Kostaren eta Itsasoaren Espainiako Zuzendaritza Nagusiak 30 uteko kontzesioa onartu dio Murueta Ontziolari, baina legezkotasuna "egiaztatu barik" dituzten lur orubeak eta handitzeak "handik kanpo" utzi ditu. Ebazpenak itsas-lehorreko jabari publikoa berreskuratzeko prozedurak berriz aktibatzea eskatzen du, baina arriskuan jartzen du alboko lurretan palafitoa eraikitzeko proiektuaren bideragarritasuna.


Eguraldi kaxkarragatik, Bermeon ikastolako DBHko ikasleek bakarrik egin dute korrika

Triatloia duatloia baino arrakasta gehiago izaten ari da azkenaldian, eta horren ondorioak nabari dira; parte hartzeak behera egin du, esaterako, Gernika-Lumoko nazioarteko duatloian.


Euskararekiko konpromisoa berretsi dute herriko 32 entitatek, beste urtebetez. Bai Euskarari Ziurtagiriaren Elkarteak zapatuan banatu zituen ziurtagiriak, Gernika-Lumoko Udalaren eta Euskara sailaren laguntzagaz. Zapatuan merkatu plazan egin zuten ekitaldian Zerbitzua eta lana euzkaraz mailako agiria hartu zuten herriko bost entitatek, Zerbitzua euskaraz mailakoa 11k eta Bidean mailakoa hamaseik. Ziurtagiriak hartu aurretik, hala ere, barruan mezua zuen harilkoa askatu zuten denen artean: Euskararen sarea jostea denen konpromisoa da, zioen. Eta konpromiso horretan Gernika-Lumok urte batzuk badaramatzala dio Ziurtagiriaren Elkarteak. «32 ziurtagiri banatu ditugu aurten, eta kopurua garrantzitsua da. Baina are garrantzitsuagoa da horren atzetik dagoen lana: egunez egun entitate hauek eman dituzten urratsak». Bi GPS zotz egin dituzte Ziurtagiriak banatzeaz gain, bi GPS zotz egin zituzten zapatuan. Erosleen artean bata eta ziurtagiria hartu duten entitateen artean bestea. Ainhoa Motak irabazi zuen lehena eta Aixerrota Garbilekuak bigarrena. Ziurtagiria hartu dutenak: Aita Luis Villasante Udal Euskaltegia Aixerrota Garbilekua Arrano Kultur Elkartea Arrien optika Bake-Leku Txokoa Bengozarra eraikuntza metalikoak Berezi liburudenda Busturialdeko Hedabideak S.L. Areza eraikuntzak Duka jantzidenda Ekin taldea Elai-Alai dantzari taldea Maria Luisa lurrindenda Argi-ola elektrizitatea Cor gestoria Gernika Garbiketak Gernika kirol lekua Arku tiroketa elkartea Gernika Rugby Taldea Gurea altzariak Izagirre eraikuntzarako materialak Jose Luis kristaldenda Copylaster fotokopiak Kosnoaga igeriketa elkartea [...]

Iragan zapatuan, Bizkaia Gernikak denboraldiko bigarren derbia irabazi zuen Donostian (Gipuzkoa). Basurdeek «partida ona» jokatu zuten eta 26 puntuko aldeagatik gailendu ziren Pegamo Bera Beraren aurka. Jorge Jimenez taldeko entrenatzaileak azaldu du...

Atzo egindako euriak zenbait aldaketa egitera behartu bazuen ere, Muruetako Euskal Jaia giro «ezin hobean» egin zela azaldu du Jabier Ondarza Muruetako alkateak, eta «oso pozik» daudela gaineratu du. Lagun asko hurbildu ziren, herriko zein inguruko...

Gaur, Urritasun bat duten Pertsonen Nazioarteko Eguna da eta Helbarriak Gizarteratzeko Elkarteak (ASINSOC) agerraldia egin du Gernika-Lumoko Elai Alai aretoan. Elkarteko kideek, "aurrera pausuak" ematen jarraitzeko eskatu dute urritasun bat duten pertsonak gizarteratzeko asmoagaz. Horrez gain, marrazki lehiaketako sariak banatu dituzte.

Ohiturari jarraituz Mundakako Udalak Txakolin eguna antolatu du bihar goizerako. Hiru motatako txakolinak dastatzeko aukera eskainiko dute, eta gainera, azoka txiki bat be ikusgai izango da. 11:00etan hasi eta 14:00ak bitartean azoka berezia izango da ...


Datorren urtera begira Mundakako Udaleko osoko bilkurak zerga orokorrak ez igotzea erabaki du. Hala ere, sastar-batze zerbitzuaren eta ondasun higiezinen gaineko zergaren igoera «txiki» bat aurreikusten dute. Berritasun bat ere onartu zuten udalbatza...

Bai Euskarari Ziurtagiria hartuko dituzte zapatuan herriko 31 enpresak eta entitatek. Merkatu plazan egingo dute ekitaldia, eta Onintza Enbeita bertsolari muxikarrak egingo du aurkezpena. 13:00etan hasiko den saioan euskararekiko izan duten konpromisoa...

Gernika-Lumoko Kultur Etxean obrak egiten ari da Udala, bertan ere irisgarritasuna bermatzeko. Legegintzaldi honen hasieran jarri zuen Udalak martxan kultur etxearen irisgarritasun plana, barruko eskailerak aldatuz eta igogailua jarriz. Orain kultur et...

Eako herritarrak janaria batzen dabiltza Saharara bidaltzeko asmoagaz. Interesatuek, abenduaren 5era arte izango dute elikagaiak emateko eta herriko zenbait auzotan izango dute horretarako aukera. Elikagaiez gain, herriko bizilagunek, garbitasun pertsonalerako produktuak eta dirua ere eman dezakete.