‘Ez ginen atzera egiteko jaio. Faxismoaren aurka, feminismoa’ lelopean kaleak hartzeko deia egin du Euskal Herriko Mugimendu Feministak. Busturialdeko txoko guztietan ere aldarriz beteko dituzte kaleak.


Soziolinguistika Klusterrak egindako behaketa baten arabera, Gernika-Lumon “kezkatzeko eta pozteko arrazoiak” daude, euskeraren kale erabilerari erreparatuz gero. Olatz Altuna klusterreko kideak azaldu duenez, “azken hamar urteetan ia sei puntu bajatu da euskararen kale erabilera herrian, baina haur gehienek euskeraz egiten dute berba”. Datu orokorrei erreparatuz gero, jasotako elkarrizketen %48,9 izan dira euskeraz, Gernika-Lumon. 2001an, barriz, elkarrizketen %54,3a izan ziren euskeraz. Altunak jakinarazi duenez, “1989 eta 2001 bitartean emon zen gorakada handiaren ostean, Euskal Herri osoan emon da beherakada progresibo bat”. Hala, erabilera apur bat bajatu arren, «normala» dela deritzo klusterreko kideak. “Sakon aztertu beharreko kontu bat da erabilera bajatzea, baina ez da zertan euskeraren heriotzaren hasiera izan behar” esan du. Altunaren ustez, bestalde, gazteek euskera erabiltzea “datu oso positiboa” da, orokorrean erabilera bajatu arren. Hain zuzen, haurren %68ak egiten du euskeraz normalean. Altunak dioenez, beste datu positibo bat be badago Gernika-Lumon. Izan be, beste eremu batzutan baino gehiago egiten da berba euskeraz. Bizkaian %9,4a mintzatzen da euskeraz, Euskal Herrian %13,3a, eta Bermeon %36,6a.

Gabon aurreko bederatzi goizaldez gernikarren loa goxo esnatzera datozen Marijesiak bariku honetan eta datorren astelehenean elkartuko dira bederatziurrenaren aurreko entseguak egiteko. 19:00etatik 20:00etara ipini dute hitzordua, Andra Mari koralaren ...

Esperientzia «oso polita» baina aldi berean «izugarri gogorra» modura laburtu du Julen Urdaibai korrikalari bermeotarrak Antartikan izandakoa. Anthartic Ice Marathon-erako zuen helburua beteta bueltatu da Urdaibai, probak amaitzea, alegia. 143 kilometroak eginda, 1912. urteko galernan hildako arrantzaleak omendu ditu, hori baitzen haren asmoa. Esperientzia «positiboa» izan dela dio Urdaibaik, «eta ez bakarrik kirol arloan». Kirol arloan, bestalde, «pozik» dago lasterketa amaitu ahal izan duelako «postua edo sailkapena alde batera utzita». «Egia esan, halanda be, txapelketa ona egin dudala»; izan be, maratoia bosgarren postuan amaitu zuen eta 100 kilometroko txapelketa, barriz, hirugarren. «Jendeak sailkapenari garrantzia emon arren, nik neuk ez diot garrantzi handirik emoten». Gauza asko ikasita Lehiatzera joan bada be, Antartika zer den ezagutzeko be aprobetxatu duela azaldu du, «nahiz eta bost egun bakarrik izan diren». «Harrituta» gelditu da bermeotarra, «baina onerako» Antartikaren funtzionamenduagaz, «dana birziklatzen dute eta dagoen moduan garbi mantentzeko duten protokoloa izugarria da, asko babesten dute. Han ezin da ezer gelditu, ezta zapatilletako lokatza bez. Txisa be bidoi erraldoietan egiten genuen eta harek hegazkinean sartzen zituzten Txilera eroateko. Dana sartzen dute bidoietan kontinentera eroateko, bertan ez da ezer gelditzen». Lekua «gogorra da baina ederra», dio. Antartikaren «aurpegi ona» ezagutu duela dio Urdaibaik, «eguzkia zegoen eta haizea ez [...]

Joan den asteburuan, Gernika KESBek denboraldiko bigarren partida irabazi zuen, sailkapeneko azken postuetatik ihes eginez. Gernikarrek garaipen “oso garratzitsua” lortu zuten Tenerife Isla Unica 62-69 menpean hartuta. Izan be, galduz gero, azken sailkatuagaz bardinduta egongo litzateke bertoko taldea. Mario Lopez entrenatzailearen berbetan, “ez da taldearen partidarik onena izan, baina garrantzitsuena lortu dugu: garaipenagaz bueltatzea”. Teneriferen kontrako partida, urduritasun handikoa izan zela nabarmendu du Lopezek. Dioenez, irabazteko premia zuten bi taldeek, eta zelaian argi ikusi zen: “hutsegite askoko partida izan zen, tentsio handiagaz jokatu baigenuen bi taldeek”. Entrenatzailearen ustez, Kanariar Uharteetako taldea mailaz ez bajatzeko lehian egongo da Gernika KESBegaz batera, eta horrenbestez, asteburukoa bi gauzagatik izan da garaipen garrantzitsua: etxetik kanpo irabazi dutelako, eta aurkari zuzen bat menpean hartu dutelako. Partidako jokalari onena Nerera Moreno izan zen. Durangarrak 19 puntuko balorazioa lortu zuen, hamazazpi puntu sartuta eta hamar errebote jasota.

Egungo egoera ikusita, desjabetzeen inguruko protokoloa sortzea erabaki du Gernika-Lumoko Udalak, herrian halako egoera bat suertatuz gero, jarraitu ahal izateko. Azken osoko bilkuran, desjabetzeen inguruko mozio bat aurkeztu zuten Bildukoek. Besteak b...

Artie dantza taldeak 25. urte beteko ditu aurten, eta ospakizun horren harira, hainbat ekintza egin zituzten zapatuan Gautegiz Arteagam. BI gunetan bereiztuta igaro zuten eguna dantzariek: batetik, txikitxoenentzako gunea izan zen: bertan, margozteko mahai bat, aurpegia margozteko beste mahai bat …


Jose Angel Etxaniz Txato (Gernika-Lumo, 1954) Gernikazarra Historia Taldeko kidea da. 1992tik darama herriaren memoria ahanzturatik berreskuratzeko ahalegina egiten, eta joan den martitzenean Talleres de Guernica-Astra. De la fabrica de armas a fabrica de creacion cultural liburua aurkeztu zuen, Gorka Perez arkitektoagaz batera. Etxanizek historiaren ikuspegitik aztertu du eraikina, eta Perezek arkitekturaren ikuspuntutik. Zelan erabaki zenuten eraikinari buruzko liburu bat idaztea? Betidanik izan dut gustuko Gernika-Lumoren historia industriala. Daliari buruzko lan bat egiten nenbilela, Talleres de Guernica enpresako jendearekin jarri nintzen harremanetan, eta dokumentazioa bilatzen hasi nintzen. 2005ean herriko gazteek eraikina okupatu zutenean, bestalde, historia zati hau kontatu behar nuela erabaki nuen. Izan be, liburuak ez du historia industrialaz bakarrik berba egiten. Gazteen okupazioa be landu dut. Zer kontatzen du liburuak? Liburuak Ricardo Bastidaren eraikina eta bertan burutu diren jarduerak ditu berbagai. Talleres de Guernicaren sorreran hasten da kontakizuna, eta eraikinaren egokitzapen lanekin amaitzen da. Bitarte horretako historia guztia emoten dut ezagutzera. Ataletan banatuta dago lana? Kronologiko egituratu dut. 1916 eta 1960 bitartean, Talleres de Guernicaren historia kontatzen dut. Gaur egun be lantegia zabalik dago Astraren ondoko eraikinetan eta, horrenbestez, interesgarria iruditu zitzaidan enpresaren iragana ezagutaraztea. Liburuaren bigarren zatian, bestalde, lantegiaren beherakada ekonomikoa, enpresaren itxiera eta hurrengo urteetako utzikeria kontatzen [...]

Astra Koordinadorak auzolan eguna antolatu du biharko. Astra eraikina inauguratzeko hilabete eskas falta dela eta, datozen asteetan azken egokitzapenak egin gura ditu Koordinadorak, irekiera data behar bezala ospatzeko. Hala, bihar hasita, mailuak, bih...