Ez da berehalakoan ahaztuko Busturialdeak 24. Korrikari emandako babes kolosala. Bedaronatik San Pelaiora, herritarrek 'Euskara Direla' frogatu dute, eta beraien eskualdea euskararen arnasgune dela. 02:20ak aldera sartu da euskararen aldeko karabana erraldoia Busturialdera, eta 06:30ean agurtu dute herritarrek; 149 lekuko eroate egon dira aurtengoan.
Bihartik [martxoak 27] etzira [martxoak 28] lehiatuko dute Busturialdeko automobilismo proba nagusia. Gidari eta kopilotuek "ederto" erantzun diote lehiarako izen emateari. Lau tarte eta zortzi saio kronometratu izango dituzte aurten. Errepide mozketak egongo dira tarteetan. Montorre Herri Eskolan egin dute aurtengo agerraldia.
24. Korrika Busturialdera ailegatu orduko, motorrak berotu dituzte ikasleek Korrika Txikietan. Arrakastatsuak izan dira beste behin, eta kateari eusteko aldarrikapena zabaldu dute.
EH Bildutik gogoratu dute 2023an udala eta Eusko Jaurlaritzak "nagusiki Ean erroldatutako pertsonentzat izango liratekeen" babes publikorako alokairuko 16 etxebizitza eraikitzeko akordio batera iritsi zirela, baina gaur egun "proiektua blokeatuta" dagoela, lur eremua aldundiaren jabetzakoa den Azpiegiturak S.A.M.P. sozietatearena delako.
24. Korrika Zuberoatik Bizkaira, ekialdetik mendebaldera, bidea egiten ari da, eta herritarrek denetariko jarduerak prestatu dituzte egunotarako. Gaztetxoenek beraien Korrika Txikiak edukiko dituzte han-hemen. Bedaronak hartuko du Korrika lehenik; Busturialdea zeharkatu ondoren, Bermeotik agurtuko dute herritarrek.
EAJk Ean etxebizitza "eskaintza handitzeko neurri zehatzak" biltzen dituen udal mozioa aurkeztu du, baina EH Bilduk kontra bozkatu du. Eatarrei etxebizitza lortzeko erraztasunak eman behar zaizkiela nabarmendu dute jeltzaleek.
Euskal Herriaren presentzia nazioartean sendotuz, Euskal Selekzioak ardi mozteko Munduko Txapelketan parte hartu du. Joseba Attard bedarutarra izan da taldeburua, eta berak esan bezala, "hasieratik esperientzia berezia" izan da eurentzat.
Belaunaldiz belaunaldi diaspora osatu duten euskaldunen testigantzak batu ditu Badihardugu Euskara Elkarteak, Euskal Diasporaren Ahotsak egitasmoa tarteko. 100 grabazio ordu baino gehiago bildu dituzte AEBn, euskal diasporako 106 pertsonen testigantzak jasoz, bost estatutan zehar. Diasporako Ahotsak webgunean jarriko dituzte aurten ikusgai.
Egunotan askoren ahotan dago 'Xiberutikan Mendebaldera', 24.Korrikaren abestia. Bertan aipatzen da "artzai gazte bat kontu zaharretan" dabilela, Bariñako Bidane Baskaran. Bere lanbideari egindako aipamena eta aitortza dela uste du markina-xemeindarrak, eta horren garrantzia nabarmendu du.
Martxoaren 19an (eguena) Korrikaren hasiera ekitaldira, Atharratzera, joan gura dutenentzako autobusa antolatu du Busturialdeko AEK-k. Izena eman behar da, eta horretarako azken eguna da biharkoa (martxoak 16).
Gaur hasi eta martxoaren 24ra bitartean zabaldu du Eako Udalak kultura, gazteria eta gizarte ekintza arloko jarduerak antolatzeko dirulaguntzak eskatzeko epea.
2023tik da Sustabiz Fundazioa AEJeST elkarteko kide, eta aurten izango du administrazio kontseilua lehenengoz hartzeko ardura. Hori horrela, nazioarteko jardunaldia, eta, jolas eta kirol autoktonoen jardunaldia egingo dituzte barikutik eta domekara bitartean.
14 eta 17 urte arteko bizkaitarrei zuzendutako Señeak Bizkaia Rock Kanpusaren bigarren aldia egingo dute apirilaren 5etik 10era bitartean.
Euskaltzaleei martxoaren 9tik 15era bitartean erdaldundutako Euskal Herriko bide seinaleak ezabatzeko eta euskarari lehentasunezko lekua emateko deialdia egin du Euskal Herrian Euskarazek.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
