
Udalerri Euskaldunen Mankomunitateak hamazortzi eragilerekin batera aurkeztu du ‘Esnatu’ dinamika, eta eragileek konpromiso zehatzak hartu dituzte.

Apirilaren 23an, 11:00etatik 13:00etara bitartean lanuzteak egingo dituzte, eta maiatzaren 14rako eta ekainaren 4rako egun osoko greba egunak iragarri dituzte.

Busturialdeko Itaiak Gernika-Lumoko Merkurion deitu du elkarretaratzea gaur 19:00etarako [apirilak 13]. Gernika-Lumoko Sare Feministak deituta, berriz, bihar [apirilak 14] elkartuko dira, ordu eta leku berean.

Astelehenetik zapatura lehiatuko dute Itzulia Basque Country. Lea-Artibai, Mutriku eta Busturialdetik igaroko da tropela. Pello Bilbao, Txomin Juaristi eta Ander Okamika irteeran egongo dira. Zapatuan, Miguel Indurain Sari Nagusian berotuko dituzte motorrak.

Mobilizatzeko, jendartea aktibatzeko eta hitza hartzeko deia egin dute, Euskal Herria "ezin delako besoak gurutzaturik geratu".

Sestaoko uretan lehiatutako txapelketatik kimu mailako kategoria mistoko eta emakumezkoen zein gizonezkoen kadete mailako banderekin itzuli dira mundakarrak; Bermeok bigarren bukatu du gizonezkoen absolutu mailako proba.

Eguraldi nahasiak baldintzatuta lehiatu dute asteburuan III. Urdaibai Rallya. Potentzia, teknika eta estrategia uztartze aparta egin ondoren, Ivan Muñoz gernika-lumotarrak etxeko proba maisuki irabazi du, Gabino Martinezegaz batera.

Gazteak lehenengo lerrora ekarri nahi izan ditu 24. Korrikak, eta Euskal Herriko zazpi gaztek elkarrekin idatzi dute ekitaldetik mendebaldera Euskal Herria zeharkatu duen lekukoaren barruko maitasun eskutitzaren mezua.

Ez da berehalakoan ahaztuko Busturialdeak 24. Korrikari emandako babes kolosala. Bedaronatik San Pelaiora, herritarrek 'Euskara Direla' frogatu dute, eta beraien eskualdea euskararen arnasgune dela. 02:20ak aldera sartu da euskararen aldeko karabana erraldoia Busturialdera, eta 06:30ean agurtu dute herritarrek; 149 lekuko eroate egon dira aurtengoan.

Bihartik [martxoak 27] etzira [martxoak 28] lehiatuko dute Busturialdeko automobilismo proba nagusia. Gidari eta kopilotuek "ederto" erantzun diote lehiarako izen emateari. Lau tarte eta zortzi saio kronometratu izango dituzte aurten. Errepide mozketak egongo dira tarteetan. Montorre Herri Eskolan egin dute aurtengo agerraldia.

Herritarrek ekainaren 3ra bitartean parte hartu ahal izango dute plan estrategikoaren baitan kokatu duten bigarren fase horretan.

Maiatzaren 25ean amaituko da Mundakako ludoteka zerbitzu berrirako izena emateko epea. Ekainaren 5ean aurkeztuko dute zerbitzu berria, bilera informatibo batean.

Herritar Alternatibaren udal gobernua uzteko erabakiaren aurrean, Mundakako EH Bilduk esan du duela bi urte Mundakako herritarrek erabakitako "aldaketarekiko konpromisoari" eutsiko diotela.

Mundakako EAJk dio EH Bilduren eta Herritar Alternatibaren "arteko hika-mika eta ezengonkortasunen ondorioz sortutako giro txarraren ondorioak" ordainduko dituztela herritarrek.

San Isidro eguna ospatuko dute bihar (maiatzak 15) hainbat herritan.

San Pedro jaietako kartel lehiaketan parte hartzeko epea zabalik dago, hilaren 23ra bitartean. Antolatzaileek txapelketaren oinarriak plazaratu dituzte.

Domekan [maiatzak 4] egin dute Mendatan bertso idatzien lehiaketa.

Atzerrian bizi diren euskaldunek sortua eta atzerrian bizi diren euskaldunentzat pentsatua da Ardazka, eta literaturaren klasikoak eskaintzen ditu euskaraz.