Kostaren eta Itsasoaren Espainiako Zuzendaritza Nagusiak 30 uteko kontzesioa onartu dio Murueta Ontziolari, baina legezkotasuna "egiaztatu barik" dituzten lur orubeak eta handitzeak "handik kanpo" utzi ditu. Ebazpenak itsas-lehorreko jabari publikoa berreskuratzeko prozedurak berriz aktibatzea eskatzen du, baina arriskuan jartzen du alboko lurretan palafitoa eraikitzeko proiektuaren bideragarritasuna.


Ontzi tradizionalen inguruko udako ikastaro bat egin dute, lehenengoz, Bermeoko Arrantzaleen Museoan. Ontziak hondoratzea "norberaren identitatearen aurka" egitea dela diote.

Euskal Herrian garatzen den kalitate artistiko musikala ezagutarazteko asmoz, Euskal Herriko Musika Etxeek Etxepare Euskal institutuaren eta Xarxa Cases de la musica popular de Catalunya taldearen laguntzagaz, Mugetatik kanpo: Euskal Rocka Katalunian izeneko ekimena antolatu dute. Ekimen hori aurkezteko dira gaur, Bermeoko Kafe Antzokian. Ekimen barri horren nondik norakoak azaltzeko agertu dira gaur Bermeoko Kafe Antzokian, herriko alkate Idurre Bideguren, Euskal Herriko Musika Etxe Sareko kide Amets Rodriguez eta Asier Santos eta Planetaleta musikaria. Euskal Herriko Musika Etxeek bultzatutako ekimen horren helburu nagusia, mugetatik kanpo talde euskaldunei bultzada emotea dela azaldu dute gaurko aurkezpenean; hala, ezagutzera emon ahal izateko eta horien publikoa areagotzeko. Horretarako, «ezinbestekoa da oinarri baztuk ezartzea gure sortzaileak mugetatik kanpo Euskadi eta kalitatea kontzeptuekin erlazionatzeko», adierazi dute. Euskal Herriko Musika Etxeen sareak Getxoko Moby Dick taldea eta Planetaleta musikaria eta Gernika-Lumoko The Riff Truckers taldea hautatu ditu euskal rock-a ezagutarazteko bide horri ekiteko. Aretoei dagokionez, Bermeoko Kafe Antzokia, Gasteizko Jimy Jazz, Biarritzeko Atabal eta Bilboko Bilborock erabiliko dituzte aipatu proiekturako. Dena den, horiez gain, beste leku batzuk be erabiliko dituzte, aurrerantzean gauzatuko dituzten ekimenetarako. Horren harira, aretoez haratago doan ekimena dela argi utzi nahi izan dute; izan be, «filosofia bat be bada». Kaleak, aretoak, herria… ahalik eta [...]


Sopelako alkate Saioa Villanuevagaz batera Eusko Legebiltzarrean izan da Gernika-Lumoko alkate Jose Mari Gorroño, aste honetan. Hain zuzen, Eusko Legebiltzarrean erakundeen arteko bikoiztasunak aztertzeko sortutako batzordean izan ziren biak. Gaur egun hainbat arlotan emoten diren bikoztasunek gastua handitu eta kudeaketa zaildu besterik ez dutela egiten esan zuen Gorroñok. Horregatik, udalek autonomia handiagoa behar dutela eskatu dute alkateek. «Betebehar publikoen arloa ondo zehaztuta egon behar luke, eta izaera iraunkorra izan beharko luke». Bikoiztasun horrek orain zenbait konpetentziatan gastuak bikoiztea dakarrela esan zuen Gorroñok, «eta administrazioen lana be zapaldu egiten da». Udalen kasuan, administrazioen konpetentziak bikoiztea udal erakundeen kudeaketan eta aurrekontuak zehazterako orduan arazoak dakartzala dio Gorroñok. «Gaur egun lurralde mailako hiru maila daude: autonomia erkidegoa, lurralde historikoa eta herri erakundeak, eta udalak ziurgabetasun egoeran gaude, ez baitakigu zehatz gure betebeharrak zeintzuk diren». Horregatik, bikoiztasunen legea zehaztuko duen erreforma prezmiazkoa dela uste du Gernika-Lumoko alkateak. Urdaibai Biosfera Erreserba den heinean, jarduera ekonomikoen garapena bultzatzea bete beharreko premisa dela zaldu zuen Gorroñok, herritarrek bertan mantentze aldera. Hori, baina, ez da bete, Gorroñoren iritziz. «1984. urtean izendatu zuten Urdaibai biosfera erreserba, eta azken 27 urteetan Gernika-Lumon bakarrik 3.000 lanpostu baino gehiago galdu dira». Gaur egun herriko biztanleek lan egiteko kanpora joan behar izaten dutela [...]


FINSA enpresaren iruzurra agerian geratu arte ez dutela amore emongo esan dute Inamako langileek gaur, Bilbon emon duten prentsaurrekoan. Haien ustez, enpresak ez du bere gain inolako ardurarik hartu, eta erruak banatu besterik ez du egiten. Baina Bizk...


18/98 auzian kartzelatutako Juan Pablo Dieguez Bermeoko bizilaguna Bermeoko etxean da abenduaz geroztik. Egunerokotasunean ondo moldatzen den arren, bere egoera psikologikoak kezkatzen du haren alaba Bittori Dieguez; izan be, azaldu duenez, kartzelatik irten eta denbora gutxira, psikologikoki ez zegoela ondo nabaritu zioten familiakoek. «Entzun entzuten du jendeak dioena, baina ez du jaramonik egiten; bere munduan balego bezala sentitzen dugu», dio alabak. Bermeoko bizilaguna 2009ko apirilaren 30ean atxilotu zuten. Sei urte eta bederatzi hilabeteko espetxe zigorra ezarri zioten, eta Basauriko kartzelan ari zen betetzen. Prostatako minbizia du Juan Pablo Dieguezek eta zegokion tratamendua jasotzeko etxera bidaltzeko eskaera egin zioten abokatuek espetxe zuzendaritzari, medikuen txostenak aurkeztuz horretarako. Hala, horretarako baimena eman zioten 2011ko urtarrilaren 20an, bere mugimenduak kontrolatzen dituen pultsera jarrita. Ordutik, 2011ko abendura arte Bilbon bizi izan da; abenduaz geroztik, ostera, Bermeoko etxean dago, emazteagaz batera. Hainbat erorketa Urtebete pasatxo igaro da orduko hartatik. Dieguezen alabak azaldu duenez, «minbizia nahiko ondo darama». Dena den, belaunak txarto dituela dio. Protesiak ditu belaun bietan eta mina arintzeko txaplatak ditu belaunetan. Ebakuntzaren zain daudela dio. «Ez dakigu zergatik, baina sendagileek ez diote ebakuntza egin gura», dio alabak. «Sarritan erortzen da, ezagutzen ez ditugun arrazoiak tarteko», gaineratu du; «astebetean bost alditan be erori da». Minbiziaz eta [...]

Bermeoko Udaleko Herri Babeserako boluntarioen beharra dagoela esan dute, ordezkapena eskatu baitute egungo boluntarioek. Juan Karkos Agirre udaleko Partaidetza zinegotziak azaldu duenez, «batzuek taldea utzi dute, eta geratzen direnek erretiratzeko asmoa dute». Herri Babeseko kideek hainbat lan egiten dituzte urtean zehar Bermeon; besteak beste, suteak itzaltzen, salbamendu lanak egiten, hondamendiei aurre egiten, segurtasun kontrolak egiten, larrialdietarako planak egiten… aritzen dira. «Herrian ezbehar bat gertatzen den bakoitzean agertzen dira Herri Babesekoak, euren kamioiekin, makinekin eta tresneria eta baliabide ugariekin, laguntza emoteko prest, udaleko behargin eta udaltzainekin batera», dio Agirrek. Hala, askotan, euren laguntzari esker hainbat ezbehar konpondu, bideratu edo zuzendu dituztela esan du zinegotziak. Horregatik, boluntario horien laguntza ezinbestekoa dela deritzo Agirrek. Doako harremana dute Herri Babesekoek Bermeoko Udalagaz; «giza, solidaritate eta borondate oneko sentimenduetan oinarritzen den interes bako zerbitzu prestakuntza emoten dute, alegia». Taldea ordezkatzeko Urte askotan jardun dute beharrean Herri Babeseko boluntarioek, baina orain beste herritar batzuei pasatu gura diote lekukoa. Horregatik, Herri Babeseko talde barria osatzeko deia luzatu gura izan dute udaletik. Bada, taldean parte hartu gura duenak hiru baldintza bete beharko ditu: 18 urtetik gorakoa izatea, Bermeon bizitzea eta ezartzen dituzten frogak gainditzea. Baldintza horiek betez gero, berh@z bulegoan eskatu beharko da eskaera orria. Behin taldeko kide [...]

Gernika-Lumo bonbardatu zutenetik 75 urte beteko dira apirilean; eta urteurren hori, bai nazioartean eta baita Euskal Herrian be, testuinguru berezi batean kokatzen dela esan zuen zapatuan Gernika Batzordeak, prentsaurrekoan. Askatasuna, bakea… AUTODETERMINAZIOA lelopean, bonbardaketaren 75. urteurrena “modu positibo batean txertatu” behar dela esan zuen Sabin Ibazetak, Gernika Batzordearen izenean. “Aurrera begira sekulako potentzialitatea eskaintzen duen une historiko honetan ezinbestekoa ikusi dugu 75. urteurrena modu positiboan txertatzea, gatazka politiko honen behin betiko konponbideari bere ekarpena eginez”. Horretarako, apirilaren 19tik 26ra bitartean, Gernika-Lumo Euskal Herriaren erabakitzeko eskubidearen aldeko hiriburua eta bozgorailua bihurtu behar dela aipatu zuen Gernika Batzordeak. Ibazetak azaldu zuenez, Euskal Herriari eta euskal herritarrei dagozkien eskubide indibidual eta kolektiboak aldarrikatuko dituen txori koloretsuaren aldeko apustua egingo du Gernika Batzordeak. “Abioi eta lehergailu hiltzaile horien xedea Euskal Herriaren ukazioa bermatzea izan zen. Koloretako txori horrek, barriz, Euskal Herriaren aitortza, bere existentzia eta etorkizunaren aldeko mezua aldarrikatzen du”. Etorkizuna libre erabaki Gatazka politikoaren muina euskal herritarrei dagokien hitza eta erabakitzeko ahalmena aitortzean datzala esan zuen Ibazetak. “Euskal herritarrei dagokie libre eta demokratikoki, inongo injerentziarik barik, euren etorkizunaz erabakitzea”. Hortan datza, Gernika Batzordearen iritziz, gatazkaren bataila politikorik nagusiena: “orain arteko ukazio historikoa eta demokratikoa konfrontatzean, indar metaketan”. Haren esanetan, Espainiak eta Frantziak duten [...]