Kostaren eta Itsasoaren Espainiako Zuzendaritza Nagusiak 30 uteko kontzesioa onartu dio Murueta Ontziolari, baina legezkotasuna "egiaztatu barik" dituzten lur orubeak eta handitzeak "handik kanpo" utzi ditu. Ebazpenak itsas-lehorreko jabari publikoa berreskuratzeko prozedurak berriz aktibatzea eskatzen du, baina arriskuan jartzen du alboko lurretan palafitoa eraikitzeko proiektuaren bideragarritasuna.


XVIII San Isidro Sari Nagusia jokatu dute asteburuan

Koalizioa "pertsonekin arduratzen diren pertsonen eredua" dela esan zuen atzo Rementeriak

Domekan, Mendatako hamabostgarren azoka izango da Eleizalde auzoan. Urtero bezala, euskal oiloek bereganatuko dute arreta, baina mota guztietako produktuak dastatzeko eta erosteko aukera izango dute gerturatzen direnak. Azokan 36 salmenta postu jarriko dituzte, eta «giro ederra» izango da goiz guztian zehar. Euskal oiloen erakusketan, Ander Mallea, Iñigo Undabarrena eta Esteban Legarra mendatarrek hazitako oiloak izango dira protagonista. Urteak daramatzate euskal oiloak hazten, eta bertako arrazak ezagutzeko aukera paregabea eskainiko dute. Salmenta postuak 10:00ak aldera zabalduko dituzte eta 15:00ak aldera zarratuko dituzte. Postu horietan ortuariak, txakolina, gazta, ogia, pastela, patea, eztia… bezalako pruduktuak erosteko aukera emongo dute inguruko ekoizleek. Bestalde, artisauen zenbait salmenta postu izango direla jakinarazi dute antolatzaileek. Herri kirol zaleek be, aukera paregabea izango dute Mendatan. 12:30ean Iturbe Anaien (Paresi) idien eta Anaitz Aurtenetxeren (Mendata) idien arteko lehia hasiko da probalekuan. 2000 kiloko herriko harriagaz izango da norgehiagoka. Azoka guztietan bezala, taloa dastatzeko aukera be, ez da faltako. Goiz guztian zehar, taloak egiten ibiliko dira salmenta postu baten. Janariagaz amaitzeko, bestalde, txarri errearen okela dastatzeko aukera izango dute Mendatara doazenek. Amaitzeko, umeek be, ondo pasatzeko aukera izango dute. Alde batetik, umeentzako tailerrak berritasuna izango dira. Alluitz Natura taldeak antolatuta, euskal kultura eta ohiturak ezagutzeko aukera izango dute umeek. Goizean [...]

Kirola ez da albo batera geratuko Bermeoko Andra Mari eta Santa Eufemia jaietan, asko baitira aurtengorako egitarauan aurki daitezkeen kirol jarduerak, tartean umeei eta gazteei zuzendutako akuatloia. Irailaren 10ean izango da Aritzatxu Triatloi taldea...

Lau urteko atsedenaldiaren ondoren, Bermeoko Udalera bueltatu da Aingeru Astui. Kultura zinegotzi den heinean, jaien ardura dauka bermeotarrak. Lehen be Kultura zinegotzi izandakoa zara. Beraz, badaukazu esperientzia jaien antolakuntzan. Bai. Dena den, kontuan izan behar da jai batzordeak antolatzen dituela jaiak. Edonor joan daiteke jai batzordera, irekia baita. Urtean lau-bost aldiz batzartzen dira, andramariak ez ezik beste jai guztiak antolatzen baitituzte. Aurten ba al dago nobedaderik? Kirol arloko jardueraren bat gehitu dugu egitaraura. Batetik, goitibehera jaitsiera egongo da, Almikatik behera. Sukalki egunean izango da. Beste egun batean jartzeko ahaleginak egin genituen, baina ezinezkoa izan da. Bestetik, akuatloia izango da, umeei zuzenduta. Zehazki, 8 urtetik 14ra artekoek parte hartu ahal izango dute eta portuan izango da. Aurten txosnak Kofradia zaharraren aurrean beharrean Lamerako moilan egongo direla da beste barritasun bat. Txosna jartzeko asmoa izan duten talde guztiak bertara eroateko ahalegina egin dugu. Orain arte han kokatzen ziren postuak barraken gunean egongo dira, portuan. Zein izan da txosnak hor jartzearen arrazoia? Jai esparruaren barruan jarri gura izan ditugu. Bestetik, baliabideak optimizatzeko modu bat be bada; agertokia, esaterako. Txosnak hor jartzearen ondorioz, errepidea itxi egingo da zenbait egunetan eta zenbait ordutan. Jai esparruak betikoak al dira? Bai. Lamera, portua, Erreten Lamera, Gonzalo Nardiz [...]



20:30ean hasiko da bihar Bermeoko Gorefest jaialdia. Ordu horretan film laburren emonaldia egingo dute eta, ostean, 700 erdimetraiaren aurkezpena. Death Is Just The Beginning Zinemaratoia hasiko da ondoren. Nestor Basterretxea aretoan izango da Gorefes...

Gernika-Lumoko saneamendu sarea eskualdekoagaz batzeko obrak amaitzeko deialdi publikoa deitu du Busturialdeko Ur Partzuergoak. Hala, Gernika-Lumoko araztegia Lamiarangoagaz (Bermeo) lotzeko azken lanak egingo dituzte. Gernika-Lumoko araztegia, horrela...

Madalen egun ate joka dagoela eta, ohiko bilera egin zuten Bermeoko, Mundakako, Elantxobeko, Ibarrangeluko udalek, Gurutze Gorriak, Ertzaintzak, Portu Zuzendaritzak, Larrialdi Zerbitzuak, Babes Zibilak eta Itsas Kapitaintzak, segurtasun neurriak ezartze aldera. Elantxoben batutakoek datozen urteetara begira segurtasun araudi espezifiko bat egitearen alde egin zuten, aurtengorako be zenbait neurri ezarriz. Hala, besteak beste, portura sarbidea izango duten ontzien kopurua mugatuko dute hilaren 22an, istripuak saihestekotan. Jarduera protokoloa ezarri gura du Udalak araudi espezifikoaren bitartez. Horrez gain, balizko istripu larri baten aurrean erantzukizun partekatuaren alde agertu da. 1996an gazte bat portutik jausterakoan tetraplegiko geratu zela gogora ekarriz, horrelakorik errepikatzerik ez dutela gura esan du Elantxobeko alkate Koldo Olagibelek. «Egin dezagun amankomuneko aseguru bat eta erantzukizunak partekatzeko araudi espezifiko bat». Elantxobeko Udalaren egoera ekonomikoa ez dela ona nabarmendu du Olagibelek eta, horrenbestez, zailtasunak dituela segurtasun neurri espezifikoak ezartzeko eta balizko istripu larriei aurre egiteko. Aurten, bestalde, portutik kanpo egingo dute makilaren ekitaldi sinbolikoa. Ohiturari jarraituz, portura heltzean emon ohi dio Elantxobeko alkateak aginte makila Bermeokoari, baina aurten ez da portua izango horren lekuko. Idurre Bidegurenek, hortaz, portutik kanpo hartuko du makila Koldo Olagibelen eskuetatik. Segurtasun neurriak Bestalde, aurten be ibilgailuen sarbidea mugatuko du Ertzaintzak. Zehazki, Ibarrangelun egongo dira ertzainak kreditaziorik ez dutenei sarbidea [...]

Eneko Gogeaskoetxea busturiarra atxilotu dute Guardia Zibilak eta Londresko poliziak, elkarlanean burututako operazioan. Hain zuzen, Cambridge (Ingalaterraa) herrian atzeman dute, etxetik ateratzen zela. ETA erakunde armatuko kide izatea leporatzen diote Gogeaskoetxeari, eta Espainiako Audientzia Nazionaleko epaile Ismael Morenoren aginduz egin dute polizia operazioa, 5/98 sumarioan oinarrituta. Sumario horretan 1997. urtean Bilboko Guggenheim museoaren inaugurazioan Espainiako erregearen kontrako atentatu saiakeran parte hartu izana leporatzen diote; baita ekintza Jose Mari Agirre ertzainaren hilketa be, egun horretan. Operazio horretan atxilotu zuten Kepa Arronategi gernikarra. Polizia iturrien arabera, Eneko eta Ibon Gogeaskoetxea anaiek alde egitea lortu zuten. Hamabi bilaketa-agindu Espainiako Barne Ministerioak zabaldu duenez, guztira, bederatzi sumario eta hamabi bilaketa-agindu ditu Gogeaskoetxeak Espainiako Audientzia Nazionalean. Guztiak, gainera, terrorismo delituengatik direla jakinarazi du Espainiak. Horiek guztiak direla eta, Gogeaskoetxea espainiaratu dezatela eskatuko dutela argitu du Barne Ministerioak. Frantzian, barriz, birritan epaitu dute Gogeaskoetxea. 2006ko ekainean hiru urteko kartzela zigorra ezarri zioten, gaizkieleen elkarteko kide izatea leporatuta; 2011ko maiatzean, barriz, beste hiru urteko zigorra agindu du Frantziak haren kontra, 2006an desegindako ETAren egitura bateko kide izateagatik. Egoera betikotu gura Amnistiaren Aldeko Mugimenduak (AAM) atxiloketa hori salatu eta elkartasuna eta babesa helarazi die Gogeaskoetxearen senideei. Mugimendu horren arabera, Espainia eta Frantzia ez daude eroso Euskal Herrian abiatu [...]