‘Ez ginen atzera egiteko jaio. Faxismoaren aurka, feminismoa’ lelopean kaleak hartzeko deia egin du Euskal Herriko Mugimendu Feministak. Busturialdeko txoko guztietan ere aldarriz beteko dituzte kaleak.

Photoka Sariak banatu dituzte, eta lehiaketara aurkeztutako hainbat argazkirekin osatutako erakusketa ikusgai dago Gernika-Lumoko Kultur Etxean.


Iragan domekan, Busturialdeko soka tira ligako azkenengo jardunaldia lehiatu zuten Muruetan. Azkenengo jardunaldia, zein sailkapen nagusia, Muruetako taldeak irabazi ditu. Muruetako azken jardunaldian, Forua bigarrena izan zen, Kortezubi hirugarrena izan zen eta Busturia laugarrena izan zen. Jabier Ondarza Muruetako alkatea pozik azaldu da, “giro ederra” izan zelako Muruetan. Dioenez, “nork irabazten duen baino, garrantzitsuagoa da taldeen arteko adiskidetasuna eta zentzu horretan oso pozik gaude”. Ondarzak jakinarazi duenez, etokizunean txapelketa antolatzen jarraitzeko gogoa dute, baina “taldeekin bildu” behar dute zerbait erabaki baino lehenago. Soka tira talde bat mantetzeak “konpromiso handia” eskatzen duela dio alkateak eta oraindik ez dakite zer gertatuko den. “Talderik ez badago, ezin dugu ezer egin” dio. Ondarzak, taldekideen konpromesua goraipatu du eta “eskerrak eman” nahi izan dizkie parte hartu duten guztiei. Lau jardunaldiko txapelketa Busturialdeko soka tira txapelketak lau jardunaldi izan ditu. Muruetakoa, Forua, Kortezubikoa eta Busturiakoa.Talde bakoitzaren herrian jokatu dute jardunaldi bat. Ondarzak jakinarazi duenez, “hasieran Mendatako taldea zegoen, baina arazo ezberdinak tartean, taldea utzi zuten”. Era berean, Errigoiti be, taldea egitekotan izan zela jakinarazi du. Muruetako alkatearen hitzetan, “orain 20 bat urte, bazegoen antzeko txapelketa bat eta berreskuratzea erabaki dugu”. Herri txikiei bizitasuna emateko modu bat dela argudiatzen du. Txapelketako sailkapena Murueta: 16 puntu Forua: 13 [...]

Bermeoko Udaleko osoko bilkurak 2011. urteko aurrekontuak onartu ditu Eusko Alkartasunaren (EA) aurkako botoekin.


Txerriki eguna moduan hasi zena Euskal Jaia bihurtu da. Horrela definitu du Muruetako alkate Jabier Ondarzak domekan egingo duten festa. Aurten jaialdi hori antolatzen duten zortzigarren urtea dela gogorarazi du, baina hasi zenetik egunera arte aldaketa ugari izan dituela azaldu du. Txerriki dastaketaz eta azokaz gain, euskal jaia osatuko lukeen beste zenbait jarduera antolatu dituzte, sokatira txapelketa eta euskal kantu tradizionalaren errezitaldia, esaterako. Txerriki dastaketarekin hasi «Herriko nortasuna eman gura izan diogu egunari. Horregatik, herriko produktuak be lekua dute azokan». 11:00etan emango diote hasiera azokari eta txerri dastaketa batekin izango da, hain zuzen ere. Ohi legez, hainbat produktu aurkitu ahalko dira azokan. Baserriko produkzioaz gain, artisautzak be lekua izango du. 11:30ean, Urdaibai dantza taldeko gazteen ikuskizuna izango da. 12:00etan, berriz, euskal kantuen errezitaldian parte hartuko duten taldeen txanda izango da. Eskualdeko zazpi talde izango dira, hain zuzen be: Kankinkabara (Bermeo), Erroxape (Bermeo). Arbolape (Gernika-Lumo), Antoliñape (Gautegiz Arteaga), Foruko Abesbatza, Arratzuko Abesbatza eta Gazte Alai (Murueta). Taldeen kantaldien bitartean jokatuko da, hain zuzen, Busturialdeko herri arteko sokatira txapelketa. Izan ere, Muruetako Euskal Jaiko proba horretatik aterako da aurtengo txapelduna, bertan baita azken proba. Kortezubi, Forua, Busturia eta Murueta izango dira lehian. Ondoren, 15:00etan, denak bilduko dira Kamiñoko jatetxean elkarrekin bazkaltzeko, 300 [...]

Gernika-Lumoko ikastetxeetako ikasleek egindako marrazkien sari banaketa bihar egingo du ASINSOCek. Abenduaren 3a urritasunen bat dutenen eskubideen aldeko nazioarteko eguna dela eta, kanpaina bat jarri zuen martxan elbarriak gizarteratzeko elkarte horrek. Ikastetxeetan hitzaldiak eman ostean, “gu zelan ikusten gaituen eta guretzako herrian zer-nolako arazoak ikusten zituzten irudikatzeko eskatu genien ikasleei, ASINSOCeko presidente Juan Ignacio Intxaustik azaldu duenez. Zortzirehun ikaslek baino gehiagok parte hartu zuten marrazkiak egiten, eta 723 umeren irudiak sartu dira lehiaketan. Horietatik 36 izan dira erakusgai Elai-Alai aretoan, ikusleen botoak jasotzeko: Lehen Hezkuntzako lehenengo eta bigarren mailako hiru marrazki; Lehen Hezkuntzako hirugarren eta laugarren mailako bederatzi; Lehen Hezkuntzako bosgarren eta seigarren mailako hamabi; Derrigorrezko Bigarren Hezkuntzako lehenengo eta bigarren mailako bederatzi eta Derrigorrezko Bigarren Hezkuntzako hirugarren eta laugarren mailako hiru marrazki. Kategoria bakoitzeko hiru lan sarituko dituzte bihar Elai-Alai aretoan egingo duten ekitaldian, eta 90 euroko, 60 euroko zein 30 euroko bonoak emango dituzte, herriko dendetan gastatzeko. Ostean, manifestazioa Gernika-Lumoko Jose Mari Gorroño, Jesus Mari Alberdi alkateordea, Ekain Ormaetxea Kultura zinegotzia, Iñaki Gorroño Gazteria arloko zinegotzia, Busturialdeko Gizarte Zerbitzuetako Mankomunitateko presidente Pedro Maria Sainz eta Bizkaiko Foru Aldundiko Gizarte Ekintzako diputatu Juan Maria Aburto gonbidatu dituzte biharko ekitaldira, besteak beste. Ekitaldiaren eta sari banaketaren ostean manifestazioa egingo dute [...]

Sollube 707 Mendizale Taldeak, urtero legez, Belena ipiniko du Burgoan. Horretarako, irteera antolatu du domekarako. Iaz, Bermeoko mendizale taldeak Burgoan ipinitako Belena apurtuta aurkitu zuen, baita bertan dagoen buzoia be. Hori dela eta, buzoi...

Gazte Informazio Zerbitzuak The Cabriolets, Bide Ertzean eta We are standard musika taldeek Kafe Antzokian eskainiko dituzten kontzertuetarako sarrerak zozkatuko ditu. Kontzertu bakoitzarako lau sarrera dituzte. Horretarako, Facebook edo Tuenti sare so...

Gautegiz Arteagako Hits musika taldea, Banden Lehia txapelketako finalean dago. Arteagatarrak, epaimahaiak aukeratuta iritsi dira finalera eta bihar lehenengo saria etxera eramateko ahalegina egingo dute Bilboko Kafe Antzokiko taula gainean, 21:30tik aurrera.

Bermeoko Udalak Uematik ateratzea erabaki zuenean Uemaren aldeko lan taldea sortu zuten euskalgintzarekin lotuta dauden zenbait herritarrek. Sinadurak batzen ibili dira eta 526 sinadura bildu dituzte eta 19 atxikimendu. Bildutako sinadurak eta atxikime...

Ibarrangeluko San Andres eliza Bizkaiko Ondare Historiko izendatu zuten 2006. urtean. Elizaren berezitasuna eraikinaren egurrezko ganga landua da, Euskal Herrian material horrekin egindako ganga bakarrenetarikoa dena. Antzina, Euskal Herriko itsasgizon...