Sarek eta Etxerate-k deituta, ehunka herritar mobilizatu dira hondartzetako abuztuko urteroko hitzorduan. Azkena izateko desioa adierazi dute.
LAB, UGT eta CCOOk aurreakordioa sinatu dute CEBEK patronalagaz. Hitzarmena bost urtez egongo da indarrean (2025/29). ELAk uste du akordioa ez dela nahikoa.
Oin-Arte Elkarteko kideek 'Guernica' koadroa Gernika-Lumora ekartzeko eskatu, eta Espainiar Estatuak "Gernikan egin zituen ankerkeriei" tratamendu egokia emateko eskatu dute. Horretarako, bi ekintza egin dituzte: bata, Gernikan, eta bestea, Madrilgo Reina Sofia museoan.
Senegaldar kultura eta borroka lau haizetara zabaltzeko asmoz, Bermeoko Lamerak Senegaldar eguna hartuko du, bihar. Hausnartzeko, ondo pasatzeko, eta gainontzeko kulturak ezagutzeko aukera izango da udalerrian, Bermeoko NDAWI Senegaldar elkartearen eskutik.
Foruan, Laidan, Bedaronan eta Ondarroan saninazioak ospatuko dituzte datorren astean.
Arteskolaren ekimenez eta Kultur Etxearen laguntzagaz, Luis Iriondo V. Aire Zabaleko Margo Lehiaketa egingo da. Artistek udalerriko paisaiak, ondarea eta egunerokotasuna jasoko dituzte margolanetan.
Gernika-Lumoko Ernaik Gernikako Egun Antifaxista antolatu du etzi [uztailak 25], Arranon. Faxismoaren aurkako lerroan gazteek "lehen lerroa hartu" behar dutela sinetsita, egun guztirako antolatu duten egitarauan parte hartzeko deia egin diete gazteei.
Bermeoko lau kultur elkarteren ibilbideak lehen lerroan jarriz berretsi ditu aurtengo teilak Bermeoren mugak Izaro uhartearen ipar-ekialderantz daudela. Bermeotar, elantxobetar eta mundakarrak izan dute, eta izango dute oraindik jai giroaz blaitzeko aukera.
Busturiko Harri Berri Elkarteak antolatuta, Harri Berri Elkartea Saria lehiatuko dute bigarrenez, Santa Ana egunean [uztailak 26]. Emakumezkoak 72 kiloko harriagaz arituko dira eta, gizonezkoak, 102 kilokoagaz. Bizkaiko Gizonezkoen Lasto Jasotze Txapelketa ere izango dute jokoan.
Babesle nagusi berria aurkeztu du Gernika-Lumoko saskibaloi taldeak; Inversus Gernika Bizkaia izenpean, "elkarrekin hazten, lehiatzen eta Gernikaren izena are urrunago eramaten" jarraituko dutela adierazi dute.
Durango Kirol Taldearekin lehiatu du atleta gernika-lumotarrak Kluben Espainiako Master Txapelketa, Coruñan. Guztira 150 puntu lortuz, lehenengo postua lortu du klubak.
V. Bermeo Hiria Inpesca Pilota Festibala hartuko du, zapatuan, Artza pilotalekuak. Sarrerak dagoeneko salgai daude, eta 15, 20 eta 25 euro arteko prezioetan eros daitezke.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
