Martxoaren 8a tarteko, mobilizazioz nahiz bestelako jarduerez jositako asteburua dago aurreikusita eskualdeetan. Euskal Herriko Mugimendu Feministak ipar eta hego euskal lurraldeetako hiriburuetan deitu ditu manifestazioak. Emakundek berdintasun guneak eremu guztietan "babesteko eta zabaltzeko beharra" azpimarratu du. Itaiak emakume langileen beharrentzako "proposamen iraultzaile" baten aldeko aldarrikapena egin du.
Busturialdeko 2.450 etxetan baino gehiagotan ke-detektagailuak jarriko ditu Bizkaiko Foru Aldundiak, Gizarte Zerbitzuen Mankomunitatearen, Busturialdeko Udalen eta Gurutze Gorriaren laguntzagaz. Kortezubin aurkeztu dute kanpaina, gaur, eta horren helburua adinekoak eta arrisku-egoeran dauden pertsonak babestea dela zehaztu dute.
Gernikako Greba Komiteak agerraldi jendetsua egingo du barikuan (martxoak 6), 19:30ean, Gernika-Lumoko Merkurion, baina, horrez gain, kotxe karabanak ere deitu dituzte: bihar (martxoak 4), 12:30ean aterako dira Gernika-Lumoko Astratik; 16:00etan, Busturiko presapeko aparkalekutik.
Lurgune euskaldunenerako lege babesa eta plan integrala bultzatuko ditu UEMAk, Lurralde Estrategia garatzeko bidean. "Euskara nagusi den lurralde eremua babestea, sendotzea eta hedatzea, horren bidez euskararen indarberritzea" helburu izanda arituko dira lanean.
Abiatu dute Errigoraren nafar helgoaldeko uztaren 'Eskutik Eskura' kanpaina, eta martxoaren 18ra egongo da martxan. Kontsumitzaleei hausnarketa eragiteko asmoz, 'Eragin saskiari!' ekimena egingo dute aurten.
Emakume langileen problematikak erdigunean ipini gura ditu Itaiak, "agenda instituzionaletik kanpo". Etzi [otsailak 27], ‘Emakume langileon askapenerako erronkak eta proposamena’ hitzaldia emango dute, 19:00etan, gaztetxean.
Aldundiak Kirolur erronka, Bizkaiko udalerrien arteko kirol liga, plazaratu du. Jarduera fisikoa sustatu asmoz, 39 udalerrik parte hartuko dute, desplazamendu aktiboa eskatzen duten kirol alorrak praktikatuz. Puntuazio sistema doitua izango du, urteko hiru alditan banatutako egutegiagaz.
Arabako, Bizkaiko eta Gipuzkoako eskola publikoetako jangeletako langileek greba egingo dute otsailaren 24, 25 eta 26an. "Soldata igoerak aplikatu eta ratioak, funtzioak eta lanaldiak hobetzeko" eskatu diote patronalari.
14 eta 17 urte arteko bizkaitarrei zuzendutako Señeak Bizkaia Rock Kanpusaren bigarren aldia egingo dute apirilaren 5etik 10era bitartean.
Euskaltzaleei martxoaren 9tik 15era bitartean erdaldundutako Euskal Herriko bide seinaleak ezabatzeko eta euskarari lehentasunezko lekua emateko deialdia egin du Euskal Herrian Euskarazek.
EH Bilduk jakinarazi du Trantsizio Ekologikoaren eta Erronka Demografikoaren Espainiako Ministerioak Guggenheim Urdaibaiko 40 milioiak ingurumen jasangarritasuneko proiektuetan inbertitzea aztertuko duela, alderdi abertzaleko ordezkaritza bat ministerio horretako ordezkariekin bildu ondoren.
1983az geroztik, Errigoitiren bihotzean kokatzen da Bizkaigane, eta tokiko produktuak eskaintzen jarduten du.
Urremendi Landa Garapen Elkarteak eta Bizkaiko Erlezainen Elkarteak antolatu duten hitzaldi zikloak Morgan, Ereñon, Gautegiz Arteagan, Ajangizen eta Sukarrietan egingo ditu geldialdiak, otsaila eta martxoa bitartean.
Barizeak kentzeko zientzian oinarrituta dagoen eta pazientea erdigunean jartzen duen metodoa ondu du Varitek-ek. Metodoaren azalpenak eman ditu Iñaki Prieto erradiologia baskular eta interbentzionistan espezializatutako medikuak.
20 herrialdetako 25.000 adingabe baino gehiagoren datuekin EU Kids Online Europako sareak egindako 'European children’s use and understanding of Generative AI' azterlanak AA haur eta nerabeen eguneroko bizitzan zelan txertatu den aztertu du. %23k eskolako jardueretarako idazlanak egiteko eskatzen dio AAri.
Busturialdea Gaztemundu Ateak Ireki ekimeneko harrera-lurralde izango da estreinakoz. Ekainaren 27tik uztailaren 19ra bitartean Australia, Argentina eta Uruguaitik etorritako euskal diasporako gazteak etxean hartzera animatu dituzte eskualdeko familiak.
Martxoaren 19an hasiko da Korrika Atharratzen, eta 29an amaituko da Bilbon.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
