
Dantzan egiteko adinik ez dago. Horregatik, domekan, Bermeon egingo den areto dantzen lehiaketarako adin mugarik ez dago. Bost kategoria desberdinduko dituzte, halanda be, kategoriarik jendetsuena umeena izan daitekeela jakinarazi du Jabier Setien aret...


Gaur eguerdian, 12:50 aldera, 81 urteko andrazko bat harrapatu du Volkswagen Passat bateko auto gidariak, Gernika-Lumoko Goikoibarra kalean, Socap enpresaren parean. Ertzaintzak azaldu duenez, enpresa bertakoak izan dira istripuaren barri emon dutenak....

Euskadiko Biodibertsitate Zentroak brotxe birziklatuak egiteko tailerra antolatu du datorren zapaturako. Tailer hori Koopera gizarte sarearekin batera antolatu dute eta erabiltzen ez diren ohialekin eta arropekin brotxeak egingo dituzte horiei berrerabilpena emonaz. Bi talde desberdinduko dituztela azaldu dute. Batetik, sei urtetik aurrerako gazteak izango dira, eta bestetik, nagusiak. Jakinarazi duten moduan, bi taldeek ordutegi berdina izango dute, hau da, zapatuan 17:00etatik 18:30eara, hain zuzen be. Brotxe birziklatuak egiteko tailerrean parte hartu gura dutenek aurretiaz izena emon beharko dute Madariaga Dorretxera deituta eta bi euro ordaindu beharko dituzte.

Inamako langileek enpresak proposatutako kaleratzeak onartu zituzten atzo egindako batzarrean. David Palacios enpresa-batzordeko kidearen esanetan, bilera horretan, 67 langilek kaleratzeen planaren aldeko botoa emon zuten, eta beste 20k, ostera, kontra...

Gautegiz Arteagako Udalak zorrik duenik eta aurrekontuetan desfaserik dagoenik ukatu egin du Bilduk. Ezker Abertzalea zegoen alkatetzan aurreko agintaldian, eta aurreko lau urteetatik eratorritako zorrik ez dagoela aipatu du koalizioak. “Agintald...



Gernika KESBeko neskak sailkapenaren goikaldean dauden taldeei aurre egiteko gai dira Malosten jokatzen dutenean, baina batzutan, partidak ihes egiten die azkenengo minutuetan. Fundacion Promete talde errioxarraren kontra hala gertatu zen, eta hamargarren partida irabazteko aukera galdu zuten Gernikarrek. Estu hartu zuten ligako bosgarren sailkatua, baina 64-65 galdu zuten. Markagailuan oreka izan zen nagusi partida guztian zehar. Lehenengo zatia, esaterako, 23-25 amaitu zen. Bigarren zatia be, bardin hasi zen, baina partidak erritmo gehiago izan zuen. Hala amaitzeko hiru minuturen faltan bertokoek bost puntuko aldea lortu zuen. Azkenengo hiru minutuetan, halanda be, zeharo okertu zitzaien partida bertokoei. Erasoan hiru falta adierazi zituen epaileak, ez zuten asmatu jaurtiketa libreen marratik, eta errioxarrek hiruko erabakiorra sartu zuten partidari buelta emonez. Ligako partida guztietan bezala, Maloste jendez gainezka egon zen bertoko jokalariak animatzeko. Halanda be, ezin izan zuten jaia garaipenagaz biribildu.

Gernika Futbol Taldea hirugarren mailako hirugarren postura arte bajatu da, iragan domekan galdu ostean. Hain zuzen, 1-0 galdu zuen Alavesen bigarren taldearen kontra. Partida galduta, betokoek bi puntura dute lidergoa. Alavesek Javi Luances busturiarr...

Batzokiaren azpian izango duten ludoteka berrira aldatu arte, ludoteka zerbitzuaren arduradunek, «balorazio sakona» egin ostean, behin-behineko neurriak hartzea erabaki dute. Izan be, ludoteka tresna pedagogiko eta hezkuntza baliabide gisa erabiltzea...

Aberastu ostean enpresa itxi gura dutela eta, Rinderreko langileek protesta-mobilizazioak deitu dituzte datozen egunetarako. Langile komiteko presidente Joseba Gabiolak jakinarazi duenez, “etzi, hilaren19an eta hilaren 21ean gure aldarrikapenak herritarren artean zabalduko ditugu, langileok bizi dugun egoera salatzeko asmoagaz”. Egoera “jasangaitza” bihurtu dela iritzi arren, azkenera arte borrokatuko direla dio Rinderreko beharginak. “Empresaren arduradunek argi utzi dute enpresa zarratuko dutela, baina urtea amaitu arte, ez gara isilduko” dio. Izan be, 2012a amaitzeagaz batera, lantegia itxi gura dutela azaldu du. Bihar izango da lehenengo protesta eguna Rinderreko beharginentzat. Gabiolak jakinarazi duenez, enpresa aurrean jarri dute hitzordua, 09:30ean. Lehenengo parkatak egingo dituzte, eta ostean, kotxe karabana baten bidez egingo dute protesta. Astelehenean, bestalde, Rinderren Zamudioko zentralera joango dira protesta egitera. Enpresa aurretik irtengo dira 09:30ean, eta eguerdian etxera bueltatuko dira bertoko langileak. Amaitzeko, hilaren 21ean, Foruko Udalbatzan mozio bat aurkeztuko dute beharginek. “Gure egoera ikusita, Udalak presioa egiten laguntzea da helburua” dio Gabiolak.

Martxoaren 22an ospatzen den Uraren Nazioarteko egunaren harira, Euskadiko Biodibertsitate Zentroak Uraren Garrantzia argazki lehiaketa antolatu du. Ur gezaren garrantzia eta berori lortzen duten inguru hidrikoenganako sentsibilizazioa handitu eta ur-i...

Eusko Jaurlaritzak eta Sukarrietako Udalak antolatuta martxoaren 19an hasi eta 28ra bitartean eAdministrazio ikastaroa eskainiko dute Sukarrietan, liburutegiko KZgunean, hain zuzen be. Gehienez, 6 pertsona Udaletik azaldu legez sei lagunentzako lekua b...

Bermeoko Udalak Busturialdeko Ur Partzuergoagaz daukan zorra kitatzeko akordiora iritsi dira erakunde biak, zortzi hilabeteko lanaren ostean; hala, 2010eko abuztutik gaur egunera zor dizkion metro3ak 0,37 eurotan ordainduko dizkio Bermeoko Udalak Partzuergoari, datozen zortzi hilabetetan zehar. Akordioa joan den barikuan egindako osoko bilkuran onartu zuten Bilduren aldeko botoekin, eta EAJkoen kontrakoekin. 2009ko urriaren 8an Bermeoko Udaleko osoko bilkurak Busturialdeko Ur Partzuergoagaz (BUP) hitzarmen bat sinatu zuen, EAkoen eta Ezker Abertzalekoen kontrako botoekin. Hitzarmen horregaz, Bermeoko ur edangarriaren lehen mailako sarea BUPk hornituko zuela hitzartu zuten, udalak 0,52euro/m3 ordainduta. 2009an aipatu hitzarmena sinatu bazuten be, 2010eko abuztuaz geroztik, Bermeoko Udalak ez dirurik ordaindu. Izan be, Bermeoko Udalaren esanetan, «emondako zerbitzuaren kostua eta egindako inbertsioen balioa justifikatu ezean, ez genuela ezer ordainduko erabaki genuen», azaldu du Idurre Bideguren herriko alkateak. Gogoratu behar da, Bildukoak Udalean sartu zirenean, 930.000 euroko fakturak ordaindu barik zeudela. Zortzi hilabeteko negoziaketaren ostean, lau puntu adostea lortu dute Bermeoko Udalak eta BUPk. Batetik, 2010eko abuztutik aurrera Bermeoko Udalak 0,37euro/m3 ordaintzea adostu dute. Bestetik, kontuan hartuta 2010eko urtarriletik uztailera bitarteko fakturak gainkostuagaz ordaindu zituela Bermeoko Udalak, diferentzia (140.000 euro), Bermeon beharrezko inbertsioak egiteko erabiliko dutela adierazi dute. Bestalde, udalak duen zorra 8 hilabetetan likidatu beharko du, eta, azkenik, faktura [...]

Barikuetan Jai Alai kiniela txapelketaren laugarren funtzioan gertatu bezala, bosgarren funtzioa Lea Artibaiko puntistek irabazi zuten. Hain zuzen, Antxon Alberdi etxebarriarrarentzat eta Eñaut Salegi markinarrarentzat izan zen garaipena. Lea Artibaiko bikoteak oso ondo jokatu zuen, eta nagusitadunez irabazi zuen. Partidako onena, bestalde, Salegi izan zen. Markina-Xemeingoak 22 urtez azpiko Munduko Txapelketa irabazi zuen iaz, eta goi mailako puntista dela erakusten dabil jokatzen duen bakoitzean. Kiniela ona jokatuta, baina irabazleen mailara iritsi barik, Alberdi eta Mazisidor sailkatu ziren bigarren postuan. Hirugarrenak Allberro eta Lekerika izan ziren, eta laugarrenak Urrutxua eta Arrien. Barikuan garaipena lortu ostean, Salegi kiniela txapelketaren liderra da. Markinarrak bi kiniela irabazi ditu eta bigarren postu bat lortu du. Bigarren postuan, bestalde, Alberdi sago. Etxebarriakoak be, bi kiniela irabazi ditu. Txikienak Zesta Punta eskolako puntista gazteenen kinielan, Aritz Arratibelek eta Urko Lekerikak irabazi zuten. Lehia estua izan zuten bigarren sailkatuagaz, baina azkenean nagusitzea lortu zuten. Txikienek be, ikuskizun edarra emon zuten.

Alexis Apraiz gernikarrak eta Oinatz Bengoetxea leitzarrak borrokan jarraitu beharko dute, finalerdiak jokatzeko txartela eskuratzeko. Bikoteak 12-22 galdu zuen Olaizolaren eta Beroiz liderren kontra, eta horrenbestez, sailkapen nagusiko seigarren post...

Urdaibai eskubaloi taldearentzat egun garrantzitsua izango da biharkoa. Izan be, nagusi mailako gizonezkoek asteburuko partida irabaziz gero, lurraldeko liga irabazteko aukera oso ona izango lukete, liga amaitzeko bi jardunaldiren faltan. Biharko parti...