
Hondakin organikoen birziklapenaren inguruko kontzientziazioa ardatz duen karabana Ibarrangeluko udal pilotalekura ailegatu da gaur [urtarrilak 30]. Aurrerantzean, Gernika-Lumotik nahiz Eatik ere pasatuko da.

Urdaibai Bird Centerrek ohartarazi du Urdaibaiko hondartza eta paduretan txakurrak aske ibiltzeak arriskuan jartzen dituela hegazti migratzaileak, eta gogoratu du EAEko Ondare Naturala Babesteko Legeak debekatu egiten duela hori.

Hezeguneen Mundu Egunean batuko dira Gautegiz Arteagako Urdaibai Bird Centerren domekan (otsailak 1), hegaztiei eraztunak jarri eta hezeguneek duten garrantzian sakontzeko.

Ingurumen Hezkuntzaren Munduko Egunez [urtarrilak 26], Eusko Jaurlaritzako Ingurumen sailburuorde Josu Bilbao Begoñak BBK Klimaren instalazioak bisitatu ditu, itsasoko eta ibaiertzetako zaborren arazoari irtenbidea bilatzea helburu duen Ulysses Experience dibulgazio proposamena bertatik bertara ezagutzeko.

Eusko Jaurlaritzak 46.000 euroko dirulaguntza emango dio Eako Udalari, gaur egun herriko hondartzako, itsadarreko eta portuko zenbait gunetara iristen diren isuriak eteteko. Datorren martxorako, lanak "amaituta" egon behar dira.

Sollube Gane Parke Eolikoa eraiki nahi zuen Savanna Power Solar 19 SLU enpresak aurretiazko administrazio-baimena emateko prozeduran "amaitutzat ematea eta espedientea ixtea" eskatu dio Industria, Trantsizio Energetiko eta Jasangarritasunaren Bizkaiko Lurralde Ordezkaritzari.

Sollube Gane Parke Eolikoaren proiektua ezagutu zutenetik, hori bertan behera uzteko helburuagaz lanean aritu da SOS Sollube plataforma. Asteon alegazioak aurkeztu dituzte Bizkaiko Industria Administrazioaren Lurralde Ordezkaritzan.

Alderdi jeltzaleak parke eolikoaren proiektuaren planteamenduagaz bat ez datozela eta Sollube Ganeko proiektuari alegazioak aurkeztu dizkiotela iragarri du. Hala ere, "elkarrizketarako prest" agertu dira.

Neiker zentro teknologikoak SEA2LAND ekimen europarra koordinatu du, arrantzako azpiproduktuak ongarri biologiko bilakatzeko, eta, arrantza-ontzietako hondakinetatik mineralak ordezkatzeko gai diren ongarri biologikoak lortu dira, lurzoruen osasunarentzat onuragarriagoak direnak.

SOS Sollube herri plataformakoek Sollube Ganeko proiektu eolikoa geldiaraztea eta "eredu energetikoa birplanteatzea" eskatu dute gaur, Bizkaiko Industria Administrazioaren Lurralde Ordezkaritzan.

Fruituola proiektuaren parte den 'Udazkeneko inausketa berdea: funtsezko teknikak eta praktikak' ikastaroa egin zuten eguenan (urriak 2). Saioa "oso arrakastatsua" izan zela nabarmendu dute Urremendi Landa Garapen Elkartekoek.

Fashion Revolution nazioarteko mugimenduaren baitan kokatutako ekitaldi bati esker, tokiko gastronomiaren, eskualdeko txakolinaren eta moda jasangarriaren topagune izan zen zapatuan (irailak 27) BBK Klima.

100 bat lagun elkartu ditu Sukarrieta Pedernales Portuondo Kirol Ontzien elkarteak deitutako Kostaldea Garbitzeko Eguna jardunaldiak.

Sukarrieta Pedernales Portuondo Kirol Ontzien elkarteak udalerriko kostaldea garbitzeko jardunaldia antolatu du zapatuan [abuztuak 9].

Sergi Reboredi bidaien kazetaritzan espezializatutako kazetari grafikoaren 'Antropozeno: izotz-urtze polarra' ikusgai dago Busturiko Ekoetxea Urdaibai zentroan.

Giancarlo D´Arriego erromatarrak Urdaibaiko Biosfera Erreserban zehar ateratako 43 argazkik osatzen duten erakusketa abuztuaren 14ra arte bisitatu ahal izango da, Elai Alai Aretoan.

Busturiko BBK Klima parkeak ateak zabaldu ditu, eta bisitariei klima aldaketaren eta gizartearen ohituren inguruan ikasteko aukera eskainiko die urrira bitartean.