Iazko urte hasieran abiatu zuen Agirre Lehendakaria Center ikerketa guneak Urdaibaiko Guggenheim museoari buruzko entzute prozesua. 949 elkarrizketa egin dituzte, eta erakundeek eskualdearen garapenerako baliatu nahi dituzte entzute prozesuaren ondorioak.
Gorka Perez de la Peña Oleaga idazleak Bermeoko bilakaera garaikidea aztertzen duen liburua argitaratu du, Bermeoko Udalaren babesarekin: ‘Bermeo, 1860.1975. Hirigintza eta Arkitektura’. Arkitektura garaikidearen arloan «egiteko lan handia» badute ere, ikerketa-dokumentu zabal eta sakonaren argitalpenarekin emandako lehen pausoa "oso garrantzitsutzat" jo du udalak.
Bizkaiko Bertsolari Txapelketaren txapela jantzi zuen Aitor Etxebarriazarraga Gabiolak abenduan, Onintza Enbeita Maguregi baino puntu erdi gehiago lortuta. Hilabete bat eta gero, txapelak duen garrantziaz harago, egindako bidea, plazetan aritzea eta Lilibertso Bertso Eskolaren presentzia nabarmendu ditu. Hala, onartu du «elkarbanatutako poza» izan dela txapela irabaztea.
Euskara eta Bermeoko giro herrikoia berreskuratzea dira Josepa Kale Kale musika taldearen zutabeetako bi. Lauzpabost lagunen artean hasi zen taldea, pandemiak herrian eragindako beherakada ikusirik. Gaur egun, aldiz, 40 bat lagunek osatzen dute taldea, eta han eta hemen aritzen dira eskualdeko zein kanpoko herrietako kaleak musikatzen.
Geuretik Sortuak proiektuaren baitan ondu du Imanol Epelde sortzaile zarauztarrak 'Zerbait sartu zait begian' lana, Ajangizen eta Muxikan egindako egonaldietan oinarrituta, eta hori aurkeztuko du Ajangizko elizan, etzi (urtarrilak 23), 19:00etan.
Eñaut Elorrietak eta Alos Quartetek ‘Ahots kordak’ proiektua aurkeztu dute, ahotsa eta soka-laukotea ardatz dituen proposamen berezia. Urtarriletik martxora bitartean eskainiko dituzten kontzertu gutxi eta zainduen bidez, soinu organikoaren aldeko apustua egin dute.
Erlijioari loturiko gertakari autobiografikoak bildu ditu Markos Zapiainek ‘Ni, laiko’ liburuan. Adimen artifizialaren erabilera gorantz doan garain, "hark ez dakien zerbait idaztea" bilatu du Bermeoko bizilagunak.
Karmele eta Victorio Basterretxea Herrero mundakarrek, Gabonetako ohiko jaiotzaz gain, Gabon Uria izeneko jaiotza erraldoia egin dute beren etxean. Udalerrian zein inguruan herritarren interesa piztu du pareko xehetasun mailarik ez duen artelanak.
Ttakuntxo Txalaparta Taldea "loratze prozesu batean" murgilduta dago, behin egindako bideari eutsi nahian. Aldiroko herriaren erantzun ona ikusirik, Bermeon taldeak berriz ere indarra hartzea aurreikusten du Mikel Etxebarria taldeko irakasleak. Taldeko kideek "gogo handiz" bizi dute euren zaletasuna.
Urtero legez, inauterietako zapatu iluntzean (otsailak 14) Euskal Herriko inauteri bat egingo dute kalerik kale, eta aurten, 'Berako Artzainak eta Iñudeak' dantzatuko dituzte, baina berezitasun handi batekin: herri deialdia egin dute gernika-lumotarrek eurekin parte hartzeko.
‘Gregorio Solabarrieta musikari bermeotarra’ erakusketa inauguratuko dute bihar (urtarrilak 23), 19:00etan, Nestor Basterretxean, eta otsailaren 1era arte egongo da ikusgai.
Bizkaiko Bertsozale Elkarteak otsailaren 6tik [barikua] 8ra [domeka] bitartean antolatu du aurten neguko bertso barnetegia, Baratze Baserri Eskolan. Izena eman gura dutenek urtarrilaren 22ra [eguena] bitartean dute horretarako aukera, elkartearen webgunean.
Dantza espresio ugarik daukate lekua Ross Dantza Eskolan, baita hainbat kirol jarduerek ere, adin tarte guztiei zabalik, eta ordutegi malguan. Bermeon zein Gernika-Lumon hezten ditu ikasleak dantzan, eta hala jarraitu gura du, herriak dantzan jartzen.
Gerediaga elkarteak eskatuta, Durangoko Azokaren parte diren sortzaileak, eragileak eta bisitariak aztertu ditu Siadecok. Iaz egin zituzten inkestak eta aurten aurkeztu dituzte emaitzak, eta ikerketak berretsi egiten du Durangoko Azokak euskarazko kultur sorkuntza bultzatzeko duen garrantzia.
'Argizaiola trofeoa 1980-2025' erakusketa ikusgai dago abenduaren 5etik 9ra bitartean, Gernika-Lumoko Kultur Etxean. Erakusketagaz argazkien ondarea babestea, zabaltzea eta balioestea bilatu dute
B mailako finala irabazi dute, Bizkaiko Kopla Gaztiek taldea osatuz. Finala Irune Basagoitiren eta Maider Altunaren aurka jokatu dute, Zornotzan.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
