
Belaunaldiz belaunaldi diaspora osatu duten euskaldunen testigantzak batu ditu Badihardugu Euskara Elkarteak, Euskal Diasporaren Ahotsak egitasmoa tarteko. 100 grabazio ordu baino gehiago bildu dituzte AEBn, euskal diasporako 106 pertsonen testigantzak jasoz, bost estatutan zehar. Diasporako Ahotsak webgunean jarriko dituzte aurten ikusgai.

Gaur hasi da euskararen aldeko lasterketa Atharratzen, eta Bilbon amaitu bitartean –hilaren 29an–, 'Euskara gara' lelopean, askotariko eragileak elkartuko ditu Korrikak. Lehenengo kilometroa Euskal Irratietako ordezkariek eroan dute. Martxoaren 26 goizaldean eskuz esku ibiliko da lekukoa Busturialdean.

Euskal Australiar Elkarteak Australiara joandako euskal herritarrak omentzeko urtero egiten duen 'Australianoen bazkaria' aprobetxatzea erabaki du: 1929 eta 1945 bitartean jaio eta bizirik daudenei errekonozimendua egingo diete.

Bermeoko, Mundakako eta Sukarrietako hamalau establezimenduk jaso dute udal ordezkarien aintzatespena, euskararen presentzia eta erabilera indartzeko erakutsitako konpromisoagatik.

Goizeko piketeekin hasi dute greba orokorra eskualdean, eta herrikako mobilizazio propioekin amaitu dute. Sindikatuen arabera, jarraipen «zabala» izan du greba deialdiak.

Sindikatuen arabera, Greba Orokorra "jarraipen zabala" izaten ari da. Grebalariak goizeko 05:00etan hasi dira piketeekin, eta arratsaldean herriz herri egongo diren mobilizazioekin emango diote amaiera egunari.

LAB, ELA, STEILAS, HIRU eta ETXALDE sindikatuek greba orokorra deitu dute martxoaren 17rako, "1.500 euroko gutxieneko soldata Euskal Herrian erabaki, soldatak hobetu eta aberastasunaren banaketa eskatzeko".

Palestinarrentzako Justizia Nazioarteko Zentroak (ICJP), Global 195 Koalizioko abokatu euskaldunekin batera, Gazako gerra krimenei buruzko salaketa bat aurkeztu du, delitu penalen Espainiako Fiskaltzan. Era berean, gerra krimenak ikerketa formal baten bidez aztertzea ere eskatu du.

Ekainaren 13an, Iruñea euskararen eta euskaltzaleen "bizi indarraren erakustaldi" izatea nahi dute. Euskalgintzaren Kontseiluaren kideen hitzetan, Pizkunderako behar diren baldintzen aldarrikapenerako gunea izango da; euskaltzaleok antolatzeko beste urrats bat, "euskaraz bizitzeko behar den dena eskuratzeko bultzada".

Aurten Markina-Xemeindik Ondarroara egingo dute udaleku ibiltaria. 2008 eta 2011 urteen artean jaiotako gazteek parte hartu ahalko dute, eta bi txanda edukiko dituzte aukeran: ekainaren 23tik uztailaren 1era eta uztailaren 3tik 11ra.

Domekan [urtarrilak 19] Allende Salazar ikastetxeko mendi taldeak BaSOS elkarteagaz batera osatu zuten baso landaketa.

Etxetik atera eta osasun-zentrora hurbiltzeko zailtasunak dituzten paziente zaurgarriei zuzendutako bideokontsultak egingo dira, Maite Martínez de Albéniz Asistentzia Sanitarioko zuzendariak Euskadi Irratian azaldu duenez

EHU AAn oinarritutako proiektu bat koordinatzen ari da, laguntza emozionala eta bezeroari laguntzeko elkarrizketa-sistemak garatuko dituena. Ekimen honetan bost unibertsitate eta hainbat enpresa dabiltza elkarlanean.

Ordizian lehiatu zen Euskadiko Kros txapelketa domekan [urtarrilak 12].

Gernika-Lumoko Sare Feministak elkarretaratzea deitu du martitzenean (urtarrilak 14), Bilboko epaitegi aurreran, Mario Lopez, Lointeken entrenatzaile ohiaren kontrako epaiketa egingo den heinean, "biktimari babesa" emateko.

Urtarrilaren 17an duela 88 urte "ofizialki" lehen aldiz altxatu zuten ikurrina Gernika-Lumoko Udalean. Egun horri "merezi duen aitortza" egiteko deia luzatu du Gernika Memoriaren Lekukok.

Janire Arrizabalaga bertsolari gernikarrak Ixone Asategigaz batera osatutako Team Rocket bikoteak finala lehiatu zuen, baina Iruri Altzerrekak eta Peru Irastortzak eurek baino puntu gehiago bildu zituzten.

Plangintzaren estrategiak zehaztu eta ekintzak identifikatzeko elkartuko dira bihar [azaroak 28], 18:00etan, udaletxean.

Urte honetan eraikitako Astelarrako zubira joan dira Muxikako Eskolako gazteak, batez ere, galbidean dauden animalia eta inguruko lurrekiko kontzientziazioa indartzeko asmoz.