
Eusko Label Winter Serieseko B multzoak ezustekoa izan zuen atzoko jardunaldian. Matematikoki hurrengo faserako sailkatuta dauden Urreisti eta Lopezek lehen postuan egonkortzeko aukera izan zuten, baina Urrutiak ta Del Riok agiñak erakutsi, eta ezustekoa eman zuten, hiru setetan nagusituz.

Gernika-Lumoko Sarek "pozgarritzat" hartu du Jabier Abaunza preso gernika-lumotarraren Lannemezandik Martutenerako lekualdatzea, baina "euskal presoen auzia konpontzeko" eta elkarbizitzarako urratsak "oraindik egiteko" daudela gogoratu du. Biharko [abenduak 16], elkarretaratzea deitu dute, 19:00retan, Merkurion.

Duela hogei urte, Busturialdeko herrietako eguneroko errealitatea euskaraz kontatzeko ametsak forma hartu zuen: Busturialdeko Hitza errealitate bihurtu zuten euskaltzaleek. Herrigintzatik sortu zen, eta komunitatearen babesari esker hazi da, Busturialdeko Hitza eskualdeko ahotsa bihurtuz, hurbileko informazioa eskuz esku zabalduz. Urteurren biribilak atzera begiratzeko ez ezik, egindako bidea aldarrikatzeko eta etorkizunari begira erronkak mahai gainean jartzeko balio izan du.

Iragan astean Gernika-Lumon erasotua izan zen emakumeari babesa helarazteko mobilizazioa deitu zuen atzo [abenduak 12] Busturialdeko Itaiak. Hartzen diren neurriak "indarkeria matxistarekin bere osotasunean amaitzetik urrun" daudela salatu dute.

Erregimen frankistak Gernika-Lumon eginiko "zitalkeria guztiak" salatzen dituen kereila kriminalaren egoera eguneratua azaldu dute gaur [abenduak 12]. Kasua zertan den argitu du prozesua lantzen ari den talde juridikoak, baita prozeduraren erronkak zeintzuk lirakeen nabarmendu ere.

Jose Ramon Zulaika Bermeoko bizilagunaren ‘Zulaika’ erakusketa domekara bitartean egongo da ikusgai, Nestor Basterretxea aretoan.

Lointek Gernika Bizkaiak 62-43 irabazi zion atzo [abenduak 11] Hungariako Pecs taldeari Eurokopako final-hamaseirenetako joaneko partidan, Malosten.

Astra Txikik "hasieratik izan duen presentzia handia" ospatuko dute domekan, Astratxiki egunez. "Egitarau potentea" nahi zuten, eta horrela antolatu dute, goizean hasi eta iluntzera arte.

Mundaka Lagunkoia ekimen sozialaren lehenengo diagnostikoa argitara eman dute. Herritarren eta bereziki 65 urtetik gorakoen bizi kalitatea hobetzea helburu du. Aire zabaleko espazioen kudeaketa da herritarrek nabarmendu duten kezka foku nagusia. Ekintza plana ekoiztea izango da prozesuaren hurrengo urratsa.

Atharratzen hasi eta Bilboraino martxoaren 19tik 29ra bitartean egingo den Korrikari soinua eta irudia jarri diote. Pello Reparaz arduratu da musika eta letrak egiteaz, baita bideokliparen zuzendaritza ere, eta ondoan izan ditu Erramun Martikorena eta Maixux Zugarramurdi.

Ozeanoen Europako Ituna definitzeko Europako Batzordearen entzute-prozesuan parte hartu du Bermeo Tuna World Capital elkarteak, eta ituna garatu eta arrantza jasangarria "maila globalean" sustatzeko batzordearekin lankidetzan aritzeko prest daudela berretsi dute.

Lehenengo informazio bilerara 50 lagun inguru bertaratu ziren, eta hurrengo topaketak ere zehaztu dituzte: lehenengoa, martxoaren 12an.

Egizabalek 'Magma mia' umorezko bakarrizketa eskainiko du domekan [martxoak 2], 19:00etan, Eako Eskolondon.

'Amek ez dute eta Salve Maria: liburutik pantailara' jardunaldia antolatu du Bermeoko Mugimendu Feministak biharko [otsailak 28]: 18:00etan jarri dute hitzordua, Nestor Basterretxea aretoan.

Bermeoko Udalak jakinarazi duenez, Nardiz tar Jon kaleko lanek "gutxi gorabehera hiru hilabete" iraungo dute. Astelehenean hasiko dira lanokin, eta horiek iraunbitartean Intxausti kaleko trafikoaren noranzkoa aldatu egingo da.

Domekan [martxoak 2] egingo dute XII. Ibarruriko Mendi Martxa. 280 parte hartzaile inguruk aurretiaz izena eman dute, eta egunean bertan animatzeko aukera ere egongo da.

"Segurtasunean oinarritutako eta inpunitaterik gabeko kirolean" sinesten du Gernika-Lumoko EH Bilduk, eta atzo jakinarazitako Mario Lopezen kontrako epaiaren aurrean, taldea hasieratik biktimarekin egon dela gogoratu dute. Era berean, iazko urtarrilean Indarkeriaren Behatokian adostutako prozesua abian jartzea "premiazkoa" dela adierazi dute.

Pintaketengatik identifikatu dituzten adingabeez gain, Bermeoko Udaltzaingoak beste pertsona bat identifikatu du, "hiri-altzariak apurtzearen ustezko erantzule gisa". Bi kasuetan herritarren inplikazioa "funtsezkoa" izanda neurriak hartu ahal izateko.

Alkartasuna Fundazioak eta Eusko Alkartasunak, beste behin, Itsas Gudari Eguna antolatu dute. "Autogobernuari eta erabakitzeko eskubideari buruz eztabaitatzeko", 'Demokrazia. Erabakia. Subirotasuna' solasaldia jorratuko dute Kafe Antzokian.