‘Ez ginen atzera egiteko jaio. Faxismoaren aurka, feminismoa’ lelopean kaleak hartzeko deia egin du Euskal Herriko Mugimendu Feministak. Busturialdeko txoko guztietan ere aldarriz beteko dituzte kaleak.



UEUren I. Merezimendu Saria Martin Orbe 1976-1983 urteen artean UEUko zuzendari izandakoari eman diote, euskara eta euskal kulturaren alde egindako lana eskertze aldera, Karmele Artetxe UEUko zuzendariaren berbetan, “UEUren estiloa” dei dai...


Aurreko urteetan bezala, aurten be, Pforzheim eta Gernika-Lumoren arteko senidetze proiektuaren baitan, Pforzheim hiriko zenbait irakasle eta ikaslek Gernika-Lumo bisitatu dute. Atzo ailegatu ziren herrira eta 24an joango dira barriro be Pforzheimera. ...

Bizkaia Gernikak Frantzian jokatuko du Amlin Chaleenge Cup-eko bigarren partida, etzi. Basurdeak USAP-en (Perpignan; Frantzia) kontra lehiatuko dira, Europako abenturari jarraipena emonez. Iragan asteburuan, Worcerter ingelesen kontra alde handiagatik galdu ostean, bertokoak emaitza hobea lortzen saiatuko dira bigarren partidan. Jorge Gimenez basurdeen entrenatzailea ez da Frantziara joango, aldakan ebakuntza egin baitzioten herenegun. Hala, argentinarrak Europan debuta egin barik jarraitzen du, lehen bi partidetan ezbaita egon.

Bermeoko alde zaharra biziberritzeko bidean, Haitz Nagusije auzotarren elkarteak proposamen berri bat dakarkie herritarrei azaroaren 3rako: bigarren eskuko liburuen eta musika euskarrien azoka. Goiko plazan egingo dute azoka, goizez, eta edozeinek part...

Gernika-Lumoko Euskera Zerbitzuak Udalak euskaraz. Zuk zergatik ez? kanpaina jarriko du martxan datotzen egunetan. Espe Uriarte udalaren euskera zinegotziak jakinarazi duenez, “kanpainiaren helburua herritarren eta udalaren arteko harremanetan euskara sustatzea da”. Zinegotziaren berbetan, euskeraren “ezagutza eta erabilera maila nahiko altua da kalean”, baina herritarrek udalagaz mantentzen dituzten harremanetan ez da bardin gertatzen. “Euskera bigarren mailako hizkuntza dela ahaztu behar dugu, toki guztietan gure hizkuntza sustatuz” esan du. Carlos Gorrindo udaleko beharginak, kanpaina “oso aberasgarria” izango dela deritzo. Dioenez, Euskeraren Erabilera Planean “zenbait hutsune” identifikatu zituzten, eta kanpainak, hutsune horiek beteko dituela uste du. Gorrindok azaldu duenez, “idatzizko harremanetan dago gabeziarik handiena, %16ak bakarrik erabiltzen baitu euskara udalean eskaera bat egiterakoan”. Udaleko langileak nabarmendu duenez, “lehenengo eskaera euskeraz eginez gero, espediente guztia euskeraz egingo litzateke, udaletxeko langileen artean be euskera sustatuz”. Hala, herritarren eta udalaren elkarlanaren bitartez sustatuko gura dute euskeraren erabilera. Bihar jarriko dute martxan kanpaina Euskera bultzatzeko kanpaina bihar jarriko dute martxan. Bittor Zarrabeitia Euskera Zerbitzuko Teknikariak dioenez, urrian zehar bandoak jarriko dituzte etxe atarietan, eta bi orriko bat banatuko dute kanpainaren oinarriekin. Modu berean kartelak jarriko dituzte herritik. Zarrabeitiaren berbetan, “herritarrak, eta erakundeak inplikatu” gura dituzte. Hala, euskera zerbitzuko langileak bertoko erakunde publiko eta pribatuekin be jarriko dira [...]


Bermeoko Udalak eta Ecovidriok Hemen beira birziklatzen dugu kanpaina martxan ipini dute. Kanpaina barria herriko elkarte gastronomikoei zuzenduta dagoela adierazi dute. Horren barri emoteko elkarteetako ordezkariekin bilera egingo dute bihar, 19:30ean, Gizarte eta Kultura Etxean. Bilera horretan Ale Hop sistemako edukiontzien funtzionamenduaren barri izango dute bertaratutakoek, hori baita tabernek erabiltzen dutena. Bermeoko Udaleko Ingurumen Sailak jakinarazi duenez, 30 inguru dira Bermeon dauden elkarte gastronomikoak eta “horietan beirazko hondakin kopuru handiak sortzen dituzte”. Hori dela eta, Ale Hop sistema duten edukiontziak erabiltzeko gonbidapena luzatu gura die txokoetako ordezkariei. Sistema horren bitartez beirazko hondakinak botatzea “errazagoa eta erosoagoa” dela azaldu dute, “giltz batekin edukiontzi barriak dituzten leiho handiak zabaltzen dira eta kuboa iraultzeko aukera emoten dute. Modu horretan beira hondakinak ez dira banan-banan bota behar”. 2006. urtetik aurrera Bermeoko hainbat kaletan sistema hori duten edukiontziak daudela diote. kontzientziazio kanpaina Abiarazi duten kanpainaren helburuak hurrengoak dira: elkarte gastronomikoen arduradunei informazioa emotea, sentsibilizatzea eta kontzientziatzea beiraren birziklatzea ohitura bihurtzeko eta beiraren birziklatze kopurua gehitzea, hain zuzen. Era berean, interesa dutenei Ale Hop sistemako edukiontzietarako kuboa eta giltza eskainiko dizkietela esan dute. 2006. urtean beirazko hondakinen bilketari buruzko beste kanpaina bat egin zutela gogorarazten dute Ingurumen Sailetik, orduan tabernei zuzendutakoa izan zen. Kanpaina horretan aurkeztu [...]