‘Ez ginen atzera egiteko jaio. Faxismoaren aurka, feminismoa’ lelopean kaleak hartzeko deia egin du Euskal Herriko Mugimendu Feministak. Busturialdeko txoko guztietan ere aldarriz beteko dituzte kaleak.


Erdu Gazte Taldeak antolatuta, Jon Maiaren Gazta zati bat dokumentala ikusteko bigarren aukera bat egon da Muxikan. Egun berean Gernika-Lumon be proiektatu zutela eta, Zubieta Errota udal liburutegian 32 lagun batu izana datu ona dela esan dute Erdukoe...

Iritsi da Gernika-Lumoko hitzordu garrantzitsuenetarikoa. Gaur milaka lagun hartu ditu herriak, urriko azken asteleheneko azokan. Baserri mundua kalera atera eta nekazal kutsua hartu du Gernika-Lumok, eta horren erantzule dira han eta hemen ipini dituzten 286 saltokiak. Eguraldiak lagunduta, jendetza batu da gaurko egunean. Sari banaketa hasi da, Aitzol Zubizarretak aurkeztuta. Bi sari geratu dira Busturialdean. Gazta onenaren saria Zeanurira joan da, Jon Etxebarriarena hautatu baitu epaimahaiak. Ordiziako azokan ere hark irabazi zuen. Iraileko azoka horretan gazta erdiaren truke 7.400 euro eman zituen Catalana Occidente aseguru etxeak. Gernika-Lumon, ordea, ez da zenbateko horretara heldu; Muruetako Kamiñoko jatetxeak erosi du, 5.700 euroren truke. Zabaletak (Muniain) irabazi du bigarren saria, eta gazta erdia 600 euroan erosi du Xabier Totorikaguena Xaibor-ek, Jose Antonio Bastegieta Markok gidatutako enkantean. Aurtengo saridunak: Ezti milalorea: Jabier Larrinaga (Kortezubi). Txilar eztia: Balentin Llona (Zornotza). Txakolin zuria: Jose Antonio Torre (Larrabetzu). Txakolin gorria: Jose Antonio Torre (Larrabetzu). Txakolin beltza: Zabala txakolina (Bakio). Gazta: 1. Jon Etxebarria (Zeanuri); 2. Zabaleta (Muniain); 3. Aizpea (Olaberria); 4. Aitor Unamuno (Aramaio). Barazkiak: Adela Andikoetxea (Urduliz) Frutak: Jose Etxebarria (Gatika). Lorak: Mari Carmen Alzibar (Gernika-Lumo). Giro ona dago kale batean zein bestean, eta asko dira erosketak egiten ari direnak, herritarrak zein kanpotik etorritakoak. Ciclista Gernikesa [...]

Plataforma Ruralek antolatuta, gaur hasi da Euskal Herriko eta Espainiako nekazarien topaketa. Antolatzaileek azaldu dutenez, 300 nekazari inguru batzea aurreikusten dute datozen egunetan, Gernika-Lumo nekazaritza eta elikadura burujabetzaren erdigunea bihurtuz. Zortzigarren eztabaida egunean “bizirik dagoen nekazal mundu baten alde” egingo dute parte hartzaileek, nekazaritzaren eta elikaduraren burujabetza defendatuz. Topaketa amaitu bitartean, eztabaidak egingo dituzte, eta bertoko nekazal ustiapenak bisitatuko dituzte. Plataforma Ruraletik diotenez, egungo nekazal eredu kapitalista azkenetan dago, eta aurten kapitalismoaren hileta ospatuko dute. Plataformako kideen ustez, etorkizun barri bat eraikitzeko aukera duen lehen belaunaldia dira eta, hortaz, batzera deitu dituzte elikadura burujabetza defendatzen duten guztiak. Gernika-Lumoko topaketan eredu neoliberaletik kanpo dauden egungo ekimen eta proiektu desberdinak ezagutaraziko dituzte. Plataformakoek diotenez, proiektu horiek ezagutzera emotea aberasgarria izango da, eta datozen bi urteetan ekimen amankomunak martxan jartzea erraztuko du. Nekazaritza burujabetzaren aldeko asteburua hilaren 28an amaituko da, ekitaldi kultural bategaz. Ekitaldi horretan, nekazal mundu bizi baten aldeko foroaren zortzigarren adierazpena irakurriko dute, eta haziak trukatuko dituzte. Amaitzeko, Amparo Sanchez abeslariak zenbait kanta joko ditu Gernika-Lumoko arbolaren ondoan.

Spookypheria Productions kultur elkarteak antolatzen duen Halloween Metal Fest jaialdiak bost urte beteko ditu aurton eta aurrekoetan baino «indar gehiagorekin» agertuko da beldurra eta metala uztartzen dituen jaialdia. Beste behin be, Amerikako Estatu Batuetan (AEB) hain famatua den Halloween jaia ospatzeko aukera izango dute bermeotarrek; hori bai, hiru egun beranduago. Izan be, aurtengo Halloween Metal Fest jaialdia azaroaren 3an egingo dute, aurrekoetan legez, Bermeoko Kafe Antzokian. 20:30ean ateak ireki Antolatzaileek jakinarazi legez, 20:30ean irekiko dituzte Kafe Antzokiko ateak, eta goizaldea ondo sartu arte festa giroa nagusituko da Antzokian. Lehenik eta behin, jaialdi horretan ohikoa bihurtu den moduan, musika bideo emonaldiekin hasiko dira, videojukebox-ekin, hain zuzen be: «Bideo horiek taldeko kideon lagunak diren zenbaitek aurkezten dituzte». Gutxi gorabehera hamabi musika bideo ikusteko aukera egongo dela zehaztu dute. Horiek amaitu ostean, barriz, «jendeak gustuko izaten dituen toma faltsuak ipiniko ditugu; hau da, aurkezpenak grabatzen ditugunean sortzen diren irudiekin sortutakoak». Hiru talderen kontzertuak Musika bideo emonaldien ostean, kontzertuen txanda izango da. Hiru izango dira, hain zuzen be, Antzokiko agertoki gainean izango diren taldeak. Lehenengoak Bullets of Misery gernikarrak izango dira. MetalCore edo DeathCore tankerako soinuak lantzen dituzte, euskaraz abestuta. Horiek, gainera, Eskuak odolez busti abestiaren bideokliparen aurkezpena egingo dutela jakinarazi dute. Taldeak grabatu [...]

Eusko Jaurlaritzak Euskadiren Eguna ospatu du gaur goizean, Lehendakaritzan. Ekitaldi instituzional hori Gernikako Arbolaren Gurutzea Jose Antonio Ardanza lehendakari ohiari emateko baliatu dute. Patxi Lopez jarduneko lehendakariaren eskutik jaso du Ar...

Ia dena dago prest Gernika-Lumoko hitzordu garrantzitsuenetarikorako. Astelehenean milaka lagun hartuko ditu herriak, urriko azken asteleheneko azoka entzutetsuan. Baserri mundua kalera atera eta nekazal kutsua hartuko du Gernika-Lumok, eta horren erantzule izango dira han eta hemen ipiniko dituzten 286 saltokiak. Ohiko kaleetan kokatuko dituzte saltoki guztiak, baina aurten izango da aldaketaren bat edo beste, Juan Calzada kaleko obren eraginez. Hala, kale hori bere osotasunean hartu izan ohi dute ortuariek, baina aurten makinaria ipiniko dute tarte batean, ortuarientzat ez bezala, horientzako ez delako etxolarik behar. Bada, desmuntaketarik egin behar ez izanak martitzenean kaleko obrekin jarraitu ahal izatea ahalbidetuko du, Iñaki Gorroño Eria arloko zinegotziak azaldu duenez. Aldaketa hori eginda, saltoki gehienak (68) Artekalen egongo direla azaldu du Gorroñok. San Juanen (60), Pasealekuan (54), Industria kalean (40), Juan Calzadan (31) eta 8 de Eneron (20) kokatuko dituzte gainontzekoak. Produktuei dagokienez, ordezkaritza zabalena gazta saltzaileena izango da, 65 ekoizle batuko baitira Gernika-Lumon. Artisautzak 54 saltoki edukiko ditu, ortuariek 43, txakolinak hogei, sagardoak sei, euskal pastelak eta ogiak hamabost, kontserbek hamalau, makinariak hamazazpi, eztiak bost, lorek bi eta erroskilek bederatzi. Esnekiak saltzen dituen postu bat be egongo da, eta bestelakoentzako hamahiru. Saltoki guzti-guztiak saltzailearen izen-abizenarekin, jatorriarekin eta produktuaren informazioarekin egongo dira identifikatuta. Bestalde, beti [...]

Jon Salsamendi (Orio; Gipuzkoa) Urdaibairen entrenatzaile barria izango da, bi aldeak akordio batera heldu ostean. Josu Zabalondo Urdaibairen presidenteak jakinarazi duenez, entrenatzaile eta arraunlari oriotarra atzo batu zen taldeko arduradunekin, eta urte beteko kontratua sinatu zuen. Presidentearen berbetan, “Salsamendi lanean hasteko gogotsu dago, eta dagoeneko, arraunlari gehienekin jarri da harremanetan”. Zabalondoren ustez, entrenatzaile barriak “esperientzia” emongo dio talderi. “Zazpi urte egin ditu Astilleron (Asturias), eta azken hiru urteetan, gainera, taldeko entrenatzailea be izan da”. Hala, fitxaketa ona egin dutela deritzo presidenteak. Azaroaren 15ean hasiko dute aurredenboraldia Urdaibaiko mutilek.

Aurki kaleratuko du Josu Bergara Eako kantautoreak bere hirugarren diskoa: Katiuska gorriak. Aurtongo martxoan hasi zen grabaketa lanekin Bergara, eta Durangoko azokan plazaratzeko asmoa du. Hamaika kantuz osatutako diskoa izango da hirugarren hori, ze...