Nkosinathi Ngubane hegoafrikarrak 'Ibaitik itsasora' umeentzako margotzeko liburua ondu du. Bertan palestinar herria jasaten ari den bidegabekeriaren dimentsioa ulertuko dute gazteenek, eta haren inguruan modu dibertigarrian sakonduko.
Motor klasikoen motokros lasterketa hartu ondoren, cross country mailako Euskadiko Txapelketa hartuko du Mendatak zapatu honetan [urriak 3]. 60 lagundik gora izena emanda daude 12:00etan hasiko den eta ordu bi inguruko iraupena edukiko duen lehiara.
Gernika Futbol Salaren lehen taldeak 7 eta 4 irabazi dio Usansolori ligako lehendabiziko jardunaldian. Zapatuan [urriak 3], Donapari KE-ren aurka neurtuko dituzte indarrak, 19:30ean hasita, bigarren liga saioan.
Xixili Festibala ez da aurreikusitako datetan ospatuko, "funtsezko hornitzaile bat" galdu baitute. Antolatzaileek esan dute dagoeneko beste data batzuk bilatzen ari direla, eta data berrien berri "ahalik eta lasterren" emango dutela.
Sindikatuak adierazi du eskualdean etxeko langileen lan eta bizi baldintza kaxkarrengatik jarritako salaketak "gero eta gehiago" direla. Lea-Artibai eta Busturialdean 32 kasu baino gehiago artatu dituela adierazi du LABek.
San Migel Eguna ospatu dute gaur [irailak 29] Bermeon, Ereñon eta Mendatan. Mezak, jan eta edanak eta musikak batu ditu han eta hemengo herritarrak.
Xabier Barandika gernika-lumotarrak eta Thibault Basque bidartarrak irabazi dute gizonezkoen Jai Alai Liga. Emakumezkoen finalak Ihart Arakistain sopeloztarraren eta Maia Goikoetxea berriatuarraren aldera jo du. Barandikak bere hirugarren liga lortu du jarraian; Goikoetxeak, ostera, bigarrena.
Irailaren 10ean argitaratutako ebazpenean Informazio Publikoaren Sarbiderako Euskal Batzordeak 10 eguneko epea eman zion udalari LAB sindikatuari eskatutako informazioa emateko, baina gaur gaurkoz ez dute erantzunik jaso. Sindikatuko ordezkariek "jarrera aldaketa" eskatu diote udalari "eta bereziki, Nerea Revuelta langileria arloko arduradunari".
Bermeoko Udalak Txibitxiaga eta Itxasbegi kaleen arteko igogailu berria inauguratu du gaur, auzoaren goialdera eta tarteko etxebizitzetara iristeko bidea errazteko asmoz. 941.997 euroko inbertsioa Eusko Jaurlaritzaren finantzaketarekin gauzatu dela nabarmendu dute.
Aixerrotape Zikloturista Elkartearen eskutik eta Gernika-Lumoko zein Busturialdeko eragileen laguntzaz, Bizikleta Aste "gogoangarriaz" gozatu dute herritarrek. Hilaren 19an, Muxikako Kurtzeron igo ziren bizikletara, eta atzora arte [irailak 27] ez dira jaitsi.
Proiektuan parte hartu duten 34 pertsonek prestakuntza, orientazioa eta sei hilabeteko lan-kontratua jaso dituzte. Mundaka, Bermeo eta Sukarrietako udaletako ordezkariek datorren urtean proiektuari jarraipena emateko asmoa dutela iragarri dute.
Torrealday Gernika Rugby Taldeak 24 eta 22 irabazi dio Real Ciencias Sevillari, Urbietan, ligako lehendabiziko jardunaldian. C.P. Les Abelles izango da basurdeen hurrengo arerioa.
2027ko udal egutegia sortzeko asmoz, 'Gure herria' gaiaren baitako hamabi argazki hoberenen bila dabil Gautegiz Arteagako Udala. Argazki lehiaketan parte hartu nahi dutenek azaroaren 23a baino lehen entregatu beharko dituzte argazkiak.
Domekan (urriak 4), Itsas Zaporeak jardunaldia hartuko du BBK Klima Abenturak, arrantza jasangarria eta tunidoen sektorea haurrengana hurbiltzeko helburuari segika. Esan dute 2026ko jarduera programazioari amaiera emango dion ekimena izango dela.
Herenegun [irailak 26] inauguratu zuen Gernika-Lumoko Udalak euritik babesteko 300 metro koadroko estalkia duen jolasgunea. Udalak 404.700 euro bideratu ditu proiektura..
Bermeoko Udalak abiatutako 'Nagusiak bizitasunez bizitzen' programaren baitan antolatu du Musika eskolak 65 urtetik gorako herritarrei zuzendutako 'Gu musiketan' tailerra.
Skate pista, ikasgela eta batzar-gela bat sortzea, gimnasio eremua handitzea, eta bizikletak konpontzeko gune bat ahalbidetzea izan dira Bermeoko Udalak Areneko Kiroldegian egindako lanetako batzuk. Kirol-ikasturte berria urrian hasiko dela jakinarazi dute, bide batez.
Gernika-Lumoko Turismo bulegoak "azken urteeetako erregistro onena" lortu du udan, iaz baino 5.105 bisitari gehiago artatuz.
Angel Txertudi izan da Nabarnizko 45. Zaldi Proba Txapelketaren garailea, proba nagusian 60 untza eginda. Kinttopekoa Rafa Alegriak poltsikoratu du, 57 untza, 5 metro eta 50 zentimetro lortuta.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
