Kostaren eta Itsasoaren Espainiako Zuzendaritza Nagusiak 30 uteko kontzesioa onartu dio Murueta Ontziolari, baina legezkotasuna "egiaztatu barik" dituzten lur orubeak eta handitzeak "handik kanpo" utzi ditu. Ebazpenak itsas-lehorreko jabari publikoa berreskuratzeko prozedurak berriz aktibatzea eskatzen du, baina arriskuan jartzen du alboko lurretan palafitoa eraikitzeko proiektuaren bideragarritasuna.


Haritz Laboa gernikarrak eta Valentina Ridolfi italiarrak osatutako bikoteak musika emanaldi berezia eskainiko du gaur Muxikan. Hain zuzen, 20:00etan elkartuko dira Muxikako gazte lokalean (Ugarte auzoa 18). Bi artisten jatorria ezagutzeko hitzordu par...

Makroepaiketa politikoekin amaitzeko eskatu dute

Urriko lehen zitarik garrantzitsuenetako bat dute gernikarrek zapatuan. Euskal Jaia ospatuko dute, beste urte batez. Dantzak, kantuak, herri kirolak, bazkaria... Gozatzeko eguna izango da.


Txirrindulari eskola prest da barriro martxan hasteko. Hamahiru urtetan desagertuta egon ondoren, orduan jubenilen kategorian ibilitako zenbait lagunek ipini dute barriro martxan. Ilusio handiarekin hasi direla dio Pedro Bilbao txirrindulari eskolako presidenteordeak. Zortzi pertsona dabiltza lanean, baina antzina federatutakoen «laguntza handia» be badute. «Talde polita gara gauzak ondo egiteko eta ilusio handiarekin hasi gara, gainera». Bermeoko Txirrindulari Taldeak sortu du eskola be. Orain arte Bermeoko ziklokrossak antolatzen ibili dira. Gainera, iaztik umeentzako ziklokrossa antolatzen ibili dira, eta aurton, txirrindu eguna be antolatu dute. Jarduera bi horiek mantendu gura dituzte, «egun seinalatuak izatea gurako genuke». Batez be umeei zuzendutako eskola Txirrindularitza gustoko duten herriko umeei dei egin gura die, eta parte hartzera animatzen dituzte. 4-5 urtetik eta 14 urtera bitarteko umeei oinarrizko prestakuntza emotea da Bermeoko txirrindulari eskolaren helburu nagusia. «14 urtetik aurrera Gernikako txirrindulari eskolara joango lirateke, horiek baitaude horretarako prestatuta. Guk ez daukagu kadeteetatik aurrera gazteak prestatzeko beharrezkoa den monitoretza maila», azaldu du Bilbaok. Zapaturo ibilalditxoak egingo ditu barriro martxan ipini den txirrindularitza eskolak. Lehenengo irteeraren data dagoeneko ipinita dute: ekainaren 2a. Zapaturo, 16:00etan ipiniko dute hitzordua Artike kalean dagoen hiltegian, bertan dute-eta lokala. Errotatatik gora eta behera ibiliko dira lehenengo egunean, taldeka joango dira, gainera. Derrigorrezkoa izango da, [...]

Arkupe Pilota Taldeak Bizkaiko herriarteko txapelketaren kanporaketa bat jokatuko du etzi. Hain zuzen, kanporaketaren bueltako jardunaldia jokatuko dute gernikarrek, 18:00etatik aurrera. Joaneko jardunaldian, bertokoak 3-0 nagusitu ziren kadeteen, gazt...

Urdaibai eskubaloi taldeak etzi jokatuko du Bizkaiko Kopako finala. Bertokoek denboraldi edarra egin dute, eta asteburuan irabaziz gero, gizonezkoen nagusiek denboraldiko bigarren titulua irabaziko lukete. Norgehiagoka 10:00etan hasiko da Leioako Gaztelueta ikastetxean, eta aurkaria Erandioko lehenengo taldea izango da. Erandiokoek hirugarren postuan amaitu dute Bizkaiko A mailako liga, eta horrenbestez, partida zaila izango da bertokoentzat. Halanda be, Urdaibaiko jokalariek A mailako taldeei irabazteko gai direla erakutsi dute dagoeneko, finalaurrekoan be Escolapios A mailako bigarren sailkatua kanporatu baitzuten. Taldetik jakinarazi dutenez, 08:00etan jokalarien autobusa urtengo da Leioarantz. Bermeoko Azokako geltokitik urtengo da, eta taldearen zaleek be autobus horretan joateko aukera izango dute.

Birziklatzearen nazioarteko egunean aurkeztu du Bermeoko Udalak Denon artean Bermeo garbi-garbi kanpaina. Kanpaina abiarazteko herriko elkarte desberdinen laguntza izan du Udalak. Herritarren inplikazioa, gainera, beharrezkoa dela aipatu dute herria garbi mantentzeko. Gaur goizean egin dute aurkezpena Gizarte eta Kultura etxean. Bertonek, Azokako Saltzaileen Elkarteak, Haitz Nagusijek, Herriko Ostalaritza establezimenduek, Itsuki irratiak, eskola agenda 21eko ordezkariek eta Turismo Aktiboko enpresek hartzen dute kanpainan parte, besteak beste. Idurre Bideguren Bermeoko alkateak parte hartzea eskertu gura izan die, haren iritziz «ezinbestekoa» delako herria guztion artean zaintzea. Kartelak eta triptikoak kanpainaren barri emoteko Herriko establezimendu guztietan kartelak ipiniko dituzte eta etxeetara triptikoak bidaliko dituztela jakinarazi dute. Horietan, edukiontzi desberdinen eta horietan bota behar diren hondakinei buruzko informazioa emoten da. Hondakinen kudeaketarako interesgarriak diren telefono zenbakiak be errazten dira. Triptikoak, gainera, herria garbi mantentzeko hainbat aholku eta eskaera jasotzen ditu. Juan Carlos Agirre zerbitzuetako zinegotziak azaldu duenez, triptikoetan sastarrak, ordutegia errespetatuz, poltsa zarratuetan dagozkien edukiontzietara botatzeko eskatzen diote herritarrei. «Herri altzariak zaintzea, paperontziak erabiltzea, zigarro-puntak eta txiklerik lurrera ez jaurtitzea, alfonbrarik ez jalgitzea eta landareak auzokoak molestatu barik ureztatzea gomendatuko da», adierazi du. Bestalde, katuei, usoei eta itsastxoriei jaten ez emotea, abereen kakak batzea eta hauek lotuta eroatea eskatzen dutela esan du Agirrek. Kanpainaren bitartez, [...]

Gaur egungo Errigoitiko Udaleko zinegotziekin bat egin eta Iñaki Madariaga Errigoitiko alkatearen jarrera salatuko dute gaur aurreko agintaldietako zinegotziek. Hain zuzen be, zinegotzi ohiek prentsaurrekoa emongo dute gaur, 18:00etan udaletxe aurre...

Herri kirol zaleek edarto pasatzeko aukera izan zuten atzo. San Isidro jaietako egitarauaren barruan, Muruetan idi proba saioa antolatu zuten, eta hainbat jende batu zen idien arteko lehia ikusten. Muruetara bertaratutakoek Kamiñoko Erretegiaren (Muru...

Sollube 707 Mendi Taldeak antolatzen duen eliz eta ermiten martxarako izen emote epea zabalik da jada. Parte hartu gura duen orok ekainaren 1a baino lehen emon beharko du izena www.zirkuitua.com webgunean. Aurtengoa taldeak antolatzen duen XIII. martxa...

Bizkaiko Bilduko ordezkariek Iñaki Madariaga Errigoitiko alkateak “dimisioa aurkeztu dezan” eskatu dute, iazko udal hauteskundeetako gertakarien arira. Bizkaiko Bilduko eta Errigoitiko Bilduko ordezkariek “barriro” salatu dute ...

Zapatuan emon zioten hasiera Kameratoia Euskal Herriko Ikus-entzunezkoen Rallyari Gernika-Lumon, zortzigarren urtez. Guztira, 40 gazte inguru parte hartzen ari dira aipatu lehiaketan, eta horiek Goitik behera gaitzat hartuta, etzira arte izango dute euren lanak aurkezteko aukera. Betibe, Gernika-Lumoko ezaugarriekin osatu beharko dituzte lanak; esaterako, Gernikako Arbola, Gernika Rugby Taldea, Astra… Gernika-Lumoko kultur etxeagaz batera antolatu du aurten Kameratoia Topagunea Euskara Elkarteen Federazioak. «Gazteen sormena eta ekoizpen artistikoa sustatzea eta gizarteratzea» du helburu lehiaketak. Horretarako, bideoak egiteko gaia eta islatu beharreko irudien zerrenda jaso zuten parte hartzaileek zapatuan, Gernika-Lumoko kultur etxean. Antolatzaileek azaldu dutenez, «lehiaketan izena emon dutenek bost eguneko epean, ikus-entzunezko lan baten gidoia idatzi, irudiak grabatu, edizio lanak burutu eta jendaurrean aurkeztu beharko dute»; betibe, antolakuntzak ezarritako gaiari eta ezaugarriei jarraiki. Hortaz, etzi izango dute parte hartzaileek lanak aurkezteko azken eguna; dena den, maiatzaren 26an jakinaraziko dituzte irabazleen izenak. Izan be, egun horretan, Kameratoiaren sari banaketa egingo dute Gernika-Lumoko Elai Alai aretoan 19:00etatik aurrera. Irabazleak nortzuk diren jakiteaz gain, lan guztiak ikusteko aukera egongo da egun horretan. Gogoratu behar da lehiaketako irabazleak 1.500 euro jasoko dituela; bigarrenak 1.200 euro eta hirugarrenak 900 euro. Halanda be, antolatzaileek jakinarazi dutenez, «saria jasoteko ezinbestekoa izango da maiatzaren 26ko ekitaldian parte hartzea». Artea [...]

Alkarregaz Gernika-Lumoko eta Busturialdeko ikastetxeetako guraso elkarteen elkarteak antolatutako sormen lehiaketak baditu saridunak. Hain zuzen be, Ekipo HH taldea, Nerea Martinez, Mallukiak taldea eta Irene Eiguren nagusitu dira aurtengo lehiaketan. Dena den, Malluki taldeak ez du saririk jaso; izan be, taldekideak ez ziren barikuan egindako sari banaketan agertu. Eman gabe geratu den sari horri dagozkion 380 euroak Gernika-Lumoko Munduko paisaiak: Sahara eskolan deritzon proiektuari emango dizkiola jakinarazi du Alkarregaz elkarteak. Sariak banatuta, agur esan diote Alkarregazeko kideek elkarteari; orain, proiektu barriekin datorren jendea agertzea espero dute. Etorkizunean gurasoen elkartea osatuko dutenei bidea eman gura die; «erreleboari ateak zabalik uztea», alegia. Izan be, beharrezkoa ikusten dute elkartearen berrikuntza; «hasitako lanari jarraipena eman eta komunitate gisa ditugun erronka berriei erantzungo dien talde berri bat» behar dela diote. LEHIAKETAKO SARIDUNAK 1- KATEGORIA 1. SARIA: Allende Salazar ikastetxeko 5. mailako ‘Mallukiak’ taldeak irabazi du lehen saria; hain zuzen be, Helena Gorroñok, Jessica Aguilarrek eta Eider Aberasturik irabazi dute, Alkarregaz lanari esker. Dena den, ez dute saririk jasoko, sari banaketan ez agertzearren. 2. SARIA: Mertzede ikastetxeko 6.mailako ikasle Irene Eigurenek ‘ Dortoka’ irabazi du lehen saria, Gutuna lanagaz. 100 euroko saia jaso du. 2- KATEGORIA 1. SARIA: Haur Hezkuntza Goi Mailako Heziketa Zikloko Ekipo HH [...]