
Martxoaren 8a tarteko, mobilizazioz nahiz bestelako jarduerez jositako asteburua dago aurreikusita eskualdeetan. Euskal Herriko Mugimendu Feministak ipar eta hego euskal lurraldeetako hiriburuetan deitu ditu manifestazioak. Emakundek berdintasun guneak eremu guztietan "babesteko eta zabaltzeko beharra" azpimarratu du. Itaiak emakume langileen beharrentzako "proposamen iraultzaile" baten aldeko aldarrikapena egin du.

Busturialdeko 2.450 etxetan baino gehiagotan ke-detektagailuak jarriko ditu Bizkaiko Foru Aldundiak, Gizarte Zerbitzuen Mankomunitatearen, Busturialdeko Udalen eta Gurutze Gorriaren laguntzagaz. Kortezubin aurkeztu dute kanpaina, gaur, eta horren helburua adinekoak eta arrisku-egoeran dauden pertsonak babestea dela zehaztu dute.

Gernikako Greba Komiteak agerraldi jendetsua egingo du barikuan (martxoak 6), 19:30ean, Gernika-Lumoko Merkurion, baina, horrez gain, kotxe karabanak ere deitu dituzte: bihar (martxoak 4), 12:30ean aterako dira Gernika-Lumoko Astratik; 16:00etan, Busturiko presapeko aparkalekutik.

Lurgune euskaldunenerako lege babesa eta plan integrala bultzatuko ditu UEMAk, Lurralde Estrategia garatzeko bidean. "Euskara nagusi den lurralde eremua babestea, sendotzea eta hedatzea, horren bidez euskararen indarberritzea" helburu izanda arituko dira lanean.

Abiatu dute Errigoraren nafar helgoaldeko uztaren 'Eskutik Eskura' kanpaina, eta martxoaren 18ra egongo da martxan. Kontsumitzaleei hausnarketa eragiteko asmoz, 'Eragin saskiari!' ekimena egingo dute aurten.

Emakume langileen problematikak erdigunean ipini gura ditu Itaiak, "agenda instituzionaletik kanpo". Etzi [otsailak 27], ‘Emakume langileon askapenerako erronkak eta proposamena’ hitzaldia emango dute, 19:00etan, gaztetxean.

Arabako, Bizkaiko eta Gipuzkoako eskola publikoetako jangeletako langileek greba egingo dute otsailaren 24, 25 eta 26an. "Soldata igoerak aplikatu eta ratioak, funtzioak eta lanaldiak hobetzeko" eskatu diote patronalari.

18 bertsolariz osatuko da Busturialdeko Bertsolari Txapelketa, eta bihar [otsailak 20] abiatuko dute, Belendizen. Martxoaren 14ean Astran lehiatuko duten finalaren aurretik, Belendizkoaz gain, beste bi kanporaketa saio egongo dira Muruetan eta Errigoitin.

Euskal Karabanaren 22. aldirako 2.815 kilo jaki, 31 kilo osasun-material eta elikagaiak erostera bideratuko diren 990 euro bildu dira Busturialdean. Besalde Elkartetik "oso oso pozik" agertu dira, kanpaina "bikain" atera delako.

ELA, LAB, Steilas, Hiru eta Etxalde sindikatuek gutxieneko soldata propioa aldarrikatzeko martxoaren 17rako [martitzena] deituta duten greba orokorreko batzordeetan parte hartzeko konpromisoa berretsi dute eragileek. Herritarrei mobilizazioetan parte hartzeko deia luzatu die.

67 pertsonak parte hartu zuten zapatuan [urriak 5], BBK Mendi Martxak Erronkaren bigarren aldian.

Bizkaiko Txapelketa hartuko du X. Dzanga Itsas Kayak Txapelketak, domekan [irailak 29]. 12:00etan ekingo diote Elantxobe eta Lekeitio arteko 13 kilometroko ibilbideari

Minutu eta erdiko bideoa da saria jaso duena, Turismo Urdaibairen Urdaibai Basque Reserve markakoa, "ekoturismoaren filosofiagaz erabat lerrokatuta" dagoena. Urremendiko ordezkariak saria jasotzeaz "pozik" agertu dira.

Elkarteko ordezkariak domekan [irailak 8] Oñatin izan ziren.

Fundazioak urtebete daroa Europako Joko eta Kirol Tradizionalen Europako erakundearen baitan, "aurrerapauso handiak" emanez. Eta, aurtengo ekitaldian, "ikusgarritasun nabarmena" izan du, bilerarako antolatutako harrijasotze eta trontza erakustaldiari esker.

Egun osoko jai egitaraua antolatu dute biharko [abuztuak 31].

Euskal Herriko paisaia ikusgarriak, agerian daudenak eta ezkutuan egon nahi dutenak bildu ditu Paul Etxebarrietak, Road Bidea proiektuan. Orrialde honetan zentzumenak pizten dituzten argazki horietako batzuk bildu ditu HITZAk.

Urdaibaiko Biosfera Erreserbaren bihotzean kokatutako BBK Klima parke esperientzialak, murgiltze esperientzia eta kanpo instalazio berriekin ireki ditu ateak, hirugarren urtez jarraian. Dibertimenduaren eta hezkuntzaren bidez, ohituren eraldaketa bultzatzea du asmo, krisi honi aurre egiteko.

Itsas Garapen Elkarteak ireki du arrantza sektorea dibertsifikatzeko eta ekonomia urdina bultzatzeko proiektuak aurkezteko epea. Ekintzaileek abuztuaren 2a arteko epea dute, beraien egitasmoak aurkezteko.