‘Ez ginen atzera egiteko jaio. Faxismoaren aurka, feminismoa’ lelopean kaleak hartzeko deia egin du Euskal Herriko Mugimendu Feministak. Busturialdeko txoko guztietan ere aldarriz beteko dituzte kaleak.



Bermeoko Udalak 2013. urterako ordenantza fiskalak onartu ditu azken osoko bilkuran. Tasa, prezio publikoak eta zerga gehienek KPIren igoera izango dute, hau da, %3,5. Halanda be, zenbait salbuspen daude: supermerkatuek %8 gehiago ordainduko dute sastar-batze zerbitzuagatik eta %5 banketxeek eta atunontziek. Bermibusak be gora egingo du langabetuentzat eta jubilatuentzat izan ezik, 70 zentimo balioko du. Eusko Alderdi Jeltzalea (EAJ) abstenitu egin zen. Ordenantza fiskalak egiterako orduan «progresibidadean» oinarritu direla azaldu zuen Bermeoko alkate Idurre Bidegurenek, «gure irizpidea gehien duenak gehiago ordaintzea izan da. Horrela, udalak zerbitzu publiko guztiak mantendu, eta ahal den neurrian, hobetu ahal izango ditu». Horrela izanik, ordenantza fiskal gehienak KPIren (%3,5) igoerarekin onartu dituzte, beti be, salbuspen batzuekin; izan be, alkatearen ustez, «badaude gaitasun ekonomiko handiagoa duten sektore batzuk eta horiei gehiago eskatu behar zaie». Horregatik, banketxeek eta atuntziek %5 gehiago ordainduko dute saster-batze zerbitzuagatik eta supermerkatuek, barriz, %8ko igoera izango dute. EAJ kritiko EAJko udal taldeak KPIaren igoera «onargarritzat» jo badu be, Bilduk hartutako zenbait erabakirekin kritiko agertu da. Adibidez, sastar-batze zerbitzuan zenbait sektoreri aplikatu dioten igoera «onartezina» dela azaldu dute. «Argi dago sastar gehiago sortzen dutenek, adibidez supermerkatuek, gehiago ordaindu behar dutela zerbitzu honegatik, baina ezin daiteke ahaztu sektore honek jada tasa hau bestelako herritarrek [...]

Etxetik kaleratzera zihoazela-eta joan den astean Barakaldon bere buruaz beste egin zuen Amaia Egaña gogoan izan dute Gernika-Lumon, haren omenezko eta desjabetzeen aurkako bilkura baten bitartez. Hainbat lagun batu dira Merkurio iturriaren inguruan, ...

Beste behin be, Jeronimo harategiak irabazi du San Martin jaietan Andeko tabernak antolatzen duen odoloste txapelketa. Aurtengoa, txapelketa antolatzen duten hamaikagarren urtea da eta 24 parte hartzaile izan ziren. Loiutik etorritako Iñigo Aurrekoetxearentzat izan da bigarren saria eta hirugarrena, barriz, Mungiko Olazar harategiarentzat izan da. Saltokirik onena be saritu zuten eta aurten Bermeoko Izarzuga harategiak jaso du garaikurra. Pozik hartu zuen saria odolosterik onenak egiten dituen Jeronimok. Sekreturik ez duela azaldu zuen, “kalitatezko osagaiak erabiltzea eta mimo eta maitasun handiz egitea, besterik ez”.

Zesta punta zaleek Jabier Gerrikaetxebarria puntista ajangiztarra omenduko dute, gaur. Ajangizko tigrea 70. hamarkadako puntista garrantzitsuenetako bat izan zen AEBetan, eta zesta puntaren munduak “merezitako” omenaldia egingo dio Calzada egoitzaren aldeko zesta punta jaialdian.Gerrika, baina, ez da omenaldian egongo, duela hilabete inguru hil baitzen. Jesus Mari Gorroño Gernika-Lumoko alkateak nabarmendu duenez, “pena da” ajangiztarrak omenaldiagaz gozatu ezin izatea. Gonzalo Beaskoetxea Gernika-Lumoko zesta punta eskolaren arduradunak dioenez, Gerrika omenaldiaren data heltzeko irrikitan zegoen, baina zoritxarrez, ezin izango du zaleen txalo zaparradarik jaso. Beaskoetxearentzat bereziki mingarria izan da Ajangizko tigrearen heriotza. AEBetan pisukide izan zuen Gerrika, eta lagun handiak zirela azaldu du zesta punta eskolaren arduradunak. Ajangizkoa orduko puntista hoberenetako bat izan arren, haren ontasuna nabarmendu du Beaskoetxeak. Dioenez, “pertsona bikaina zen, eta hortaz, gogorra izango da barriro ez ikustea”. Gaurko omenaldian zesta puntaren munduak azken agurra emongo dio Gerrikari, ekitaldi xume baina hunkigarri batean. Beaskoetxeak azaldu duenez, AEBetan eta Euskal Herrian pertsona oso maitatua zen, eta omenaldian jende asko batzea aurreikusten dute. Gerrikagaz jokatu duten hainbat puntista, esaterako, Gernika-Lumon izango dira. Jaialdiko partidak Urtero bezala, Jai Alai frontoira doazenek zesta punta jaialdi edar bategaz gozatzeko aukera izango dute, Calzada egoitza laguntzeagaz batera. Izan be, jaialdiko sarrerekin batzen duten dirua egoitzari emongo [...]

Bizkaia Gernika Rugby taldeak garaipenaren bidera bueltatu gura du, joan den asteburuan La Vilaren kontra galdu ostean. Bertokoen aurkaria ligako seigarren jardunaldian Universidad Vigo (Galiza) izango da. Hain zuzen, domekan jokatuko dute norgehiagoka, 12:30etik aurrera. Vigoko taldea azkenaurreko sailkatua da, eta partida bakarra irabazi du ligan. Bizkaia Gernikak, bestalde, sailkapenaren buruan jarraitzen du, La Vilaren kontra galdu arren. Teorian alde handia dago bi taldeen artean. Gernikarra, esaterako, entsegu gehien egiten duen taldea da; Vigo, bestalde, entsegu gehien jasotzen duen taldeetako bat. Hala, ezustekoa emongo luke Vigok, jokoan dauden puntuak irabaziz gero. 2011-2012 denboraldian, esaterako, galizarren kontra jokatutako bi partidak irabazi zituzten basurdeek. Ligan seigarren garaipena lortzeko, gainera, etxeko zaleen laguntza izango dute Gernika-Lumoko jokalariek, Urbietan lehiatuko baitira galizarren kontra.

Pintxopote ekimena hasiko dute barriz zapatuan Gernika-Lumoko 12 tabernak. Ekimenari jarraiki, zapaturo potea eta pintxoa euro batean hartzeko aukera izango dute herritarrek 20:00etatik 22:00etara. Aurten, gainera, 00:00etatik 01:00era potea euroan hartu ahal izango dute.

Gernika-Lumoko XXVIII. Milla Herrikoia jokatuko dute zapatuan, 16:00etan hasita. Urtero lez, gazteek zein nagusiek parte hartu ahal izango dute lasterketa horretan. Dagoeneko ikastetxeetako ikasleek eman dute izena lasterketan parte hartzeko; guztira, hain zuzen, 544 ikaslek. Merkurio iturritik abiatuko dira parte hartzaileak; lehenengo aurrebenjamin mutilak irtengo dira, eta, horien ostean aterako dira hurrengo kategorietakoak. Guztira, sei kategoriatan banatuta egingo dute lasterka korrikalariek. Umeak eta gaztetxoek bost mailatan banatuta parte hartuko dute: aurrebenjaminetan, benjaminetan, alebinetan, infantiletan eta kadeteetan. Horiek guztiek 40 txandatan egingo dute lasterka eta txanda bakoitzetik hurrengora hiru minutuko aldea izango dute. Txikoetxenek bukatzerakoan, nagusien txanda izango da. Horiek, bestalde, maila bakarrean lehiatuko dira; gizonezkoak eta emakumezkoak batera. Ikastetxeen bitartez izena emon ez duten korrikalariek zapatuan bertan eman ahalko dute izena; 14:30etik 16:00etara, Merkurio iturriaren parean. Proba bukatutakoan, lasterkari guztiek domina hartuko dutela azaldu dute Gernika-Lumoko Kirol Patronatukoek. Bestalde, ez dela sailkapenik egongo be esan dute. Mailak Umeak Aurrebenjaminak. 2005 eta 2006 urteetan jaiotakoak. 300 metro egin beharko dituzte. Benjaminak. 2003 eta 2004 urteetan jaiotakoak. 400 metro egin beharko dituzte. Alebinak. 2001 eta 2002 urteetan jaiotakoak. 500 metro egin beharko dituzte. Infantilak. 1999 eta 2000 urteetan jaiotakoak. 900 metro egin beharko dituzte. Kadeteak. 1997 eta 1998 urteetan jaiotakoak. 1560 metro [...]

Sukarrietako Udalak herriko frontoia birmoldatzeko proiektuaren lehenengo faseko lanak abiaraziko ditu. Eguaztenean egin zuten osoko bilkuran onartu zuten horiek martxan ipintzea. Insatalazioa barrizteaz gain, euskal kulturara egokitutako itxura emongo...