
Urdaibaiko auzipetuek maiatzaren hirugarren astean zehar deklaratu beharko dute Gernika-Lumoko 2.epaitegian. Apirilaren 29an deklaratzekotan ziren arren, epaileak horretarako hitzordua atzeratu du. Jose Luis Korta Kaikuko entrenatzaileak Urdaibaikoak ...

Jose Antonio Arana Martija euskaltzain emeritua hil da bart, 80 urte zituela. Gernika-Lumon (Bizkaia) jaio zen Arana Martija 1931ko martxoaren 10ean, eta erbestea ezagutu zuen oso gaztetan, Espainiako Gerra garaian. Humanitateak eta Musika ikasi zituen Gasteizko apaizgaitegian, eta ondoren, Zuzenbidean eta Ekonomian lizentziatu zen. Bizimoduan aurrera egiteko hainbat enpresatan lan egin zuen, baina euskara, euskal kultura eta musika izan zituen egiazko bokazio, eta arlo horien sustatze eta ikerketan nabarmendu zen. Hizkuntzalaritza, historia eta folklorea izan zituen ikergai, eta bereziki, musika. Arana Martijaren obra ezagunenetakoa da 1976an argitaratutako Musica Vasca (Euskal Musika), hain justu, Euskal Herriko musikaren historiari buruzko bilduma osatu eta dokumentatu urrietakoa. Halaber, musika arloko pedagogiaz ere idatzi zuen. Gernikako Andra Mari abesbatza ezagunaren sortzailea izan zen. 1978an Euskaltzaindiko bibliotekario izendatu zuten, eta euskararen akademiaren liburutegiaz arduratu zen urte askoan. 1988an euskaltzain oso izendatu zuten. Euskaltzain emeritua zen 2006tik. Eusko Ikaskuntzako kide ere bazen -musika ataleko presidente aritu zen sasoi batean-, eta baita Euskalerriaren Adiskideen Elkartekoa ere. Arana Martijaren engaiamendua ez zen kultur arlora mugatu, eta politikan ere ibili zen: zinegotzi izan zen Gernikan eta batzarkide Bizkaiko Batzar Nagusietan. Aurretik, frankismoan, behin baino gehiagotan eduki zuten espetxean. Iazko abenduan Manuel Lekuona saria eman zion Eusko Ikaskuntzak, hain zuzen ere, euskal [...]

74 urte beteko dira Gernika bonbardatu zutenetik, eta urteurrena gogoan izango dute hilaren 26an, urtero legez. Gertaera hura, baina, «kultur ekintzen bitartez» gogoratuko dutela esan du Kultur Etxeko zuzendari Rikardo Abaunzak, urteurreneko ekitaldien aurkezpenean. «Kultur ekintzekin erantzun gura diogu bonbardaketari, herria bizirik dagoela erakusteko». Proiektu biziak sortuz, «aktibitatea sortuz», Gernika-Lumo «inoiz baaino biziago» dagoela esan du Abaunzak. Ildo beretik sortu zen aurten antzeztuko duten Gernika sutan herri antzezlana. «Asmo handiko proiektua» dela esan du kultur etxeko zuzendariak, «datorren urtean zerbait anbiziotsuagoa egiteko balio duena». Izan be, bonbardaketaren 75 urteurrena gogoratuko duten horretan kalera 4-5 orduko antzezlana ateratzeko asmoa dute, «pastoral antzeko zerbait, eta herritar gehiagoren parte-hartzeagaz». 150-200 gernikar inguru dira egunotan Gernika sutan antzezlanaren entseguetan parte hartzen ari direnak. Herritarrak protagonista diren kontakizunak 1937ko apirilaren 26an gertatutako bonbardaketak irudikatuko ditu, «baita bonben ondorioz herriak jasan zuen sute ikaragarria be». Hala, «egungo gernikarrok zorigaiztoko egun hartan hil zirenak omendu gura ditugu»; baita egiaren alde saiatu izan dirak be. Egitura musikala du antzezlanak. Herritarren ahoetan kantu bilakatuko diren testuak sortu dituzte, eta Santa Agedako zein Marijesietako doinuak ditu oinarri. Edorta Jimenezek egin ditu testuak, Jon Lopategiren eta Onintza Enbeitaren laguntzagaz. Xabier Amurizaren eta Joseba Sarrionaindiaren testuak be jaso dituzte antzezlanerako. APIRILAK 26. [...]

Dolariaga kaleko obrak amaitzeko, udal azokaren kanpoko aldeko zoladura aldatzen hasi da Bermeoko Udala. Zoladura kentzeko, inpermeabilizatzeko eta barria jartzeko 151.882,60 euroko aurrekontua dauka Udalak eta, jakinarazi duenez, bi hilabeteko epea ezarri dute obrak amaitzeko. Aldaketaren beharra ikusita, inprimatutako hormigoia jarriko dutela zehaztu dute Udaletik. Orain arte adokin «nahiko irregularrak» zeuden azokaren kanpoko aldean eta «hainbat kexa» jaso dituzte Udalean, askok egiten baitzuten estropozu. Bestalde, «inpermeabilizazioa nahiko kaltetuta» dagoenez, ura eta hezetasunak zeuden beheko solairuetan, garajeetan eta azokako postuen trastelekuetan. Esan bezala, obrak bi hilabeteren buruan amaitzea aurreikusten dute, beti be, eguraldia lagun izanez gero. «Kontuan izan behar da kaleko obrak eguraldiaren arabera luzatu edo laburtu daitezkeela». Dolariaga kaleko obrak amaitzeko, udal azokaren kanpoko aldeko zoladura aldatzen hasi da Bermeoko Udala. Zoladura kentzeko, inpermeabilizatzeko eta barria jartzeko 151.882,60 euroko aurrekontua dauka Udalak eta, jakinarazi duenez, bi hilabeteko epea ezarri dute obrak amaitzeko.Aldaketaren beharra ikusita, inprimatutako hormigoia jarriko dutela zehaztu dute Udaletik. Orain arte adokin «nahiko irregularrak» zeuden azokaren kanpoko aldean eta «hainbat kexa» jaso dituzte Udalean, askok egiten baitzuten estropozu. Bestalde, «inpermeabilizazioa nahiko kaltetuta» dagoenez, ura eta hezetasunak zeuden beheko solairuetan, garajeetan eta azokako postuen trastelekuetan.Esan bezala, obrak bi hilabeteren buruan amaitzea aurreikusten dute, beti be, eguraldia lagun izanez gero. [...]

RINDER enpresa taldeak otsailaren 18an Eusko Jaurlaritzan eskatutako Enplegu Erregulazio Espedientea (EEE) onartu eta sinatu dute LAb eta UGT sindikatuek, LAB sindikatuak jakinarazi duenez. «UGT lehenengo eta ELA gero, biak be adostasun batera heldu d...

Elantxobeko portura doan errepidearen zati bat apurtu egin zen joan den azaroan, denboralearen eraginez. Joan den astean amaitu zituzten errepidea konpontzeko lanak. Lan horiek bukatu artean, portura doan errepidea itxita izan dute herritarrek eta bisi...


Bermeoko Udalaren baitako Beruala elkartearen eta Ibarretas XXL promotore pribatuaren arteko desadostasunek aurrera darraite. Oraingoan, borroka judizial horren ondorioz zenbait lan geratu behar izan dituzte, joan den astean epaitegiak egoera ezberdina deskribatzen zuten autoak emon ondoren. Batetik, idazkari judizialak San Martin auzoko Babeseko Etxeetako lanak geratzea agindu zuen, hilaren 23ko autoan. Hain zuzen, eraikinaren beheko solairuko eta teilatuko lanak geratzea agintzen zuen autoak. Bestetik, ostera, epaitegi bereko epaileak beste bi auto idatzi zituen egun bi lehenago, idazkariarenak zioenari kontrajarriz. Izan be, epailearen autoaren arabera, ez dira auzi-jartzaile bezala onartu etxebizitza tasatuen erosleak, «auziaren emaitzan legezko interesak eta interes zuzenak izatea ez egiaztatzearren». Beste autoak, aldiz, Berualak orain arte aurrera eroandako jarduerak «egokiak» izan direla dio. Horregatik, auto horren arabera, Berualak ez lituzke isun hertsatzaileak ordaindu beharko eta errekurtso horren kostuak Ibarretas XXI elkarteak ordaindu beharko lituzke. Horren aurrean, «harrituta» agertu dira Berualakoak, idazkari judizialaren autoak epaileak agindutakoaren kontrakoa zioelako. Hori dela eta, Berualak azken auto horren aurkako helegitea aurkeztu du. Era berean, etxebizitzen erosleek be errekurtsoa jarriko dute. Gainontzeko lanak, aurrera Idazkariaren autoari jaramon eginez, teilatuko eta beheko solairuko lanak bertan behera laga ditu, momentuz, Berualak. Gainontzeko lanek, ostera, aurrera darraite, «inork ez baitu kontrakoa adierazi», Berualakoen esanetan. Babes Ofizialeko [...]

Ortube Udalaren itsasontziari gizarte erabilera emotekotan, Bermeoko Udalak eta sortu barri duten Ortube Barri elkarteak elkarlanerako hitzarmena sinatu dute. Urdanetakoak Fundazioak eta Bermeoko Udalak osatzen dute Ortube Barri elkartea. Aipatu elkart...

Zuhaitz egunean parte-hartzeko izen ematea zabalik izango da barikua arte. Kortezubiko Udalak martxoaren 27an ospatuko du zuhaitz eguna. Ohar bidez jakinarazi dutenez, «11:00etan» jarri dute hitzordua. Herritarrak plazan batu ostean, ibilaldia egingo...

Gernika KESBeko neskek bete dute mailaz mantentzeko helburua, baina azkenaldian partidak galdu eta galdu dabiltza. Asteburuan, esaterako, laugarren partida galdu zuten jarraian Cravis Reus Herrialde Katalanetako taldearen kontra, 69-64. Partidak bi zat...

Euskal Herrian garatzen den kalitate artistiko musikala ezagutarazteko asmoz, Euskal Herriko Musika Etxeek Etxepare Euskal institutuaren eta Xarxa Cases de la musica popular de Catalunya taldearen laguntzagaz, Mugetatik kanpo: Euskal Rocka Katalunian izeneko ekimena antolatu dute. Ekimen hori aurkezteko dira gaur, Bermeoko Kafe Antzokian. Ekimen barri horren nondik norakoak azaltzeko agertu dira gaur Bermeoko Kafe Antzokian, herriko alkate Idurre Bideguren, Euskal Herriko Musika Etxe Sareko kide Amets Rodriguez eta Asier Santos eta Planetaleta musikaria. Euskal Herriko Musika Etxeek bultzatutako ekimen horren helburu nagusia, mugetatik kanpo talde euskaldunei bultzada emotea dela azaldu dute gaurko aurkezpenean; hala, ezagutzera emon ahal izateko eta horien publikoa areagotzeko. Horretarako, «ezinbestekoa da oinarri baztuk ezartzea gure sortzaileak mugetatik kanpo Euskadi eta kalitatea kontzeptuekin erlazionatzeko», adierazi dute. Euskal Herriko Musika Etxeen sareak Getxoko Moby Dick taldea eta Planetaleta musikaria eta Gernika-Lumoko The Riff Truckers taldea hautatu ditu euskal rock-a ezagutarazteko bide horri ekiteko. Aretoei dagokionez, Bermeoko Kafe Antzokia, Gasteizko Jimy Jazz, Biarritzeko Atabal eta Bilboko Bilborock erabiliko dituzte aipatu proiekturako. Dena den, horiez gain, beste leku batzuk be erabiliko dituzte, aurrerantzean gauzatuko dituzten ekimenetarako. Horren harira, aretoez haratago doan ekimena dela argi utzi nahi izan dute; izan be, «filosofia bat be bada». Kaleak, aretoak, herria… ahalik eta [...]


Muxikako bi lagun atxilotu zituen Ertzaintzak atzo, etxean marihuana izateagatik. Lapurreta abisua hartu zuten poliziek, eta baserria miatzen ari zirela marihuana plantazioa aurkiu zuten. berrehun landare inguru eta 500 euro atzeman zituen Ertzaintzak,...


Eako Egoin enpresak Zur industrien Ikerkuntzarako Elkarteak eta Kataluniako Eraikuntzaren Teknologia Industriak emoten duten ziurtagiria lortu du. Hain zuzen, bost zigilu eskuratu ditu zurgintzan lan egiten duen enpresa horrek. Enpresako arduradun kome...

