‘Ez ginen atzera egiteko jaio. Faxismoaren aurka, feminismoa’ lelopean kaleak hartzeko deia egin du Euskal Herriko Mugimendu Feministak. Busturialdeko txoko guztietan ere aldarriz beteko dituzte kaleak.


Gernika KESBeko neskek Tenerifera bidaiatu beharko dute ligaren zazpigarren jardunaldia jokatzeko. Hain zuzen, Tenerife Isla Unicaren kontra lehiatuko dira gernikarrak, puntuak irabazteko premiagaz. Bost partida jarraian galduta, bertokoak garaipenagaz...

Nahiz eta abenduko kultura, jai eta kirol egitarauan zer dira aurrekontuak? batzarrak abenduaren 4an, 11an eta 18an izango diren ekarri, agenda kontuak direla eta egunak aldatu behar izan dituztela jakinarazi dute Bermeoko Udaletik. Batzar horiek egin egingo direla azaldu dute baina datorren urteko urtarrilean. Halanda be, egunak zehaztuta dituztenean jakinaraziko dituztela esan dute.

Domekan jokatuko da Bizkaiko Bertsolari Txapelketako hirugarren eta azken finalaurrekoa, Gernika-Lumoko Jai Alai frontoian. Bada, saio horretan erabakiko da zeintzuk bertsolari egongo diren aurtengo finalean. Gernika-Lumoko saioan Ibon Ajuria gernikarra (Balmasedako saioko irabazlea), Iratxe Ibarra markina-xemeindarra (Berriatuko kanporaketako irabazlea) eta Joseba Artza etxebarritarra (puntuen arabera sailkatutakoa) izango dira Lea-Artibaiko eta Busturialdeko ordezkariak. 17:30ean hasiko da saioa, eta Maite Berriozabal ariko da aurkezle lanetan. Epaileak, aldiz, Jurgi Fuentes, Iñaki Aurrekoetxea, Gorka Intxaurbe, Jon Jaio, Josu Telleria eta Mirari Azula izango dira. Bertsolariek egin beharreko lanari dagokionez, lehenbizi, gaia emanda eta binaka, hiruna bertso osatu beharko dituzte zortziko handian, beste hiruna zortziko txikian eta beste hiruna hamarreko txikian. Kartzelako lana egin beharko dute ondoren, eta hasierako puntua emanda bertso bi osatu beharko dituzte gero, zortziko txikian. Amaitzeko, gaia emanda hiruna bertso osatu beharko dituzte, doinu eta neurri librean. Irabazlea, finalera Gernika-Lumoko saioaren irabazleak zuzenean lortuko du finalerako txartela. Gainontzekoek, ostera, puntuazioaren arabera edukiko dute Miribillako Bilbao Arenan jokatuko den finalean sartzeko aukera. Basauriko Artunduaga kiroldegian jokatu zen lehenengo finalaurrea, eta Durangoko Landakonbigarrena. Hurrenez hurren, Arkaitz Estiballes galdakoztarra eta Etxahun Lekue larrabetzuarra nagusitu ziren, finalean egoteko aukera bereganatuz. Bada, oraingoz ez da Lea-Artibaiko eta Busturialdeko bertsolaririk sailkatu finalerako. www.bertsosarrerak.eu webguneagaz izandako arazo batzuk [...]

Joan den otsailetik, Gautegiz Arteagako Antoliñape Kultur Elkartearen lokala zarratuta dago. Herriko Enparantza auzoko bizilagunek jarritako salaketen harira, epaile batek lokala zarratzeko agindua emon zion udalari, elkarteak jarduera lizentzia lortzeko egin zuen tramitazioa oker zegoela ebatzi ostean.
Antoliñapeko kideek azaldu …

Adinekoen Aste Kulturalaren barruan, gaur eta bihar adinekoen antzerkiak ikusteko aukera izango dute gernikarrek, Elai Alai aretoan. Gaur, esaterako, Oñatiko Ikusi Makusi taldeak Donde esta la pierna del alcalde? lana antzeztuko du, 17:00etatik aurrera. Antzerkiaren bukatzean, gainera, Mungiako Koralaren kontzertuagaz gozatzeko aukera izango dute bildutakoek. Bihar, bestalde, Gasteizko Las 4 Torres antzerki taldeak Cianuro, solo o con cafe? antzezlana ikusteko aukera emongo du. Bihar be, 17:00etan hasiko da antzerki saioa. Gasteiztarren antzezlanagaz amaituko da aurtongo aste kulturala. Atzo Adinekoen Aste Kulturala atzo hasi zen Gernika-Lumoko Gure Arbola Zaharra taldekoen antzerkiagaz. Gaur eta bihar ez bezala, gernikarrek Lizeo Antzokian aurkeztu zuten antzerkia. Taldeko kide batek azaldu duenez, “atzerkia primeran joan zen”. Umorea erabilita, antzezlan edarra sortu dutela deritzo, eta horrenbestez, pozarren daude. “Ikusleek taldeak egin duen antzerkirik onena izan dela zioten amaieran” esan dute. Lizeo Antzokia jendez bete zen.

Ideologiaz eskuindarra, katolikoa eta abertzalea. Modu horretan definitzen dute Alejandro Mallona Iza 1936ko gerra garaian Mundakako alkate izandakoa. «Hain maitatua» izan zen alkate hura fusilatu zutenetik 75 urtera, «bihotzezko omenaldia» egin diote Mundakan, bere izena daroan parkea aintzatespenaren lekuko isila izanda. 1878ko otsailaren 2an jaio zen Alejandro Mallona Iza. EAJ sortzean, Sabino Aranagaz bat zetorrela eta, alderdian afiliatu zen, eta zinegotzi hautatu zuten zenbait urteren buruan. 1933ko hauteskundeetan izendatu zuten alkate. Kargua hartu eta hilabete batzuetara, Mallona bera eta harekin zegoen Juan Maria Salaberri gaztea tiroz zauritu zituzten autobus batetik egindako eraso batean. Begian jaso zuen tiroa Mundakako alkate zenak, baina, zauriak sendatuta, kargua hartu zuen barriro udalean eta, horrez gain, Euskal Unibertsitatearen aldeko lanean jardun zuen. 36ko Gerra piztu zenean Euzkadiko Errepublika federatua sortzeko ahaleginetan parte hartu zuen, baita Euskal Errepublika Gernikan aldarrikatzeko euskal alkateek egindako ahaleginetan be. Euzkadiko lehen gobernuko lehendakaria hautatzeko eratutako mahaiko kidea be izan zen 1936ko urriaren 7an. Mundakako alkatea udalbatza osoagaz joan zen Agirre lehendakariaren kargu hartze ekitaldira. Alabaina, Francoren tropek Bizkaia hartzean, 1937. urtean, atxilotu egin zuten Mallona, heriotza zigorra ezarriz. Hala, urte bereko irailaren 5ean fusilatu zuten, Derioko hilerrian. Egun berean ehortzi zuten, baina, gerora, 1949an, beste hilobi batera eroan zituzten haren [...]

Kapillako itoginak konpontzeko beharrizana dagoela eta, auzolanerako deia egin du Nuntxakuk. Asteburuan kalera atera dira elkarteko kideak, herritarrei egoeraren inguruko informazioa giro onean helarazteko eta denen artean itoginak konpontzeko eskaera ...

San Nikolasetako I. Mus Txapelketa arina jokatuko dute abenduaren 6an, Elantxoben. Dagoeneko izena emoteko aukera du txapelketan parte hartu gura duenak, herriko Makues jatetxean.
Hiru jokora jokatuko dute txapelketa parte hartzaileek, abenduaren 6an, 17:30ean hasita. Izena emoten duen bikote bakoitzak …

Herriko perretxikozaleek antolatuta, domekan perretxiko eta onddo erakusketa egin zuten Ibarrangelun. Hainbat lagun bertaratu ziren, eta perretxiko mota ezberdinak ikusteaz gain, horiek dastatzeko aukera be izan zuten; izan be, azaldu dutenez, pintxo u...

Ertzaintzak jakinarazi duenez, Gernika-Lumoko estanko batean lapurreta egiten saiatzeagatik, 29 urteko gizonezko bat atxilotu zuten, domeka goizaldean. Estanko horretako kristala apurtu eta atea indarkeria erabilita zabaldu ostean atxilotu zuten aipatu...