Albisteak

25 urteko lanaren bilduma

Udalaren Kultura sailaren laguntzagaz, Gernikazarra historia taldeak Apuntes para la historia de Gernika-Lumo liburua kaleratu du. «Ez da gai barria edo ikerketa barria», taldearen 25. urteurrena ospatzea izanik helburu, Gernikazarrak urte horietan ...

Gernika-Lumoko Hitza

Biomasa zentrala «Zallara» eroango dutela uste dute Errigoiti Arrieta Garbikoek

Errigoiti Arrieta Garbi plataformako kideak “pozik” daude Errigoitiko biomasa zentrala eraikitzea ekidin dezaketelako. Joaquin Iragorri plataformako kideak jakinarazi duenez, “biomasa planta Zallan egingo dutela uste dugu, baina badaezpada, lanean jarraituko dugu behin-betiko jakinarazpena jaso arte”. Azaldu duenez, politikariekin batu diren azkenengo aldietan, “aukera egokiena Zallakoa” dela esan diete plataformakoei. Halan da be, ez dira fidatzen. Politikarientzat “gaur zuria” dena, “bihar beltza” izan daitekeela argudiatzen dute. Iragorrik dioenez, “Errigoiti baino leku hobeagoak daude zentrala eraikitzeko eta bide onetik goazela uste dugu”. Bestalde, Iñaki Madariaga alkatearen jarrera be kritikatu du plataformako kideak. Biomasa plantako lanak maiatzean hasiko direla zabaldu zuen gutun bidez Madariagak, baina “gezurretan” dabilela salatu du Iragorrik. Azaldu duenez udalak “ez ditu jaso” Malluki industrigunea eraikitzen hasteko baimenak. Horregatik, hauteskundeei begira “botoak batzen” dabilela salatu du. Iragorriren hitzetan, lanak “iragan urteko ekainean” hasi behar zituzten, baina oraindik geldi dago proiektua. “Zerbaitengatik izango da” azpimarratu du. Plataformakoen ustez, udalak lanak baimen barik hasten ez baditu, zentralaren proiektuak geldirik jarraituko luke. Iragorrik gogoratu duenez, “Olabarriko errepidea be, baimenak izan barik egin zuten eta epaileak ingurumen txostenak eskatzen jarraitzen du” Domekan Olabarri izango dira plataformakoak Plataformako kideak, Olabarrin izango dira domeka goizean. Bilbao-Bilbao martxa zikloturista bertatik pasatzen dela baliatuko dute zentralaren aurka protesta [...]

Gernikaldeko Hitza

Zuhaitz eguna ospatzeko izen ematea zabalik dago

Zuhaitz egunean parte-hartzeko izen ematea zabalik izango da barikua arte. Kortezubiko Udalak martxoaren 27an ospatuko du zuhaitz eguna. Ohar bidez jakinarazi dutenez, «11:00etan» jarri dute hitzordua. Herritarrak plazan batu ostean, ibilaldia egingo...

Gautegiz Arteagako Hitza

Gizon bat atxilo, itxurazko pistola bategaz beste bati mehatxu egiteagatik

Joan den zapatuan 31 urteko gizonezko bat atxilotu zuen Ertzaintzak Mundakan, beste bati itxurazko pistola bategaz mehatxuak egitea leporatuta. Zapatu eguerdian jazo zen gertaera, herriko gasolindegi batean. Eztabaida baten ondoren, atxilotutako gizone...

Busturiako Hitza

“Harrotasuna” erakusteko eta euskaraz biziteko deia egin du EHEk

Euskaraz Bizi Eguna egingo dute aurten bigarrenez. Eta oraingoan Gernika-Lumon egingo dute, martxoaren 19an. 30 urte bete zituen iaz Euskal Herrian Euskarazek, eta orduan egindako hausnarketa prozesuan ondorioztatu zuten “euskararen alde egotetik...

Gernika-Lumoko Hitza

Inauguratu dute eguneko zentroa

Bizkaiko Foru Aldundiaren eta Bermeoko Udalaren arteko lankidetzaren emaitza den eguneko zentro barria inauguratu dute gaur goizean. Jose Luis Bilbao Ahaldun Nagusia eta Bermeoko alkate Xabier Legarretaren ardura izan da eskualde osorako zerbitzua emon...

Bermeoko Hitza

Handia egin gura dute Gernika KESBekoek

Gernika KESB taldeko arduradunak “poz-pozik” daude azkenaldian. Lehenengo nazional mailan jokatzen duen seniorren taldeauste baino denboraldi onagoa egiten dabil, eta “ametsetan” hasi dira. Denboraldia lehenengo bi postuetan bukatuz gero, saskibaloiaren bigarren mailan jokatzeko sailkapen fasean izango dira gernikarrak. Mario Lopez kirol zuzendariak ohartarazi duenez, “oraindik hamar partida falta dira denboraldia bukatzeko, eta lan asko egin beharko dugu”. Taldeak uste baino helburu garrantzitsuagoak ditu begipuntuan, baina amets egiteko aukera irabazi dute. Sailkapen fase horretan izateko bidean, partida garrantzitsua izango dute domekan. 18:00etatik aurrera, Las Gaunas (Logroño, Espainia) liderraren aurka jokatu beharko dute Malosten. Partida irabaziz gero, liderraren parean jarriko dira barriro. Izan be, iragan asteko partida galdu arte, berdinketa zegoen sailkapen nagusiaren lehenengo postuan. Lopezen hitzetan, “partida garrantzitsua izango da”. Garaipena lortzen badute, sailkapen fasean izateko aukera asko dituztela uste du. Ez da erraza izango halan eta be. «Las Gaunas igoera lortzeko prestatu duten taldea da, eta guk bertoko jokalariak baino ez ditugu erabiltzen» argudiatzen du kirol zuzendariak. Lopezek partida “lehiatua eta orekatua” izango dela uste du. “Gogotsu” daudela dio, eta «partida ona» egiteko gai ikusten ditu neskak. Denboraldi guztian bezala jokatzen badute, “irabazteko” aukerak dituztela nabarmendu du. Ildo horretatik, domekako partidan zaleen babesa izatea “ezinbesteko” ikusten dute taldekideek. Alberto Gonzalez [...]

Gernika-Lumoko Hitza

85 urtetik gorakoen %99,19k “egoera pertsonal ona” dauka, Atiempo ikerketaren arabera

Bermeo Bermeoko Udalak emondako datuen arabera, 212 dira Bermeon erroldatuta dauden 85 urtetik gorako herritarrak. Pertsona horien egoera aztertu gura izan du Bermeoko Udalak, eta horretarako, erroldatutako 124 pertsona kontutan hartua, ikerketa egin du. Bakarrik bizi diren hirugarren adineko bermeotar horiei buruzko datuak «onak» direla aipatu du Udalak. Izan be, ikerketaren emaitzek adierazi dutenez, ikertutako pertsona horien %99,2k egoera pertsonal ona dauka, gainontzeko %0’8k hain ona ez duen bitartean. Horrekin batera, ikerketan tratu txarren kasurik ez dela detektatu jakinarazi dute emaitzek. Bestalde, ikerketaren emaitzek 124 pertsona horietatik %79,84 emakumeak eta gizonezkoak %20,16 direla erakutsi dute. Horiei guztiei Bermeoko Udalak eskaintzen dituen oinarrizko zerbitzuei buruz galdetu zaie eta 79 pertsonak zerbitzu horiek zertan oinarritzen diren jakin dute. Horrez gain, ikerketutako 124 bermeotar horietatik 82k laguntzaren bat behar izaten dute eguneroko jarduerei aurre egin ahal izateko. 49 pertsona, gainera, etxez-etxeko zerbitzuaz baliatzen dira. Gainontzeko 42 herritarrek ez dute inolako laguntzarik egunerokotasunerako, beti be, Atiempo ikerketaren arabera. Zerbitzuez baliatuz Etxebizitzei dagokienez, ikertutako hirugarren adineko pertsona horietako batzuek oztopo arkitektonikoak dituzte euren etxeetan. 124tik 77k igogailua daukate eta gainontzeko 47k ez. Halanda be, igogailurik ez duten 47 bermeotar horietatik 33k igogailua izatearen beharra daukate. Beste hamalauk, momentuz, horren beharrik ez dutela aitortu dute hortaz [...]

Bermeoko Hitza

‘Felipe Ruano’ atunontzia bahitzen saiatu dira, hirugarrenez urtebetean

Bermeoko Felipe Ruano atunontzia erasotzen saiatu dira gaur goizean, zenbait komunikabidek jakitera eman dutenez. Indiako Ozeanoan gertatu da eraso saiakera, eta urtebeteko epean hirugarrenez saiatu dira itsasontzi hori erasotzen. Piraten bi ontzi txik...

Bermeoko Hitza
Gehiago