
Urmuga ekimen herrikoi eta artistikoak Busturialdea eta Lea-Artibai zeharkatuko ditu uztailaren 13an eta 14an. Izan ere, hilaren 13an ekingo dio Urmugak bere Bizkaiko ibilbideari, Araban bi egun egin eta gero, Gaztelugatxetik Ereñozarreko San Migelera ailegatzeko. Hurrengo egunean, Ereñotik Ziortza-Bolibarrerainoko bidea egingo du.

Busturialdea Arraun Elkartea garaipenaren jokotik urrun aritu da KAE2 ligako bigarren eta hirugarren estropadetan: laugarrena izan da hala Errenterian, nola etxean, Elantxobeko 37. Banderan.

San Pedro jaiak ospatzeko prest daude mundakarrak, bihar [ekainak 27] hasita. Uztail hasierara bitarteko egitarau zabalak herritar denentzako osagaiak biltzen ditu.

Busturialdea Arraun Elkartea laugarrena izan da KAE2 mailako lehen estropadan, XXI. Astillero de Guarnizoko Banderan. Asteburuan etxeko proba lehiatuko dute.

Bizkaiko Batzar Nagusietako Gernikako osoko bilkuran jaso zuen azken onarpena armarri eta bandera ofiziala lortzearen poriektuak. Elkarrekin "historia" egin dutela nabarmendu dute udal ordezkariek, eta pozik agertu dira lortutakoagaz.

Txarra kanporatzeko eta onari ongietorria emateko prest daude eskualdeko auzoak; musika, jana, kirola, baina batez ere, giro ona nagusituko dira asteburuan zehar hamaika txokotan. Urteko egunik luzeena tradizioz eta mitoz jantzi eta suak pizteko prest daude, beraz, han eta hemen.

Zerbitzu horren proba pilotua Busturialdean egingo dute, zapatu honetan [ekainak 21] hasita. Lehen fase pilotua uda osoan indarrean egongo da, eta erabiltzaileen erabilera datuak jasoko dituzte, baita gehien eskaturiko ibilbideak zeintzuk diren ere. Aldunditik iragarri dute irailetik aurrera prozesu parte hartzailea zabalduko dutela.

20 eta 25 aldiz zein 75 eta 100 aldiz baino gehiago odola emandako 100 pertsona inguru omendu zituzten Odolkideek barikuan (ekainak 13), Gernika-Lumon.

Beste hainbat herrirekin batera, Ibarrangeluk eta Mundakak Ueman sartzea eskatu zuten osoko bilkuretan; zapatuan, batzar nagusia burutu zuten Azpeitian, eta eskaerak onartu zituzten, besteak beste.

Lau aukera dituzte hautatzeko. Bozkaketa Mundakako Udaleko webgunean egin daiteke.

Herriko gune jakin batzuk garbitu dituzte, baina udalerri osoan lanean segitzea aurreikusten dute udaletik.

Domekan [abenduak 17] egingo dute, Kasinoan. Bildutako dirua La Cuadri Del Hospi elkartearentzat izango da.

Irunen hasi eta Baionaraino martxoaren 14tik 24ra bitartean egingo den Korrikari soinua eta irudia jarri diote. Maite Arroitajauregi 'Musergo' arduratu da abestia zuzentzeaz, eta Amaia Badiolak egin du bideoa.

Agintariek "naturarekin erakutsitako mespretxu eta arduragabekeria" salatu dute.

Barikuan [abenduak 8] egingo dute, plazan, 10:00etatik 14:00etara. Denetariko jakiak eta produktuak egongo dira.

Arratzuko Piratak Herri Kirol Taldeko kideek herri kirol erakustaldian parte hartuko dute, 13:00etan hasita.

Gernika-Lumoko Mugimendu Feministak A30eko Herri Akordioko eskaerak herriaren beharretara egokituta aldarrikatu ditu. Lau eskakizun argi eta zehatz egin dituzte.

Eskualdeko turismo sektoreko hamabost enpresek Urdaibaiko 'Errelato Turistikoaren Ezarpen Tailerretan' parte hartu dute.