Irria, alaitasuna, hizkuntza eta nortasuna ekartzera etorriko da Irrien Lagunak Kluba Gernika-Lumora. Hala esan du, behintzat, gaur goizean Porrotx pailazioak atzo Elai Alai areto txikian egindako aurkezpenean. Herriko txikitxoenek Pirritx, Porrotx, Marimotots eta gainontzekoekin solasean aritzeko aukera izango dute; dena den, irailaren 23ra arte itxaron beharko dute, orduan ospatuko baita Irrien Lagunak Klubaren II. Eguna Gernika-Lumon. Porrotx pailazoak aurkezpenean esan legez, «Klubak berak dituen bizkaitar jarraitzaile ugariak, bonbardaketaren 75. urteurrena, udalerriak berak dituen ezaugarriak eta gizarte, elkarte eta herri mugimenduek duten garrantzia kontuan hartuta» aukeratu dute Busturialdeko herria euskaraz eta modu hezitzailean herritarrak alaitzeko. 10:00etan hasi eta 18:00etara bitartean, herriko umeek ez dute aspertzeko betarik izango: izan be, Pasealekuan zein merkatu plazan hamaika puzgarri, tailer eta ikuskizun izango dituzte aukeran. Merkatu plazna, gainera, bazkari herrikoia antolatuko du Seber Altube ikastolak 1.000 lagunentzako. Bazkarirako tiketak merkatu plazan bertan salduko dituzte; halanda be, aurretiaz erosteko aukera egongo da Irrien Lagunak Klubak Facebook sare sozialean duen profilean, edota kudeaketa@irrienlagunak.com helbidera mezua bidalita. Sarrerak, lau eurotan Iaz Usurbilen egin ez bezala, ikuskizun eta zerbitzu guztiez gozatzeko sarrera erosi beharko du herritarrak lau eurotan; dena den, aurkezpenean jakinarazi dutenez, izango dira doaneko zenbait ikuskizun be. Familiako sarrera, bestalde, hamar euroren truke izango da salgai aipatu [...]
Dagoeneko lau urte igaro dira Gernika-Lumoko gazteek Pasealekuko eskolak okupatu zituztela, bertan gaztetxea sortzekotan. Urteurren hori ospatzeko, herriko gazteek aste osoko egitaraua antolatu dute. Atzo, esaterako, okupazioaren egun hori birgogoratu ...
Espainiako Auzitegi Gorenak Euskadiko Kirol Portuak (EKP) sozietate publikoa Bermeoko kirol portuaren erabiltzaileei sobera kobratutako dirua itzultzera zigortu izanak ondorioak eragin ditu Portu Zarraren kudeaketan. Eusko Jaurlaritzako Etxebizitza, Herri Lan eta Garraio Sailak baieztatu duenez, epaiaren ondoren EKP gestio horretatik alboratu dute, Portu Zuzendaritzak hartuz kudeaketa. 2006an hartu zuen EKPk Bermeoko portuaren gestioa, ingurua birgaitu eta Eusko Jaurlaritzak kirol portua sortu zuenean. Orduan, baina, Bizkaiko beste portuetako erabiltzaileek ordaintzen zutena baino %40 gehiago kobratzen zitzaiela kritikatu zuten Portu Zarreko erabiltzaileek. «Gainontzeko portuetako bazkideek jaurlaritzak zuzenean ezarritako prezioak ordaintzen zituzten, tasa publikoen legeak ezarritakoa». Bada, prezioak «gehiegizkoak» zirela iritzita, hainbat izan ziren Portu Zarreko erabiltzaileek ipinitako helegiteak. EKPk kobratzen zituen prezioen «legezkotasun eza» salatzeaz gain, sinatutako alokairurako kontratuak baliogabetzea eskatu zuen Portu Zarra elkarteak. Euskal Herriko Justizia Auzitegi Nagusiak arrazoia emon zion Portu Zarra elkarteari 2009an, EKPk igorritako likidazioak, sinatutako kontratuak eta fakturak eta ezarritako prezioak baliogabetzen zituen sententzia emanez. Epaiak jaurlaritza behartzen zuen zenbatekoa gehi interesak ordaintzera, baina, bere sozietate publikoaren diru sarrerak zirenak itzultzea ezin zaitzaiola eskatu argudiatuta, Espainiako Auzitegi Gorenera jo zuen. Epaiaren berrespena Euskal Herriko Justizia Auzitegi Nagusiaren sententzia hura berretsi egin du aurten Espainiako Auzitegi Gorenak. «Eraginkortasun edo bizkortasun handiagoa izango zutelakoan, Bermeoko kirol portua kudeatzeko [...]
Espainiako Auzitegi Nazionalaren jomugan dago Barrura begiratzeko leihoak filma, dokumentalaren kopia bat eskatu baitio Zinez ekoiztetxeari. Joan den astelehenean filmaren emanaldi pribatuak egin zituzten Donostiako Viktoria Eugenia antzokian, eta hori...
Gautegiz Arteagako Udalak 2012-2013 ikasturteari begirako ikastaroak antolatu ditu, eta horietan izena emoteko epea zabaldu du. Hain zuzen be, hilaren 27ra arte izango dute herritarrek ikastaroetan apuntatzeko aukera. Hala, interesatuak udaletxera jo b...
1725. urtean eraikitako Urtubiagako burdinola auzolanaren bitartez berreskuratu eta bistaratu ostean, arkeologia indusketei ekin diete Eako txoko horretan. Herrijeri Emon Arnasa kultur elkarteko kideen lanari esker, Eako Udalaren eta Bizkaiko Foru Aldundiaren babesagaz ari dira indusketak egiten. XVIII. mendeko aztarnekin aritu dira beharrean, eta etorkizun batean egin beharko dituzte ola zaharrekoak. Burdinolaren historia XVIII. mendeko dokumentu baten arabera, lehenago errota zegoen lekuan burdinola eraiki zuten. Burdinola horren jabeak Katalina del Puerto y Uribe (Eako portuko maiorazkoen jabea) eta honen gizona Juan de Arancibia (Lekeitioko mailegu-emailea) izan ziren. Josef de Larizolaeta ere agertzen da dokumentuan. «Katalinaren dokumentua deitzen diogu guk. Bera izan zelako lurren, errotaren eta maiorazkoen jabea. Hala ere, dokumentuetan zein liburuetan bere gizona baino ez da agertzen», diote Historia taldekoek. Urtubiaga izena omen zeukan burdinolak eta halan ezagutzen zen 1796. urtera arte. Beti ere dokumentuen arabera. Eako burdinola legez ezagutu izan da gerora. 1909ko dokumentu batean, ostera, Ola legez izendatzen dute. Hasiera batean jabe bat baino gehiago zituen Eako burdinolak, baina 1750. urtean jabe bakarra izan zuen: Ignazio Loperena lekeitiarra. Eako portutik 1763. urtean, adibidez, 240 kintal burdin atera ziren Bordelerantza. Bueltan, ostera, garia eta artoa ekartzen zuten itsasontziek. 1765. urtean Jose Ignazio Unzetaren esku geratu ziren errota [...]
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
