
Mozambikeko uretan zegoen Bermeoko Txori Argi atunontzia aske utzi dute bart isuna ordaintzeko bermea aurkeztu ondoren. 927.000 euroko isuna jarri zion Mozambikeko Gobernuak Inpesca enpresako atunontziari, herrialdearenak diren uretan legez kanpo arran...

2011ko urtarrilaren 27ko greba orokorrean Gernika-Lumon pikete informatibo lanetan ziren hamazortzi lagunentzat 72 urteko kartzela zigorra eta 108.000 euroko isuna datorren asteko greba deialdiari begira «beldurra sartzeko» modua dela salatu dute ELA...

«Pozik» agertu da Jabier Setien areto dantzetako irakaslea Bermeoko bikoteek domekako txapelketan lortutako emaitzekin. «Gero eta maila hobea dago gure dantzarien artean», esan du. Izan be, Artza frontoian jokatu zen VI. areto dantzen txapelketako ...

Muxikako Udalak bi etxebizitza sozial alokatzeko lehiaketa jarri du martxan. Alokairu sozialeko etxebizitzak Gorozika auzoan daude, eta eskaera orria martxoaren 27a baino lehenago aurkeztu beharko dute interesatuek. Etxebizitzek 80na metro karratu ditu...

Urdaibai Eskubaloi Taldeak «momentu historiko bat» bizi du. Denboraldia amaitzeko partida bakarraren faltan, gizonezkoen nagusien taldeak liga garaikurra irabazi du dagoeneko, eta 2012-2013 denboaldian Bizkaiko Lehenengo Mailan jokatuko du lehenengo biderrez. Taldetik azaldu dutenez, “pozarren” daude, denboraldian zehar egindako lanak fruitua emon baitu. Urdaibaikoek sei denboraldi egin dituzte Bizkaiko Bigarren Mailan, baina inoiz ez dute mailaz igotzeko aukera izan. Hala, aurten igoera lortzea “ezustekoa” izan dela azaldu dute. “Sailkapenaren erditik behera amaitu dugu beti, eta horrenbestez, ezinezkoa zen hau aurreikustea liga hasieran” diote. Denboraldiak aurrera egin ahala sinistu dute “ametsa egi” bihurtu zitekela. Liga irabazteko gakoa, “lana” izan da taldekideen ustez. Sailkapenaren goikaldean egoteak jokalariak motibatzen dituela, eta horrenbestez, hobeto entrenatze dela argudiatzen dute. Hala, hurrengo denboraldian bide bardinetik jarraituz gero, mailaz mantentzea lortuko dutela deritzote. Liga irabazteko partida erabakiorra “uste baino errazago” irabazi zuten bertokoek, iragan domekan. Deustuko taldea bertokoen ospakizuna “atzeratzeko helburuagaz” zelairatu zen, baina Urdaibai gehiago izan zen. Partidaren hasieran ihes egin zuen, eta deustuarrek ez zuten markagailuari buelta emoteko aukerarik izan. Azkenean, 36-25 irabazi zuten partida.




«Elkar ezagutzea» helburu duten autogestio topaketak antolatu ditu Nuntxaku Kultur Elkarteak zapaturako. 17:00etan ipini dute hitzordua Kapilan. Ekaitz Goienetxea Nuntxaku Kultur Elkarteko kideak azaldu legez, «eskualdean hainbat talde gaude, bakoitzak bere helburu, bere funtzionatzeko modu, bere urteroko ekintza eta bere aurrera begirako proiektuekin. Komunean duguna da ez ditugula gauzak egiten dirua irabazteko, poltsikoak betetzeko, baizik eta egiten duguna egiteko beharra sentitzen dugulako». Egiten duten hori, autogestioagaz egiten dute. Horretarako be hainbat bide daudela aipatu du Goienetxeak «eta geure artean komentatzeko eta elkarrengandik asko ikasteko aukera izango dugu, edo hori espero dugu». 17:30eatik 21:00etara berba egiteko tartea izango dute. Ondoren, afaldu egingo dute eta horren ostean Urgatz eta Gas taldeen kontzertuekin amaituko dituzte topaketak. Parte-hartzaile gehienak Gernikatik etorritakoak izango direla jakinarazi du Goienetxeak. «Naturala da bertan gehiago mugitzen direlako. Azken urteotan dinamika gehiago sortu direlako Astra proiektuaren eta gaztetxearen inguruan. Horregatik pentsatu dugu garrantzitsua dela Bermeon egitea eskualdeko topaketak, Gernikan ohituagoak daudelako eta behingoz Bermeon be ilusio apur bat aktibatzeko, popak mugitzeko». Halanda be, Goienetxearen esanetan, «Bermeon uste duguna baino jende gehiagok dauka gauzak egiteko gogoa, baina, oraindik geure buruan sinestea falta zaigu. Horretarako, elkar ezagutzen hastea da pausu bat». Esaterako, Bermeoko Erdu Txo! gazte asanbladatik bost kidek hartuko dute parte, [...]

Gernika-Lumoko Udalaren Ondare sailak Bekoibarra kaleko aparkalekuko 125 plazetako bat lortzeko baldintzak aldatzea erabaki du. Hemendik aurrera, beste herri batzuetako auzokoek plaza horietako bat lortzeko aukera izango dute. Eskariak egiteko epea zab...

Aurrerapena: Alexis Apraiz gernikarra eta Oinatz Bengoetxea, Binakako Txapelketa Nagusitik kanpora geratu dira, baina ia azkenera arte finlaurrekoetan sartzeko aukera izan dute. Asteburuan ligaxkako azken partida irabazi gura du bertokoak, udako denbo...

Muxikako umeek ez dute aspertzeko denborarik izango Pazko Astean. Udalak eta Gorozikako Natura Eskolak antolatuta, zenbait tailerretan parte hartzeko aukera izango dute apirilaren 10ean, 11n, 12an eta 13an. Izena emoteko epea etzi zarratuko dute, eta...

Foruko Bildu udal taldeak bihar arratsaldean izango den ez ohiko osoko bilkuran parte hartzera gonbidatzen dituzte Foruko zein Busturialdeko herritarrak. Udalbatza, bihar, 19:00etan izango da Udaleko batzar aretoan. Biharko ez ohiko osoko bilkura horre...


Iaz Gernika-Lumon egindako greba orokorrean identifikatutako pikete informatibo bakoitzarentzat fiskalak 3 urte eta 9 hilabeteko kartzela zigorra eta 6.000 euroko isuna eskatu du, hiruna delitu egotzita; ebasketa delitua, kalte materialak eragitea eta langileen eskubideen aurkako delitua, hain zuzen be. Guztira, hamazortzi lagun identifikatu zituen Ertzaintzak iazko urtarrilaren 28an Gernika-Lumon egindako greba orokorrean. «Ertzaintza alboan geneukala zabalik zeuden komertzioetan eskuorriak banatu eta inolako indarkeria barik herriko kale nagusietatik ibili ondoren, identifikatu egin gintuzten, Erkoreka supermerkatuan furgoneta baten gurpil bat zulatu zela esanez», azaldu dute auzipetutako 18 lagun horiek. Salaketa bertan behera gelditu bada be, fiskalak, guztira, 72 urteko kartzela zigorra eta 108.000 euroko isuna eskatu du auzipetutako horientzat. «Tamainako eskaera» horrek helburu bakarra duela uste dute auzipetutakoek: «martxoaren 29ko greba orokorra baldintzatzea, herritarrak mehatxatuz». Greba eskubidea bermatuz Gertaeraren barri emoteko egin zuten prentsaurrekoan, «langileen eskubideak defendatzearren» epaituko ziztuztela salatu zuten inputatuek iaz. «Pikete informatiboen arrazoia greba eskubidea bermatzea» zela azaldu zuten, «herritarren protestatzeko eskubidea bermatzea», alegia. Era berean, langileek grebarako duten eskubidea «gero eta mugatuago» dagoela kritikatu zuten prentsaurrekoan, «prekaritateak greba eskubidea guztiz mugatzen duelako». Dena den, egoera horren aurrean ez dutela greba eskubidea ukatzerik aitortu dute; izan be, Euskal Herrian eredu sozial barri bat eraiki behar dela argi dute: «eredu [...]


Bermeoko Udalak udal gida barriztua aurkeztu du gaur goizean. Gainera, aurrerantzean webgunea be izango du, www.bermeokogida.net. Diseinu barriztua du gidak, baina bilatzeko modu barria be badu. Helburua “herritarrei gauzak modu errazean emotea d...

Orain arte ikerlariek eta erakundeetako ordezkariek izan dute Gautegiz Arteagako Urdaibai Bird Center bisitatzeko aukera, baina orain, horrelako zentro baten dinamika eta lan egiteko era ezagutu nahi dituzten pertsona guztiei zabaldu dizkie ateak. Gaur bertan herriko ikasle talde bat eta Gernika-Lumoko nagusi talde bat joan dira zentroa bisitatzera. Haiekin batera, Iosu Madariaga Ingurumen diputatua eta Aranzadi Zientzia Elkarteko Josetxo Agirre Mauleon izan dira zentroan. Urte osoan egongo da zabalik zentroa, baina astegunetan bisita egin ahal izateko aldez aurretik hitzordua eskatu behar da. Asteburu eta jaiegunetan, aldiz, aurretik deitu barik be sartu ahal izango da, 20 laguneko gehieneko taldea osatu arte, ezarritako ordutegietan. 2011ko udaberrian inauguratu zuten Urdaibai Bird Center, eta ikerketa bideratzeko oinarriak ezartzen joan da ordutik. Ondorengoak dira Aranzadiko teknikariek zentroan egiten dituzten ikerketak: Stop over Ecology: Urdaibaiko estuarioak atsedenleku moduan duen garrantziaren nondik norakoak azaldu nahi dituzte, hainbat faktore kontuan izanik; hala nola, elikagaien ugaritasuna, meteorologia, habitataren ezaugarriak… Populazio dinamikak edo Urdaibaiko hegazti populazioen bilakaera; arlo horretan ikertzen ari dira espezieen kontserbazio egoera ezagutzeko, haien populazioen jaitsierak edo gorakadak detektatu ondoren. Eremu geografikoen arteko konektibitatea, alegia, hegaztiek euren migrazioetako ibilbideetan zeharkatzen dituzten eskualdeen artean egiten dituzten loturak. Global change. Ikerketa lerro horren helburua da aldaketa orokorrak hegaztien fenologiari, [...]