Albisteak

Duela 75 urteko sarraskia gogoratuko dute gaur Gernika-Lumon

Gaur bezalako egun batean, duela 75 urte, Alemaniako Kondor Legioak Gernika-Lumo txikitu zuten. Sarraski hura gogoratzeko hainbat ekitaldi izango dira gaur. 11:00etan izango da lehenengoa, Gernika 1937-2012 ekimenak Foru plazan irakurriko duen adierazpenagaz. 12:30ean, bestalde, Gernika Sariak banatuko dituzte Lizeo Antzokian. Hain zuzen, Roman Herzog Alemaniako presidente ohiak eta Lokarrik hartuko dituzte aurten sari horiek. Sariak banatutakoan, 13:00ak aldera, Nestor Basterretxearen Suaren agonia monumentua inauguratuko dute. Unerik hunkigarrienak, ordea, sirena hotsekin batera ailegatuko dira. 15:45ean hasiko dira sirenak eta kanpaiak jotzen Gernika-Lumon, hiria suntsitu zuten ordu berean. Gainera, Kultura Batzordearen ekimenez, lau minutuko geldiunean egitera deitu dituzte herritarrak ordu horretan. Hiru gune aukeratu dituzte horretarako: Eria, Errenteriako zubia eta San Kristobal plaza. 16:30ean, urtero legez, elizkizuna eta lore eskaintza egingo dituzte Zallo hilerrian. 19:00etan, bestalde, Gernika sutan antzezlana ikusteko aukera egongo da kaleetan, hainbat herritarren parte hartzeagaz. Kandelen manifestazio isilak itxiko du gaurko egitaraua. 21:00etan abiatuko da, Foru plazatik.  

Gernika-Lumoko Hitza

Kazetariek gerra garaian izan beharreko jarreraz mintzatu dira

Gerra bat hasten denean edo giza eskubideen urraketa bat emoten denean komunikabideek betebehar sozial bat dute? Geroge L. Steer kazetari famatuak, esaterako, baietz uste zuen, eta Gernika-Lumoko sarraskia hurbiletik ezagutu ostean, euskaldunen eta errepublikaren alde egin zuen 36ko gerran. The Times egunkariaren bitartez bonbardaketaren zabalkundea egiteaz gain, laguntza militarra eskatu zion Erresuma Batuari, hegazkinak eta armak Euskal Herrira bidaltzeko erregutuz. Izan be, lehenengo biderrez historian, biztanle arruntak erasotu zituen armada batek hegazkinak erabiliz. 75 urte beranduago, galdera horri erantzuna emoten saiatu dira nazioarteko eta bertoko kazetariak bonbardaketaren urteurreneko egitarauaren barruan. Hain zuzen, Iñaki Soto Garako zuzendaria, Bingen Zubiria Deiako zuzendaria, Javier Moreno El Paiseko zuzendaria, Mikel Aiestaran EITBko gerra korrespontsala, eta Graham Keeley The Timeseko korrespontsala kazetariek gerra garaian izan behar duten jarreraz mintzatu dira. Mahainguruan parte hartu dutenek, argi dute kazetaritza ezinbesteko tresna bat dela gerra garaian, baina tresna hori modu egokian erabiltzearen garrantzia nabarmendu dute. Izan be, “informazioa eta propaganda” bereizten dituen muga “oso estua” dela argudiatzen dute.

Busturialdeko Hitza

Bilbaoren eta Suarezen bertsoak dira aurtengo onenak

Kristina Bilbao Hernandezek, lehenengo mailan, eta Luis Suarez Justinianok, bigarren mailan, egindako bertsoak izan dira aurtengo bertso paper lehiaketako onenak. Itsaso Urrestirena eta Xabier Santamariarena geratu dira bigarren postuan. Gaur eguerdien...

Bermeoko Hitza

Oroimenari lekua egiteko eskatu du Gernika 1937-2012k

Biharko eta etzirako antolatu dituen jarduerak aurkezteagaz batera, horietan parte hartzeko deialdia egin du Gernika 1937-2012 ekimenak, «oroimenari lekua» egiteko, alegia. Izan be, nabarmendu dutenez, «etorkizunean lantzeko hainbat gauza ikas ditza...

Gernika-Lumoko Hitza

«Egoerari zelan buelta emon» aztertuko du LABek bost herritan

Lan erreformen eta murrizketen aurrean, euskal langileek eredu barri bat behar dutela uste du LAB sindikatuak. Horretarako, euskal langileak boterea irabazten hasi behar direla diote: «enpresetan, kalean, instituzioetan…». Hala, euskal langilee...

Gernika-Lumoko Hitza

Euskadiko Batel Txapelketa irabazi dute mundakarrek gazteen mailan

Mundakako arraun taldeak Euskadiko Batel Txapelketa irabazi du gazteen mailan. Hamabi segunduko aldea aterata, mundakarrek nagusitasunez irabazi zuten txapelketa iragan asteburuan. Legutioko urtegitik irabazlearen ikurrinagaz bueltatu zen bertoko bate...

Busturialdeko Hitza

200 parte hartzaile inguru izan dira Bizikleta Egunean

Bermeoko Txirrindularitza Taldea «pozik» agertu da atzo I. Bizikleta egunak izandako erantzunarekin. Azken kalkuluen faltan, gutxi gorabehera 200 lagunek parte hartu zutela jakinarazi dute. Egin zuen eguraldia kontuan izanik, «pozteko datua» dela adierazi dute, gainera. Bermeoko Txirrindularitza Taldeak Kirol Patronatuarekin batera antolatu du I. Bizikleta Eguna. «Lehenengo urtea izanik, jendeak ez zekien zer izango zen, halanda be, erantzuna ona izan da, hortaz oso pozik gaude», azaldu du Pedro Bilbao Txirrindularitza Taldeko kideak. Atalde kaleko bidegorrian egin zituzten zirkuitu desberdinak. Adinaren arabera, luzeagoa edo laburragoa, hain zuzen be. «Bizikletan ibiltzen direnentzako zirkuitua laburra izan zen, bestalde, normalean ez dutenentzat erabiltzen luzeegia. Erdiko zerbait egiten saiatzen gara. Izan be, denak gura dute irabazi», adierazi du. Halanda be, Bizikleta Egunaren asmoa ez zen lehian ibiltzea, baizik eta umeak bizikletan ibiltzea zer den jakitea eta Bermeoko Txirrindulari Eskolan egiten dutena ezagutzera emotea. Nahiz eta eguraldiak ez zuen lagundu, espero zituzten datuak bete dituztela azaldu du Bilbaok. «Joan den azaroan ziklokrossa antolatu genuen eta horretan 225 parte hartzaile izan ziren. Beraz, honetarako be, antzeko parte hartzea espero genuen». Parkamena eskatu gura izan dute zenbait kategorietako lasterketako ordutegiak apur bat aurreratu behar izan zutelako, «batzuk hasarratu egin ziren baina eguraldiagatik egin genuen».    

Bermeoko Hitza

"Egiten duguna izango gara"

Busturialdeko Hitza

Esparzaren Euskal Herriko mapak

Jose Mari Esparza idazlearen Nazio batentzako mapak liburua oinarri hartuta, Gernika-Lumoko Arrano kultur elkarteak erakusketa ikusgai jarri du Elai-Alai areto txikian. Euskal Herria berriz ere mapan jartzea izan da Esparzaren asmoa, eta 120 mapa baino...

Gernika-Lumoko Hitza

Euskal Herriaren izatearen aldeko mezua zabaltzen hasi da koloretako txoria

Duela 75 urte Gernikako zerua zeharkatu eta herria suntsitu zuten hegazkinen ordez, Euskal Herriari eta euskal herritarrei dagozkien eskubideak aldarrikatzen dituen txori koloretsuaren aldeko apustua egin du 1937-1012 ekimenak. Era berean, koloretako ...

Gernika-Lumoko Hitza
Gehiago