Muxikako Gazte Egunean emandako eraso sexista guztiak eta eraso arrazista gogor salatu zituzten atzo (ekainak 17) Muxikako Kurtzeroan. Ez dutela inolako erasorik onartuko argi adierazi zuten, eta datorren urtean Gazte Eguna ez antolatzeko erabakia hartu zuten.
Gure Kirolak Sustatzen programak Busturian egingo du geldialdia zapatuan [ekainak 21], erronka berezi bategaz: Ane Atxuegik Busturiko kopa jasotzeko ahalegina egingo du. Uztailaren 26an, berriz, Busturialdeko Harri Altxaile Txapelketa hartuko du udalerriak eta izen emotea zabalik dago.
Muxikako Urretxindorra Herri Eskolan jarri dute hitzordua, 18:00etan, Argi Baltza sariketaren bosgarren edizioa burutzeko. June Aiestaran, Maider Arregi, Aitor Bizkarra, Asier Galarza, Koldo Gezuraga eta Jon Gurrutxaga azpeitiarra izango dira oholtzan, txapela janzteko helburuz.
Informazio elementu guztietan euskara sartzeko eskaera egin diete ikasleek: "Arazoa konpontzeko modurik egokiena kartelak, liburuxkak eta dendako gainerako informazioa euskarara aldatzea litzateke".
Ekainaren 21ean lehiatuko dute, Ereñoko Gabika auzoan, XII. Ereño Enduro lasterketa. 100 parte hartzaile edo gehiago aurreikusten dituzte.
Hizkuntza Normalkuntza Proietkuko (HNP) partaideek antolatuta burutu dute gaur (ekainak 17) herriarteko mintzodromoa, Astran. Gai desberdinen inguruan ordu betez ikasleak euskaraz aritzea eta inguruko beste ikastxeetako errealitate linguistikoa ezagutu eta harremanak sendotzea izan da helburua.
Itaiak Gernika-Lumoko Merkurion jarri du hitzordua gaur 19:30ean, eta Erdu Gazte Taldeak, berriz, 20:30ean, Kurtzeron. Gernika-Lumoko sare feministak eta Muxikako Udalak bat egin dute Kurtzeroko deialdiagaz, eta herritarrei bertaratzeko deia egin diete.
Aurtengo elkartasun olatuaren helburua KBG sindromea duten ume, gazte eta horien familiei laguntzea eta euren egoera ikusaraztea zen, eta antolatzaileak jaialdiaren "lehen balorazio positiboa" egin dute. Bertaratutakoei zein boluntarioei euren ekarpen eta lana eskertu diete.
Ibarrangelutarrek Gorpuzti jaiak ospatuko dituzte hilaren 19tik 28ra bitartean.
Haur eta gazte literaturaren eta helduen literaturaren arteko muga lausoan kokatutako ‘Euri eta ateri’ lana ondu du Alaine Agirre idazle bermeotarrak, bere ibilbidean "mugarri bat" dena, bere berbetan. Neurodibergentea den pertsonaia bati buruz idatzi gura izan du, baina bere neurodibergentzian arreta jarri beharrean, pertsonaia hori gaixotzen duen sistema erretratatuz.
Ekainaren 21ean ospatuko da jaia; entrenamendu ireki batekin hasiko da, eta bazkari, bertso saio eta musika emanaldiak izango dira egun osoan.
Haur liburutegia aldi baterako kanpora atera du Gernika-Lumoko Kultur Etxeak, eta irailaren 19ra arte zerbitzua eskainiko du plazan, beste urte batez.
Kategoria bakoitzeko saridunek eta bigarren sailkatuek diplomak jaso zituzten atzo [ekainak 17] Nestor Basterretxea aretoan egindako ekitaldian.
Ohiko irakurleen txokoan zein txoko feministan izena eman gura dutenek ekainaren 30era arte [astelehena] dute horretarako aukera, Berhaz bulegoan edo Bermeoko Udalaren egoitza elektronikoan.
Hirugarren aldiz, SOMEk Aste Kulturala antolatu du, musika mota desberdina antzokietara, plazetara eta nagusien egoitzetara eramateko asmoz.
Ohitura eutsiz, San Antonio Eguna ospatzen ari dira Abiñan. Arratsaldean jarraituko du festak: apar festagaz eta gazteluekin gozatuko dute txikienek eta helduak, berriz, pintxo potean elkartuko dira.
Gernika-Lumoko Andra Mari eta San Roke jaietako kontzertuen kartela iragarri dute. "Denetariko musika" eta musika taldeen arteko "aniztasuna" bermatu gura izan dute.
Hogeita hamar bat elkartek jaso ahal izango dute Gernika-Lumoko Udalak bideratutako diru laguntza. Eskaerak aurkezteko epea irailaren 26ra arte zabalik izango dela gogoratu du udalak.
Eako Udalak udalaren eta herritarren arteko "komunikazioa hobetzeko eta lotura estutzeko" auzo batzarrak deitu ditu barikurako, zapaturako eta domekarako: Natxituan, Ean eta Bedaronan bilduko dira.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
