‘Ez ginen atzera egiteko jaio. Faxismoaren aurka, feminismoa’ lelopean kaleak hartzeko deia egin du Euskal Herriko Mugimendu Feministak. Busturialdeko txoko guztietan ere aldarriz beteko dituzte kaleak.


Eroski hipermerkatuak 2.583 batu ditu, Cesar Carmona gazte gernikarrari gurpil-ahulki motorizatu bat erosten laguntzeko. Carmonak endekapenezko gaixotasun bat dauka, eta bizimodu arrunt bat egiteko gurpil-ahulki berezi bat behar du. Batutako diruaren txekea gaur eguerdian emon diote familiari. Eroskiko arduradunek, Carmonak eta haren gurasoek, eta Xaiborrek parte hartu zuten ekitaldian. Dirua, asteburuan hipermerkatutik pasa diren “bezeroei esker” batu dutela nabarmendu dute antolatzaileek. Hala, Gernika-Lumoko biztanleen “elkartasuna ikaragarria” izan dela deritzote. Barikuan eta zapatuan 4.000 bezero inguru batu ziren Eroskin, eta askok, Carmonaren aldeko janari bilketan parte hartu zuten. Carmonaren gurasoak be, “pozarren” azaldu dira batutako diru kopuruagaz. Diotenez, “urte erdiko lana aurreztu diote familiari”. Argitu dutenez, tapoaiak batzen urte bete inguru beharko genuke, baina gaurko laguntzagaz, ahulkiaren heren bat ordaindu dute dagoeneko. Carmonaren gurasoek Eroskiren eta Xaiborren lana goraipatu dute. Diotenez, “horiek barik ezinezkoa litzateke guztia hau”. Xaibor, esaterako, musika emonaldi bereziak egin zituen hipermekatuan, barikuan eta zapatuan.

VRAC Quesos Entrepinares Valladolideko (España) taldea mende hartu ostean, lidergoan sendotasuna irabazi dute basurdeek. Bigarren sailkatuak dira Valladolidekoak, eta Urbietan zapatuan lortutako garaipenagaz bien arteko aldea 13 puntukoa izatea lortu ...


Etzi, hilaren 25a, urriko azken asteleheneko gazta enkantean batutako dirua emongo diote Calzada egoitzari. Hain zuzen, Muruetako Kamiñoko jatetxeak 5.700 euroko txekea emongo dio egoitzari. Calzadaren jaialdiko egitarauaren barruan emongo diote dirua. Jai eguna 10:30ean hasiko da txistularien dianagaz, eta ostean, meza emongo dute. Azken astelehenean batutako dirua, bestalde, 12:00etan emongo dute. Bazkaria jan aurretik be, euskal dantza saioa, eta Urdaibai Kantuz Kantu taldearen saioa ikusteko aukera izango dute egoitzara doazenek. Kamiñokoko jabeaz gain, Gernika-Lumoko alkateak eta Calzada egoitzaren arduradunek parte hartuko dute ekitaldian, bestek beste. Ekitaldiak irauten duen bitartean, gainera, pintxoak jateko eta txakolina edateko aukera izango dute bildutakoek. Arratsaldean, bestalde, herriko gazteen literatur lehiaketaren sari banaketa egingo dute. Jai eguna amaitzeko, Gernika-Lumoko Adinekoen Abesbatzaren saioagaz gozatzeko aukera izango dute bidlutakoek.

Jose Mari Gorroño Gernika-Lumoko alkatea Gangoiti kaleko herritarrekin batuko da, bihar. Hain zuzen, zonaldeko bizilagunen beharrizanak eta eskaerak zeintzuk diren ezagutu gura du udalak. Santanape kiroldegiaren aurrealdean hasiko du bisita, 12:00etan.

Guillermo Meaza EHUko katedradunak Basoak Urdaibaiko Biosferaren erreserban hitzaldia emongo du domekan, Sukarrietako Kanala auzoko Gizarte Etxean, 12:00etan hasita. Zertaz hitz egingo duzu domekan Kanalan emongo duzun hitzaldian? Urdaibaiko basoen bilakaera nolakoa izan den azalduko dut domekako hitzaldian; bai historikoki eta baita geologikoki nola aldatu den, alegia. Gizakiaren erabileraren eraginez izan duen bilakaera izango dut berbagai, besteak beste. Nolakoak izan da Urdaibaiko basoen bilakaera? Gaur egungo basoekin alderatuta, guztiz ezebrdinak ziren lehengo basoak; betibe, aroaren arabera. Glaziar aroan, inguru hauetan ez zegoen basorik. Klima aldatzen joan zen heinean, basoak berpizten joan ziren. Lehen pinudiak ziren nagusi; gaur egungo Errusiako Taiga bezalakoa zen nagusi. Hain zuzen be, osto erorkorreko basoak zeuden. Klima berotzen joan ahala, batezbe, hariztiak ikusten ziren. Egun, artadi Kantauriarra nagusi da Urdaibain. Gizakiaren erabilerak eragin handia izan zuen basoen bilakaeran. Zelako eragina izan du gizakiak basoen bilakaeran? Baso mozketekin, suteekin, artzaintzarekin… apurka-apurka, lurzorua probetuz joan da. Geroz eta probeagoa zein heinean, ur-erretentzio gaitasuna gutxituz joan da, eta, horrenbestez geroz eta lehorragoa izan da lurzorua. Horren ondorioz, artadiek hariztien tokia hartu zuten. Nolako basoak daude egun Urdaibain? Gizakien erabileraren eragin gutxien jasan duten lekuetan, artadiak dira nagusi. Gizakiak dauden lekuetan, bestalde, batezbe, landak daude, eta arizti txikitxoren batzuk geratzen [...]

Gernika-Lumoko udal liburutegiak eta Busturialdeko Gizarte Zerbitzuen Mankomunitateak antolatuta, Saharar herrialderi lotutako hainbat ekintza izango dira datorren astean zehar. Mendebaldeko Saharari buruzko liburu eta pelikulen erakusketagaz hasiko du...

Domekan, hilaren 25ean, egingo dute Gernika-Lumoko Calzada zaharren egoitzaren urteroko jai handia. Urriko azken astelehenenean enkantean saldutako bi gazta erdiengatik ordaindutakoaren txekeak jasoko dituzte egun horretan egoitzako arduradunek. 11:00e...

Nuntxaku Kultur Elkarteak «ezin du gehiago itxaron» eta Kapillako itoginak konpontzen hasiko direla jakinarazi dute. «Auzolanean eta denon artean zuloak estaliko ditugu», diote. Hori dela eta, herritar guztiei laguntza eskatzen die. Antzinako Jose Done ikastetxean kokatuta dagoen Kapillan dauden itoginak «gero eta gehiago direla-eta», Nuntxaku Kultur Elkarteak teilatura igotzeko erabakia hartu du, «ahal duten neurrian zulorik handienak estaltzeko asmotan», adierazi dute. Udalak ez ditu lanak egin Elkarteko kideek adierazi dutenaren arabera, «orain dela urte bat Bermeoko Udalak Kapillan obrak egingo zituela esan zigun, baina antzadenez, diru kontuetan arazoak daude eta atzeratu egin da obrak martxan ipintzea». Urte bat pasa ondoren, «gehiago ezin dutela itxaron» diote eta nahiz eta badakiten «ez dela behin betiko konponbidea» izango, auzolanean itoginak konpontzen hasteko erabakia hartu dute, eta horrela jakinarazi diote idazki batean Udalari. «Udalarekin harremanetan jarraitzeko prest agertu gara, baina bitartean, horiek estali behar ditugu». Joan den zapatuan Kapillan egin zen kontzertua gelditu eta elkarteko zenbait kide agertoki gainera igo zirela jakinarazi dute, «kontzertua horrela gelditzea ez zaigu gustatzen baina ez badugu ezer egiten ez da kontzertu gehiagorik egongo», adierazi dute. Horrela, bertaratu ziren guztiei egoeraren barri emon zioten. Itoginen eraginez, batzuetan argindarra joaten dela diote eta horrek «aparailu elektronikoak apurtzeko arriskua ekar dezakeela» [...]
