
24. Korrika Busturialdera ailegatu orduko, motorrak berotu dituzte ikasleek Korrika Txikietan. Arrakastatsuak izan dira beste behin, eta kateari eusteko aldarrikapena zabaldu dute.

24. Korrika Zuberoatik Bizkaira, ekialdetik mendebaldera, bidea egiten ari da, eta herritarrek denetariko jarduerak prestatu dituzte egunotarako. Gaztetxoenek beraien Korrika Txikiak edukiko dituzte han-hemen. Bedaronak hartuko du Korrika lehenik; Busturialdea zeharkatu ondoren, Bermeotik agurtuko dute herritarrek.

Eskuldeko arraun taldeek maila handia uretaratu dute III. Alakrana Erronkan: Bermeok eta Elantxobek banderak altxatu dituzte, hurrenez hurren, gizonezko eta emakumezko nagusien lehietan; etxeko taldea, Mundaka, bigarrena izan da beteranoen estropadan.

Euskal Herriaren presentzia nazioartean sendotuz, Euskal Selekzioak ardi mozteko Munduko Txapelketan parte hartu du. Joseba Attard bedarutarra izan da taldeburua, eta berak esan bezala, "hasieratik esperientzia berezia" izan da eurentzat.

Belaunaldiz belaunaldi diaspora osatu duten euskaldunen testigantzak batu ditu Badihardugu Euskara Elkarteak, Euskal Diasporaren Ahotsak egitasmoa tarteko. 100 grabazio ordu baino gehiago bildu dituzte AEBn, euskal diasporako 106 pertsonen testigantzak jasoz, bost estatutan zehar. Diasporako Ahotsak webgunean jarriko dituzte aurten ikusgai.

Gaur hasi da euskararen aldeko lasterketa Atharratzen, eta Bilbon amaitu bitartean –hilaren 29an–, 'Euskara gara' lelopean, askotariko eragileak elkartuko ditu Korrikak. Lehenengo kilometroa Euskal Irratietako ordezkariek eroan dute. Martxoaren 26 goizaldean eskuz esku ibiliko da lekukoa Busturialdean.

Emakumezko nahiz gizonezko nagusien eta beterano mistoen estropadak hartuko ditu Alakrana Erronkaren III. ekitaldiak, zapatu honetan [martxoak 21]. Ibilbide luzea eta laburra prestatu dituzte, Muruetako ontziolatik eta San Antonio hondartzatik abiatuta.

Euskal Australiar Elkarteak Australiara joandako euskal herritarrak omentzeko urtero egiten duen 'Australianoen bazkaria' aprobetxatzea erabaki du: 1929 eta 1945 bitartean jaio eta bizirik daudenei errekonozimendua egingo diete.

Bermeoko, Mundakako eta Sukarrietako hamalau establezimenduk jaso dute udal ordezkarien aintzatespena, euskararen presentzia eta erabilera indartzeko erakutsitako konpromisoagatik.

Goizeko piketeekin hasi dute greba orokorra eskualdean, eta herrikako mobilizazio propioekin amaitu dute. Sindikatuen arabera, jarraipen «zabala» izan du greba deialdiak.

Zerbitzu publikoak indartzeko asmoz, administrazio publikoan algoritmo berriak txertatu ahala algoritmoen katalogoa "zabaltzen" joango dela jakinarazi du jaurlaritzak.

Eskualdeko txistulariak Busturialdeko VI. Txistularien Egunean bildu ziren domekan [apirilak 13]. Euria egin bazuen ere, antolatzaileek topaketaren balorazio "oso ona" egin dute.

2024an Euskal Herriko zinema komertzialetan euskarazko emanaldien kopurua neurtu du Pantailak Euskarazek: % 1,6. Euskaldunon hizkuntza eskubideen urraketa sistematikoa dela eta, neurriak eskatu dituzte.

Eskualdeko txistularien ospakizunak Sukarrieta eta Kanalara egingo du jauzi domekan [apirilak 13]. Jaiaren seigarren aldian 60 lagun inguru elkartuko dira kalejiran, eta ostean talde bazkariagaz biribilduko dute eguna.

U-BAI Ekintzailetza Jaialdian elkartu dira Busturialdeko bost hezkuntza zentrotako 65 ikasle.

Domekan [martxoak 30] 02:00etan 03:00ak izango dira.

Eusko Jaurlaritzako Gazteria Zuzendaritzak bederatzi auzolandegi antolatu ditu aurtengorako Bizkai, Araba eta Gipuzkoan, tartean Muxikan eta Lekeition. Parte hartzeko aurretiazko izen emantea zabaldu dute, apirilaren 22a arte.

Ekitaldiz eta aldarrikapenez beteko dira Busturialdeko kale zein plazak datozen egunotan. Izan ere, Emakumeen Eguna bihar [martxoak 8] bada ere, gaurko zein osteko egunetarako ere hitzorduak zehaztu dituzte herriz herri.