
VIII. Galeusca Historia kongresuan parte hartu dute Gernika-Lumoko Pipergorri Kultur Alkarteko Amagoia Lopez de Larruzeak eta Iñaki Uribarrenak.

Xixili Festibala ez da aurreikusitako datetan ospatuko, "funtsezko hornitzaile bat" galdu baitute. Antolatzaileek esan dute dagoeneko beste data batzuk bilatzen ari direla, eta data berrien berri "ahalik eta lasterren" emango dutela.

Sindikatuak adierazi du eskualdean etxeko langileen lan eta bizi baldintza kaxkarrengatik jarritako salaketak "gero eta gehiago" direla. Lea-Artibai eta Busturialdean 32 kasu baino gehiago artatu dituela adierazi du LABek.

Gernika Futbol Salaren lehen taldeak 7 eta 4 irabazi dio Usansolori ligako lehendabiziko jardunaldian. Zapatuan [urriak 3], Donapari KE-ren aurka neurtuko dituzte indarrak, 19:30ean hasita, bigarren liga saioan.

Motor klasikoen motokros lasterketa hartu ondoren, cross country mailako Euskadiko Txapelketa hartuko du Mendatak zapatu honetan [urriak 3]. 60 lagundik gora izena emanda daude 12:00etan hasiko den eta ordu bi inguruko iraupena edukiko duen lehiara.