Kostaren eta Itsasoaren Espainiako Zuzendaritza Nagusiak 30 uteko kontzesioa onartu dio Murueta Ontziolari, baina legezkotasuna "egiaztatu barik" dituzten lur orubeak eta handitzeak "handik kanpo" utzi ditu. Ebazpenak itsas-lehorreko jabari publikoa berreskuratzeko prozedurak berriz aktibatzea eskatzen du, baina arriskuan jartzen du alboko lurretan palafitoa eraikitzeko proiektuaren bideragarritasuna.



Espainiako Auzitegi Nazionalak absolbitu egin du Iñaki Bengoa Busturiko bizilaguna, haren abokatuak jakinarazi duenez. Fiskalak kalteak eragitea eta lehergaiak izatea leporatuta, hamar urteko eta bederatzi hilabeteko zigorra eskatu zuen Bengoarentzat,...

Arbe eta Garate markinarrek irabazi zuten Barikuetan Jai Alai kiniela amerikar txapelketa iragan asteburuan.Laugarren funtzioan lehia estua egon zen lau bikoteen artean, baina azkenean, markinarrak heldu ziren lehenengo 25 tantora. Garatek partida oso ona jokatu zuen, eta ikusleak harritu zituen pilotari emoten dion abiaduragatik. Barandikak eta Ubillak be, kiniela ona jokatu zuten baina azken txanpan ez zuten zorterik izan, eta ezin izan zuten garaipena ospatu. Hirugarren postuan, bestalde, Alberdi eta Arrien sailkatu ziren. Amaitzeko, laugarren eta azken postuan Azkarate eta Lekerika sailkatu ziren. Nagusien kiniela baino lehenago zesta punta eskolako ikasle gazteenek jokatu zuten frontoian. Txikienek etorkizun handia dutela erakutsi zuten, eta zaleak harritzea lortu zuten. Aritz Arratibelek eta Ekaitz Goikoetxeak irabazi zuten kiniela.

Gernika Lumoko basurdeak sailkapen nagusiko bostgarren postura bajatu dira, La Vilaren kontra 30-17 galdu ostean. Gernikarrek ezinbestean irabazi behar zuten asteburuko partida laugarren postuan jarraitzeko, baina Herrialde Katalanetako taldea gehiago...

Bermeoko Gizarte Ongizaterako Udal Patronatuko Zuzendaritza Batzordeak eta udaleko osoko bilkurak Genero indarkeriari buruzko erakunde arteko jarduketa protokoloa onartu dute. Horiez gain, protokoloa gauzatu duten erakundeetako arduradunek aipatu protokoloa onartu eta berau erabiltzeko konpromisoa sinatu zuten atzo, Bermeoko udaletxean. Azken sei hilabeteetan Osakidetzako, Udaltzaingoko, Ertzaintzako, Oinarrizko Gizarte Zerbitzuetako eta Eusko Jaurlaritzako genero indarkeriaren biktimei laguntzeko zuzendaritzako hainbat beharginen artean gauzatutako protokoloa da sinatutakoa. Hain zuzen be, Bermeoko alkate Idurre Bidegurenen esanetan, “genero indarkeria sufritzen duten emakumeekin herri mailan esku hartzen duten esparru ezberdinetako profesionalen elkarlan sakonaren ondorioa” da protokoloa. Berorren bitartez, Bermeon genero indarkeria sufritzen duten emakumeei “ahalik eta arreta onena” emon gura diete; “laguntza integralena eta profesionalena” eskainiz. Hori posible izan dadin, profesionalen arteko koordinazio maila altua izatea eta esparru ezberdinetako profesionalen arteko lan harreman sarea eraginkorra izatea ezinbestekoa dela esab zuen atzo Bidegurenek. Erabiltzeko konpromisoa Hala, administrazio publikoko erakunde desberdinetako arduradunek “protokoloa tresna operatibo eta baliogarri gisa onartzeko eta erabiltzeko konpromiso” hartu zuten. Atzoko pausoa “lorpen handia” dela dio Bidegurenek; dena den, genero indarkeriaren errealitatea “oso gordina” dela eta lanean jarraitu beharra dagoela gogorarazi du. Administrazio esparrua ez ezik, herri mailan lan egiten duten elkarte eta herri mugimenduak aintzat hartu behar direla azaldu du alkateak. Horregatik, hurrengo faseetan, [...]


Martxoaren 8a Emakume Langilearen eguna dela eta, astelehenean filme independiente bi proiektatuko dituzte Eako Udaletxean. Hain zuzen, Ay Pena (Elisa Cepedal, 2011) eta Wendy eta Lucy (Kelly Reichardt; 2008) pelikulak ikusteko aukera izango dute eatar...

Areetan zen Juan Azkarate 1937ko martxoaren 5 hartan. Han zuen koartela Eusko Jaurlaritzak, eta instrukzio-saioak egin behar zituzten bertan. Urtero-urtero data horietan Matxitxakora doanean imajina bera datorkio burura: “Goizean ikusi genuen lehenengo gauza Gipuzkoa boua izan zen, sutan, portura sartzen. Hiru lagun hil zirela esan ziguten, atzeko kanoian zihoazenak. Horietako bat bermeotarra zen”. Momentu hartan, duela 75 urte, gerrara noiz bidaliko zituzten zain ziren Areetako koartelean, “eta hori gogoan izaten dut urtero. Gogoan izan behar dela uste dut, garrantzitsua da gertatutakoa gogoratzea”. 1922. urtean jaio zen Juan Azkarate, Bermeon. Ludiko Atsegina ontzian hasi zen lanean, gaztetan. Txo lanak egiten zituen, “itsasora irtetzeari utzi genion artean». 1936. urtean ontziak portuan luzerako atrakatu zituztela gogoan du, «gerrara zihoala esan zigun patroiak”. Halan edo holan, bizimodua atera behar zuela dio Azkaratek, eta frontera joateko prest agertu zuen bere burua. “Gaztea nintzen, 14 urte nituen, baina hurrengo egunean Bilboko Carlton hotelean aurkezteko deitu zidaten; Espainiako ministerioa zegoen han”. Euskadiko Gudontzidiko buru zen Joakin Egiaren gutunagaz aurkeztu zen. Jaurlaritzarekin Frantziara Araba bouan sartu zuten, eta istriborrean zuen metrailadorearen balen zintaren ardura zuen Azkaratek; “15-20 bermeotar geunden Araba ontzian”. Bitartean, Areetan, instrukzio-lanak egiten zituzten. Gau batean motxila prestatzeko eta lorik ez egiteko agindu zieten. Faxistak Artxandan zirelaren zurrumurrua [...]