
Joan den asteburuan itxura edarra emonda, eta bandera bat irabazita, TKE ligako traineru sendoenen itzala jarraitzeko gai direla erakutsi zuten Urdaibaiko arraunlariek. Hondarribiak eta Kaikuk denboraldiko lehenengo bost banderak irabazi ostean, Bermeoko arraun taldeak seigarren estropadan jarri zuen kolokan hondarribitarren eta sestaotarren nagusitasuna. Hala, asteburuko estropadetan bolada onari jarraipena emotea izango da bertokoen helburua. Juan Mari Etxabek astebururo 20 puntu inguru batu behar zituztela aurreikusi zuen denboraldi hasieran, baina joan den asteburura arte kopuru horretik nahiko urrun ibili dira bermeotarrak. Iragan asteburuan lehenengo biderrez gainditu zuten 20 puntuko langa eta, bide batez, sailkapen orokorreko lehenengo bi taldeengana hurbildu ziren. Hala, Urdaibaikoek moralez gainezka ekingo diote arraun asteburuari, zapatuan eta domekan. Pedreñakoa (Kantabria) izango da bermeotarrentzat asteburuko lehenengo bandera. Kantabriako estropada aldaketekin dator aurten, itsaso zabalean egingo baitute arraunean TKE mailako hamabi taldeek. Estropada 18:00etan hasiko da, Ribamontán al Mar (Kantabria) herrian. Domekan, bestalde, Euskal Herrira bueltatuko dira arraunlariak, Pasai San Pedroko (Gipuzkoa) estropada jokatzera. Traineruen arteko lehia 12:00etan hasiko da.

Gernika-Lumoko Urbieta kiroldegiak zelai barria izango du aurki, bost frontoien parean. «Erabilera anitzeko kirol-zelaia» izango da, eta klub ezberdinetakoak Kirol Patronatuak ezarritako egitaraura egokitu beharko dira. Aipatu zelai barria urtea amai...

Gernika-Lumori udan «bizia emoteko asmoz» olinpiadak antolatu dituzte herriko gazteek. Izan be, gazteen arabera, «uda partean ez dago eskaintzarik herrian, hondartzara joateaz aparte». «Ez gara elkartzen eta ez dugu elkar ezagutzen, eta horri buel...


Diego Beaskoetxea (1981, Miami, AEB) puntista gernikarra Euskal Herriko pilotalekuetara bueltatu da, udarako. “Aldaketa nahiko handia” dela dio, baina jokatutako lehenengo partidetan nahiko ondo moldatu dela deritzo. Euskal Herriko frontoietara bueltatu zara. Ez al duzu atseden hartzeko gogorik ala? Danian (AEB) egunero jokatzen dugu, eta Euskal Herrian astean partida bat jokatuko dut, gutxi gorabehera. Beraz, hemengo denboraldia lasaiagoa da. Urtero bueltatzen zara udan? Azken hiru urteetan etorri naiz, baina aurreko urteetan AEBetako udako denboraldia jokatzen geratu nintzen. Izan be, Danian neguko eta udako denboraldiak daude; ez dago atsedenik. Zeintzu txapelketa jokatuko dituzu Euskal Herrian? Ipar Euskal Herrian, Donibane Lohitzunen eta Miarritzen jokatuko dut. Donibanen astero partida bat jokatuko dut, eta Miarritzen Urrezko Xistera irabazteko ahalegina egingo dut. Hego Euskal Herrian, bestalde, Gernika-Lumon jokatuko dut, eta baliteke Bilbon be jokatzea, zesta-punta txapelketa prestatzen baitabiltza Aste Nagusirako. Zergatik erabaki ohi duzue puntistek udan Euskal Herriko frontoietara bueltatzea? Euskal Herrian munduko txapelketa garrantzitsuenak jokatzen dira udan. Munduko Txapelketak jokatzeko aukera be emoten du. Txapelketa garrantzitsuak direnez, atsedena ahaztu eta bertora etortzen gara jokatzera. Helbururik jarri diozu zure buruari berton jokatzen duzun bitartean? Ez dut helburu zehatzik jarri. Ahal bezain hoberen jokatzen ahaleginduko naiz. Partida pare bat jokatu dituzu dagoeneko Euskal Herrian. Zer moduz [...]

Zain Dezagun Urdaibai elkarteak Mundakako Larrinaga Jauregia “egoera oso txarrean” dagoela salatu du, eta horregatik, jauregian bidezko segurtasun neurriak hartzea eskatu dio Udalari. Elkartekoek jakinarazi dutenez, “eraikina egoera a...

ernika-Lumoko Udalak jakinarazi duenez, geroz eta birziklatzeko ohitura gehiago dute gernikarrek; hala erakusten dute, behintzat, 2011ko datuek. Izan be, horien arabera, iaz 536.440 kilo beira bildu ziren herrian; alegia, 2010ean baino 91.040 kilo gehi...

Iñaki Madariaga Errigoitiko alkateak Ezker Abertzaleko kideen jarrera kritikatu du, osoko bilkuretan arazoak sortzen dituztela argudiatuta. Berri agentzia batek zabaldu duenez, azken hauteskundeetatik gaur egunera arte Errigoitin egin dituzten sei osoko bilkuretatik lautan, Ezker Abertzaleko ordezkariek “liskarrak” sortu dituztela dio alkateak. Madariagaren berbetan, “hiltzeari utzi diote, baina demokraziaren kontrako jarrera dute oraindik”. Begoña Uribarri Errigoitiko Bilduren zinegotzia, bestalde, “harrituta” azaldu da alkatearen “jarrera lotsagarriaren” barri izatean. Dioenez, “berba egin gura izatea arazoak sortzea baldin bada, alkateak arrazoia du”. Bilduko zinegotziak argitu duenez, Madariagak “albo batera” uzten ditu beti, berba egiteko aukera ukatuz. Hala, ez dute ulertzen nolatan sortzen dituzten liskarrak osoko bilkuretan. “Errigoitiko udaletxean ez dago eztabaidarako lekurik, eta oposizioaren lana egitea ezinezkoa da” nabarmendu du Uribarrik. Alkateak gura duena egiten duela eta, bestalde, Uribarri “minduta” azaldu da. “Ez da herri batek merezi duen alkatea” esan du. Azken oso bilkuran be, berba egiteagatik bota zuen Bilduko zinegotzietako bat Madariagak. “Osoko bilkuran berba egun gura izatea ez da delitua” gogoratu du Uribarrik.

Gernika-Lumon ekoizten eta saltzen diren euskal produktu tipikoak antzematea eta balioestea helburu duen ikerketa abiarazi dute Turismo Bulegoak eta Merkatarien Elkarteak; betibe, herriko merkataritza dinamizatzeko asmoz. Hala, euskal produktu horiek s...

Gernika-Lumoko Udalak jakinarazi duenez, bihar egun osoan zehar itxita egongo herriko Ibarra kalea, Astra eraikinean egiten ari diren obrak direla eta.

Busturialdeak KAE1 mailako estropada jokatuko du zapatuan Camargoko (Kantabria) uretan. Hain zuzen, denboraldiko laugarren jardunaldia 18:00etan hasiko da, eta Elantxobeko Arraun Taldea orain arte erakutsitako sasoi forma mantenetzen saiatuko da. Bustu...


Museo baten itxura hartzen hasi da Urdaibaiko Biosfera Erreserba gaur, Eusko Jaurlaritzaren ‘Zentzua eta Iraunkortasuna’ arte ekimenaren bitartez. Izan be, nazioarteko artista garaikide garrantzitsu bakoitzak Urdaibaiko leku bat aukeratu et...

Bermeoko Udaleko Merkataritza, Sustapena eta Turismo sailak merkataritza indarberritzeko ekintza planari buruz eztabaidatu nahi du merkatariekin. Beraien ustez, «ezinbestekoa» da horien iritziak jasotzea. Gai horri buruz eztabaidatu asmoz, batzar bat antolatu dute uztailaren 25erako, eguaztena. 15:00etatik 17:00etara izango da Bermeoko Behargintzaren bulegoetan. Udalak Bermeoko merkatari guztiak gonbidatu ditu horretan parte hartzera. Bilera horretan, lehenik eta behin bertaratutako merkatariei Bermeoko Merkataritza Planaren laburpena egingo diotela jakinarazi dute. Ondoren, etorkizunera begira ipiniko dira, eta aurrera begira lan egiteko lerro posibleak aurkeztuko dizkiete merkatariei. Gaur egungo merkatal egoera aztertu ondoren, merkataritza indarberritzeko ekintza plana abian jarri nahi duela adierazi du Bermeoko Udaleko Merkataritza, Sustapena eta Turismo sailak. Erosketa ohiturak aldatu «Merkatal zentroen eskaintzak, ezagutza gizarteak eta ekonomia barriak direla eta, emon diren aldaketek herritarren erosketa ohiturak aldatu dituzte eta horregatik Bermeoko merkataritza indarberritzeko ahaleginak egin behar dira», azaldu dute Bermeoko Udaletik. Lan horren bidez, hirigintza, merkataritza eta administrazio ekintzak biltzen dituen hobekuntza plan bat egiten ari dira. Halanda be, Bermeoko Udalak ez du bakarrik egin gura merkataritza indarberritzeko plan hori. Horien ustez merkatarien iritzia eta parte hartzea «ezinbestekoa» baita plana garatzeko. Horregatik eguaztenean egingo duten batzarrean parte hartzera animatu gura ditu herriko merkatari guztiak. Batzarrera joateko interesa duten merkatariei aurretiaz Behargintzarekin (94-617 91 [...]

Busturialdeko Sokatira Txapelketan parte hartzen duten zortzi taldeek, Kortezubin jokatuko dute bigarren jardunaldia, etzi. Hain zuzen, 12:00etatik aurrera herriko frontoian lehiatuko dira, Arratzu, Bermeo, Busturia, Forua, Kortezubi, Mendata, Murueta eta Nabarniz. Sokatira lehia Santiago jaien barruan egingo dute, eta horrenbestez, giro bikainagaz gozatzeko aukera izango dute Kortezubira doazenek. Txapelketaren lehenengo saioa Arratzun jokatuko zuten talde parte hartzaileek, joan den ekainaren hasieran. Lehen jardunaldi horretan, Murueta nagusitu zen, sailkapenaren buruan jarriz. Sailkapena Murueta Forua Mendata Kortezubi Bermeo Arratzu Nabarniz Busturia

Parot Doktrinaren kontrako hilabetearen barruan, Busturialdeko Herrirak hitzaldi bat antolatu du 197/2006 doktrina zer den azaltzeko. Hitzaldia Zubietaerrota eraikinean emongo dute barikuan, eta hizlariak 19:30ean hasiko dira berba egiten. Hizlarieta...

1936an fusilatuak izan ziren busturiarrak izango dituzte gogoan abuztuaren 3tik 5era. Izan be, aurton 75. urteurrena da eta «zerbait berezia» prestatu gura izan dute. Astelehenean bildu zen Busturiko alkate Miren Fatima Malaxetxebarria fusilatuen senideekin egun horietarako prestatu dutenaren barri emoteko eta beraiek dituzten proposamenak be jasotzeko. Abuztuaren 3an hasiko dituzte oroimen ekitaldiak. Egun horretan Memoria y sexualidad de las mujeres bajo el Franquismo dokumentala ikusteko aukera izango dute busturiarrek. Altamirako Kultur Etxean izango da 19:30ean. Herritar batek, gainera, alkateari proposatu zion ea posible luketen Nekane Juradoren hitzaldi bat antolatzea, «Gernika-Lumon egon zen gerrak zelan sortzen diren azaltzen eta interesgarria litzateke». Alkateak berarekin harremanetan jartzen saiatuko direla erantzun zion eta posible bada dokumentala ikusi aurretik hitzaldia egongo litzatekeela esan zuen. Abuztuaren 4an, barriz, omenaldirako tartea izango dute Axpe auzoko Ispilueta zelaian. Bertan, 1936ko gerran fusilatu zituzten busturiarrak izango dituzte gogoan baita kartzela zigorrak jasan zituztenak be. Ohorezko aurreskua dantzatu, bertsoak bota, azalpenak emon…eta aurten, gainera, Fermin Valenciaren kantaldiaz gozatu ahalko dute bertaratutakoek. Oroimen ekitaldia 12:00etan hasiko da. Herritar guztiek jasoko dute beraien etxeetan aurten egingo diren ekitaldien barri emoten dituen diptiko bat. Ekitaldietan parte hartzeko gonbidapena be luzatzen du horretan Busturiko Udalak. Fusilatuak izan ziren eta kartzela zigorra jasan zuten busturiarren [...]

Busturian kokatuta dagoen Euskadiko Biodibertsitate Zentroa kudeatzen duen Ihobek azaldu duenez, Dorretxeak urtero milioi bat euroko jarduera ekonomikoa sortzen du eskualdean, «horrek erakusten du zentroak eskualdeko jarduera ekonomikoari bultzada ederra emoten diola», esan du goizeko agerraldian Fernando Barrenetxea Ihobeko zuzendariak. Gaur aurkeztu dituzte Madariaga Dorretxean bertan, zentroak eskaintzen dituen emaitzak. 2008. urtean ateak ireki zituenetik 100.000 pertsona inguru hurbildu dira Busturiko Euskadiko Biodibertsitate Zentroa bisitatzera. Barrenetxeak jakinarazi legez, «Europa mailan izaera hori duten zentroen artean lehenengo bost bisitatuenen artean kokatzen dute zifrek eta bertoko erreferentziazko kultura-gune bilakatu da, gainera». Bisitari gehienak, halanda be, bizkaitarrak dira eta Barrentxearen esanetan, «Euskal Herriko beste probientzatik etorritako jende kopuru gehiago biltzea da etorkizuneko asmoa». Bisitari gehien izan duen urtea iazkoa izan zen, 40.000 bisita izan zituzten. Lau urtetan zortzi milioi eurotik gorako jarduera ekonomiko orokorra sorrarazi duela zehaztu dute: 8.333.861 euro, hain zuzen be. 39 lanpostu zuzen Euskadiko Biodibertsitate Zentroak 39 lanpostu zuzen eskaintzen ditu eta jakinarazi duten moduan, zentroak sortzen duen enplegu zuzen bakoitzeko eskualdean beste bi lanpostu eragiten ditu; izan be, «bertoko hornitzaileekin lan egiten saiatzen gara», esan dute. Euskadiko Biodibertsitate Zentroko eskola programa didaktikoa %99an beteta egon zen iaz. Aurkeztu dituzten datuen arabera, 2011n 27.000 ume baino gehiago hartu zituen zentroak, 170 [...]