazioei esker, 501 zenbakidun Sollubemendi izeneko Herri Onurako Basoko proiektua guztiz aldatu da, eta bideen ondoan dauden pinuak bakarrik botako dituzte.

Lurgaia Fundazioak zapatuan [azaroak 8] egingo du 2025-2026 aldiko lehen baso landaketa. Mendatako Berrekondo ibarrean ariko dira beharrean.

Bero boladei aurre egiteko sarea osatu gura du Gernika-Lumoko Udalak eragile eta herritarrekin elkarlanean. Eta, horretarako, parte-hartze prozesu bati ekin dio. Hala, gaur erretiratuekin, eta kultur eta osasun eragileekin egongo dira, baina beste zenbait hitzordu ere zehaztu dituzte hilabete honetarako.

Eraldaketa berdea gidatzeko proiektua da nazioartekoa, eta Gernika-Lumok irtenbide jasangarriak aplikatuko ditu Europako bederatzi hirirekin batera.

Mape ibaiaren haranean 300 zuhaitz eta zuhaixka autoktono landatuko dituzte zapatuan, eta horrez gain, sukaldaritza iraunkorreko tailerrak eta jarduera desberdinak antolatuko dituzte BBK Klima gunean.