‘Ez ginen atzera egiteko jaio. Faxismoaren aurka, feminismoa’ lelopean kaleak hartzeko deia egin du Euskal Herriko Mugimendu Feministak. Busturialdeko txoko guztietan ere aldarriz beteko dituzte kaleak.


Gernika-Lumoko merkatarien, ostalarien eta zerbitzu elkarteak antolatutako argazki lehiaketa irabazi du Erlantz Ortiz Santamaria gernikarrak. Iraia Ladislaoren eta Rebeka Jaioren eskutik jaso du saria Ortizek. Oporretan ateratako argazkiari esker, bida...

«Artelan handiek hainbat zentzu uztartzen dituzte, beren moduan, askotariko balio estetiko, etiko eta politikoekin. Gizakion izanari eta gertaera historiko eta sozialei buruzko benetako ikerketa bat aktibatzen dute, pentsatu, ikusi eta esperimentatu daitekeenaren irudi berriak sortuz». Ideia horretatik abiatuz eta Picassoren Gernika horren eredu dela eta, Artea, oroimena eta demokrazia. Picassoren ‘Gernika’-tik gure egunetara izeneko nazioarteko batzarra hartuko dute datorren astean Gernika-Lumok eta Bilbok. Urriaren 9tik 11ra bitartean, bada, gai horien inguruko hausnarketa egingo dute gonbidatuek eta parte hartzaileek. Azaldu dutenez, «sormenaren, oroimenaren eta proiektu demokratikoaren instituzio iraunkorraren arteko lotura sakonei buruzko hausnarketa» egin gura dute. «Batzar honek gai horiek eztabaidatu gura ditu, argibide filosofiko eta historikotik zein ikerketa artistiko eta literariotik. Euskal Herriko Unibertsitateak (EHU), Gernika Gogoratuz bakearen aldeko aztertegiak eta Gernika-Lumoko Bakearen Museoak antolatu dute datorren asteko nazioarteko batzarra, 2012 Fundazioaren babesagaz, eta doakoa da izena emotea. Hori bai, parte hartu gura izanez gero, fitxa bat bete eta antolatzaileek zehaztutako helbideren batera bidali beharko da ondoren. EHUk, gainera, aukera askeko bi kreditu emongo dizkie parte hartzaileei. Informazio osagarria Bakearen Museoaren webgunean (www.museodelapaz.org) aurki daiteke. Gernika-Lumoko egitaraua Urriak 9, martitzena 10:00-10:30. Harrera ekitaldia. 10:30-12:00. Gijs Van Hensbergen: Gernika. Ikuskera berria. Arte kritikaria eta kritikari gastronomikoa, saiakeragilea, bere liburuen artean daude [...]

Gaurko Gobernu Kontseiluan erabakitakoari jarraiki, Eusko Jaurlaritzaren goraipamenik handiena jasoko du Jose Antonio Ardanza EAEko lehendakari ohiak. Gernikako Arbolaren Gurutzea urriaren 25ean hartuko du Ardanzak, Euskadiren eguna ospatzeko Lehend...

Joan den zapatuan, Urdabai Eskubaloi Taldeko nagusiek, 2012-2013 denboradiko estreineko partidak jokatu zituzten, zorte ezberdinagaz. Emakumezkoen talde- ak, esaterako, 18-16 irabazi zuen ligako lehenengo partida Muskizen kontra. Urdaibai taldetik azaldu dutenez, “alde handiagoagatik” irabazteko aukera izan zuten, baina bigarren zatian zenbait proba egin zituen Iker Romero entrenatzaileak, eta behera egin zuen taldeak. Urdaibaikoek jakinarazi dutenez, sei goleko aldea izan zuten partidaren zenbait momentutan, eta Muskizek ez zuen golik sartu lehenengo hamabost minutuetan. Gizonezkoen nagusien taldeak, bestealde, 25-27 galdu zuen, Galdakaoren kontra. Taldekoen berbetan, “partida arraroa izan zen epailearen erruz”. Jokalari asko kanporatu zituen bi minuturako, eta “dudazko erabakiak” hartu zituen. Mutilek be partida irabazteko aukera izan zuten. Norgehiagoka amaitzeko lau minuturen faltan, esaterako, bi goleko errenta zuten, baina Galdakaokoek partidari buelta emotea lortu zuten. Udazken txapelketa Urdaibairen harrobiko taldeek, bestalde, Udazken Txapelketa jokatu zuten joan den asteburuan. Talde guztiek irabazi zuten emakumezkoen kadeteen taldea izan ezik. Mutilek, esaterako, zapatuan jokatu zuten, Urdanetaren (Leioa) kontra. Urdaneta talde oso sendoa da maila guztietan, eta horrenbestez, taldeko kideak pozarren azaldu dira, hiru partidak irabazita. Gazte mailakoek 23na bardindu zuten, baina penalti jaurtiketetan nagusitu ziren. Kadeteek, bestalde, 24-21 irabazi zuten. Amaitzeko infantilek 32-10 irabazi zuten. Emakumezkoek, bestalde, domekan jokatu zuten, Leizaranen (Andoain; Gipuzkoa) kontra. [...]

Joan den asteburuan, Bermeo Futbol Taldeak denboraldiko bosgarren partida bardindu zuen. Hain zuzen, bertoko taldeak bina bardindu zuen Zamudioren kontra. Partida bat irabazita eta bost bardinduta, bermeotarrak partidarik galdu barik jarraitzen dute denboraldi hasieran. Zamudioren kontra, esaterako, atzetik joan ziren markagailuan, baina birritan bardindu zuten norgehiagoka, Zuluren golei esker. Zulu izan zen partidako protagonista nagusia bermeotarren artean, bi golak sartu baitzituen. Lehenengoa penalti baten alderatzea harrapatuta, eta bigarrena area barruan egindako jaurtiketa on baten ostean. Sei jardunaldi jokatuta, Bermeo sailkapeneko zortzigarren postuan dago, zortzi puntugaz. Gernika puntu bakarrera du.

Bertoko bertsolari bi eta gonbidatu bat. Hori da Liligiro izenburupean Lilibertsok proposatzen dituen bertso-afarien ardatza. Joan den barikuan eduki zuten Liligiroren hitzorduetan lehena, Ean, eta 35 lagun batu ziren Zakilixut elkartean Julen Erezuma,...

Laugarren euskal jaiaren atarian, azken entsegua barikuan egingo dutela jakinarazi dute Elai-Alai dantzari taldeko kideek. Hain zuzen, Pasealekuko frontoian elkartuko dira, 19:30ean. Zapatuko egun handia orduko, gainera, izango da bestelako aperitiborik, eguenean XX. mende hasierako euskal jantzi tradizionalaren inguruko berbaldia egongo baita. Hori ere Pasealekuan egingo dute, 19:30ean. Dagoeneko sagai daude bazkarirako txartelak. Turismo bulegoan, kultur etxean, Etxarte tabernan, Auzokoa tabernan eta Lagun Etxea tabernan eskuratu daitezke. Zapiak be toki horietan daude salgai, baita Euskal souvernir dendan be. Bazkarirako txartelak 15 euro balio du (umeek, 8 euro) eta zapiak 2 euro. Euskal jaiko egitaraua (urriak 6): 09:00etan. Azoka berezia: sukalkia eta ardoa, Merkatu plazan. 10:00-15:00. Umeen txokoa. Ehunzangok antolatuta, Merkatu plazan. 12:00etan. Txupinazoa, Arrano kultur taldearen eskutik. Ostean, kupel zabaltzea eta taloen txosna, Merkurio iturrian. Herriko kaleetan zehar: Euskal Herriko kantagunea. Elai-Alai dantzari taldea eta Erro Bat Baionako dantza taldea. Segundo Olaeta musika eskolako trikitilariak eta txistulariak. Gazteak taldearen txistu, trikitixa, gaita eta kalejira, Ondalan erraldoien konpartsarekin. 13:00etan. Pertsonai mitologikoak, Orritz taldekoen eskutik, herriko kaleetan zehar. Gernika Folk Fanfarriak be giroa alaituko du, Segundo Olaeta musika eskolatik. 13:00etan. Herri kirolen erakustaldia egingo dute Artekalen. Harrijasotzaileak: Aimar Irigoien, Jose Ramon Iruretagoiena eta Izeta Bigarrena. Aizkolariak: J.M. Esnaola, Eneko Saralegi, Jon Rekondo [...]

Datorren urteko Andra Mari eta Santa Eufemia jaiei begira zenbait hausnarketa egin behar dituztela jakinarazi zuten barikuan, jaien inguruko balorazioa egiteko prentsaurrekoan. Kultura zinegotzi Aingeru Astuik azaldu legez, «baloratu behar dugu komenigarriagoa ote den su artifizialak egun bitara murriztea baina kalitate handiagoko suziriak eskaintzea edota bardin jarraitzea». Hausnarketa hori egitekotan gelditu dira, jende gutxi hurbildu zelako irailaren 10eko suziriak ikustera. Aurtengo jaien balorazioa, halanda be, «positiboa» dela esan zuen Idurre Bideguren alkateak, «jaietako programan aurreikusitako ekitaldi guztiak ospatu dira eta horietan herritarren parte-hartzea garrantzitsua izan da». Garbitasun aldetik be, herria beste urte batzuetan baino garbiagoa egotea lortu dutela azaldu zuen. Balorazio positiboa egin arren, beti be, gauzak hobetu daitezkeela adierazi zuten. Adibidez, datorren urtera begira irailaren 7an Almikatik egiten den jaitsieraren antolaketa berrikusi egingo dutela azaldu zuen Astuik, «segurtasun neurriak bermatzeko helburuarekin». Aurtengo parte hartzea jaitsieran aurrekoetan baino handiagoa izan da eta «istripuak ekidin asmoz» egingo dute hausnarketa. Egunik jendetsuena, sukalkia Ohi legez, arrantzale egunean sortutako giroa nabarmendu zuten, nahiz eta, talko hautsen ondorioz urtero gertatzen diren arazo bardinak gertatu direla adierazi. «Zoritxarrez, botatzen diren kantitateak oraindik be handiegiak dira», esan zuten eta kaleak ureztatzen dituzten arren, talkoa hiruzpalau egunetan ez dela kentzen ohartarazi zuten, beste behin be. Aurtengo jaietako [...]

Erpin 360º, Vertice Cine eta Baleukok ekoitzitako eta Luis Mariasek zuzendutako bi ataleko ‘Gernika bajo las bombas’ tv movie-aren emanaldi berezia egongo da gaur Gernika-Lumon bertan. Lizeo Antzokian izango da saioa, 19:00etan, eta joatek...
