‘Ez ginen atzera egiteko jaio. Faxismoaren aurka, feminismoa’ lelopean kaleak hartzeko deia egin du Euskal Herriko Mugimendu Feministak. Busturialdeko txoko guztietan ere aldarriz beteko dituzte kaleak.


Artza frontoiak ohiko itxura aldatuko du domekan, borroka arteen saioei ateak zabalduz. Hammerland Cage izenburupean, kick boxing eta borroka arte mistoen saioak ikusteko aukera izango dute eskualdeko zaleek. Domekako jaialdian, gainera, Urtzi Bilbao bermeotarrari omenaldi xume bat egingo diote. Bilbaok hainbatetan parte hartu du borrokaldietan, eta asteburuan azken borrokaldi bat jokatuko du borroka arte mistoen kirola utzi aurretik. Bermeotarrak borroka arte mistoen azken saioan borrokatuko du. Bilbaoz gain, Ander Gimenez eta Jesus Quintana bermeotarrek be parte hartuko dute borroka jaialdian. Gimenez eta Quintana, baina, kick boxing kategorian borrokatuko dira. Guztira, zazpi borrokaldi Artza frontoira doazen zaleek zazpi borrokaldi ikusteko aukera izango dute: lau kick boxing kategorian eta hiru borroka arte mistoen kategorian. Kick boxing kategorian, gainera, emakumezkoen borrokaldi bat be egongo da. Borroka jaialdia 18:30ean hasiko da, eta Alex Sardui abeslariak aurkeztuko du ikuskizuna. Unbe Tabernan edo Kafe Antzokian eros daitezke sarrerak aldez aurretik, 18 eurotan.

Gautegiz Arteagako Udalak herriko tabernaren kudeaketa lehiaketa publikora ateratzea onartu du azken osoko bilkuran. Besteak beste, herrian lana sortzearen eta gizarte mugimendua biziberritzearen alde egin gura du Gautegiz Arteagako Udalak, eta, horreg...

Herriko gazteekin elkarlanean, Busturiko Udalak Gazte Plana garatu gura du. Horregatik, domekarako Gazte Foroa deitu dute. Bertan Busturiko gazteen egoeraz ariko dira besteren artean, «Busturiko egoera zehatza zein den haunartzeko eta alternatibaik eraikitzeko». Urremendi Landa Garapenerako Gazte Planaren baitan egon zen Busturiko Udala iaz arte, «handik ateratzea erabaki genuen Busturiko Gazte Plan propioa garatzeko asmoa genuelako. Busturiko gazteengandik sortua eta Busturiko gazteentzako, hain zuzen be. Gainera, hori egiteko asmoz gure programan jasota zegoen», azaldu du Miren Fatima Malaxetxebarria Busturiko alkateak. Gazte Plan hori eratzen joateko lehenengo Gazte Foroa deitu dute domekarako. 18:00etan ipini dute hitzordua Axpe auzoko Aingerubide Kultur Etxean. Etorkizunerako asmoak Gazteekin batzartuko direla azaldu du alkateak, «beraien beharrizanak zuzenean jasotzeko eta etorkizunera begira zein asmo dituzten jakiteko, besteak beste. Bertatik ateratakoarekin eta beraiekin batera eta hori da garrantzitsuena, batera egingo dugula, Busturiko Gazteentzako Plana diseinatuko dugu». Malaxetxebarriak jakinarazi duen moduan, iazko aurrekontuetan Gazte Plan hori diseinatzeko diru kantitate bat zuzendu zuten, halanda be, «oraindik ez da gauzatu». Herriko gazteak «oso aktiboak eta parte hartzaileak» direla nabarmendu du alkateak, «herrian egiten diren gauza guztietan laguntzen dute, gauza askorekin arduratzen dira baina zuzenean lan hori egiteko ez gara oraindik gelditu». Domekan egingo duten Gazte Foro horretatik agian ordezkaritzaren bat atera [...]

Astra sormen lantegiaren kanpoaldeko eraberritze lanak irailean amaitu zituzten beharginek, baina barrutik biluzik jarraitzen du arma lantegia izandakoa. Aurpegia marraztu du, eta janztea falta zaio orain. Egoeraz jabetuta, Astra Koordinadorako kideak martxan jarri dira, eta etzi hasiko dira eraikinari bizia emoten, auzolanaren bitartez. Bizikidetzarako Arkitektura Topaketen barruan, tailer bat emongo du Todo por la Praxis talde madrildarrak, eta bertoko herritarrekin elkarlanean eraikineko zenbait altzari egingo dituzte. Guztira, 30 pertsona inguruk parte hartuko dute tailerrean. Koordinadorako kideek azaldu dutenez, tailerrean parte hartzen dutenek “horma mugikorrak” egingo dituzte beheko solairuan, eta “eszenatoki txiki bat” goiko solairuan. Horma mugikorrak, esaterako, espazioa banatzeko eta gauzak gordetzeko erabiliko dituzte. Hain zuzen, bi zatiko bost horma mugikor egingo dituzte. Koordinadorakoen berbetan, Astra “eraikin bizi bat” izatea gura dute, eta horrenbestez, horma mugikorrak jartzea onuragarria izango dela deritzote.

Urriaren 10ean Bermeoko ‘Izurdia’ atunontzia erasotu zuten zazpi piratak Espainiako Auzitegi Nazionalaren esku utziko dituzte gaur gauean. Djiboutitik Madrila eroango dituzte, hain zuzen. ‘Izurdia’ ontziarn kontrako erasoa gelditzea lortu zuten segurtasun pribatuko agenteek, eta erasoaren barri emon zuten, inguruan zeuden gainontzeko ontziak ohartarazteko. Hala, NATOko ‘Hr Ms Rotterdam’ erasorako ontzi holandarrak piratak preso hartu zituen, eta Espainiako armadako ‘Castilla’ ontziaren esku utzi zituen. ‘Izurdia’ onatziaren jabe den enpresak Auzitegi Nazionalean jarritako demanda dela medio espainiaratuko dituzte ustezko erasotzaileak.

Kanpantxu auzoko lehenengo txarriboda herrikoia ari dira prestatzen ajangiztarrak azaroaren 17rako. Elkarrekin bazkaldu ondoren, mus txapelketa egingo dute Abi Alai Txokoan, eta izena aldez aurretik eman behar dela jakinarazi dute. 15:00etan elkartuko ...

Eako Udalak herriko mapa toponimikoaren erakusketa inauguratuko du barikuan, bizilagunei “herriko leku eta etxeen izenak jasotzeko eta berrikusteko egindako lan handiaren emaitza” erakutsi asmoz. Erakusketa zabaltzeagaz batera, herritarrek...

Gernika-Lumoko bizilagun batek, 4.700 gramoko perretxiko bat hartu zuen, herenegun. Perretxikoa ez da jangarria, baina ohikoak baino askoz tamaina handiagoa dauka. Gaur goizera arte, Leizar Tabernan egon da ikusgai, eta hara sartu diren bezeroak oso ha...

Bizkaiko Foru Aldundiak jakinarazi duenez, urriaren 30etik 31ra (martitzenetik eguaztenera) itxi egingo dute zenbait unetan BI-635 errepidea, noranzko bietan. Zornotzako Larrea auzoaren eta Muxikako Gorozika auzoaren artean zarratuko dute, hain zuzen b...