Poesia, musika, antzerkia eta bertsolaritza uztartzen dituen proiektu berria eta eraldatzailea domekan (abenduak 21) ailegatuko da Eskolondora, 18:00etan. Andoni Salamerok, Aitor Furundarena eta Andoni Egaña sortzaileek eskainiko dute eatarrentzat "berezia" izango den ikuskizuna.
Elkarrekin entrenatzea, lasterketetan lehiakorrak izatea eta giro ona mantentzea du helburu eskualdeko Urdaitri triatloi taldeak. Eskualdeko kideek parte hartzen dute bertan, eta euren kirolari ikusgarritasuna eman nahi diote, baita gazte gehiago eta emakumeak taldera erakarri ere.
Atzo (abenduak 16) jakinarazi zuten Guggenheim museoa Urdaibain handitzeko proiektua "behin betiko" geldituko zutela museoko patronatuko kideek, eta erreakzio ugari utzi ditu albisteak. EH Bildu, Sumar eta Podemos Euskadi alderdi politikoek "erabaki zuzena" izan dela ondorioztatu dute.
Egitasmoa bertan behera uzteko arrazoi nagusien artean, "konplexutasun administratiboak" azpimarratu dituzte. Elixabete Etxanobe Bizkaiko Ahaldun Nagusiak erabakia ez dela erraza izan esan du: "Gelditzeko erabakia hartzeko arrazoi nagusia ontziola dagoen lurzatiaren egoera juridikoan dago. Kokapen hori izan da proiektuaren bertute eta ahulezia nagusia".
Itziar Navarro Ibañezek marijesien eta abenduko erronden inguruabarrak bildu, aztertu eta plazaratu ditu bere doktoretza tesian: ‘Bizkaiko abendu-erronden bilakaera: diskurtsoak eta praktikak’. Besteren artean, Gernika-Lumo, Ibarruri, Ariatza, Ibarrangelu, Ea eta Lekeitioko ereduetan ipini du fokua musikari eta etnomusikologo gipuzkoarrak.
Atharratzen hasi eta Bilboraino martxoaren 19tik 29ra bitartean egingo den Korrikari soinua eta irudia jarri diote. Pello Reparaz arduratu da musika eta letrak egiteaz, baita bideokliparen zuzendaritza ere, eta ondoan izan ditu Erramun Martikorena eta Maixux Zugarramurdi.
Biharko [abenduak 11] greba deitu dute Ikasleria Martxaneko kideek, Hego Euskal Herriko hiriburuetako kaleak hezkuntzan dagoen euskararen larrialdi egoeraren kontrako aldarriz betetzeko asmoz. Bilbon, 12:00etan jarri dute hitzordua, Arriagatik. Bermeoko eta Gernika-Lumoko Ikamak, horreri eutsiz, bateratzeak antolatu ditu Busturialdeko tren geltokietan.
Aiora Uriarteren Zuresku proiektuak "egurrezko joko tradizionalak eta eskulanak berreskuratu eta gaurkotzea" du helburu. Bigarren saria Maddi Amezagaren Garile ingurumen-hezkuntzako eta landa-ekintzailetzako ekimenarentzat izan da.
Busturialdeko Kontseilu Sozialistaren arabera, "ezinezkoa" litzateke Guggenheim Urdaibai proiektua gelditzea horrek eskualdean izan duen kontrakotasunik barik.
Bizkaiko 30 udalerritan —aurrerago zehaztuko dituzte— aurrera eroango dute 'A ze marroia' ekimena. Kanpaina horrekin herritarrak edukiontzi marroiko gaikako bilketaz kontzientziatzea bilatuko dute.
Busturialdeko Hitzak 20 urte bete dituela ospatuko dute domekan [azaroak 14], Gernika-Lumoko Pasealekuan, 12:00etatik aurrera. Biharamunean, haritza landatuko dute Bermeon.
Gerediaga elkarteak eskatuta, Durangoko Azokaren parte diren sortzaileak, eragileak eta bisitariak aztertu ditu Siadecok. Iaz egin zituzten inkestak eta aurten aurkeztu dituzte emaitzak, eta ikerketak berretsi egiten du Durangoko Azokak euskarazko kultur sorkuntza bultzatzeko duen garrantzia.
Euskara ikasteko dirulaguntzen deialdia argitaratu du Eako Udalak. Interesa duten herritarrek abenduaren 18a baino lehen aurkeztu beharko dute eskatutako dokumentazioa.
Arlo zientifiko-teknikora bideratutako saioa Gernika-Lumon egin dute gaur [azaroak 27], 177 ikasleren parte hartzeagaz. Arlo artistiko-sozialari buruzkoa, berriz, Bermeon egingo dute, bihar [azaroak 28].
Aitziber Ansotegi Urremendiko kudeatzaileak Europako Parlamentuan aurkeztu zuen Urdaibaiko Turismo Jasangarriaren Europako Gutun berritua. Gutuna berritzeko Batzorde ebaluatzaileak "tokiko eragile eta kolektibo interesdun ugarirekin eraikitako" lankidetza azpimarratu du.
Eskolondoko lehenengo pisuko komuna konpondu dute, gimnasiora doazenei dutxatzeko aukera eskainiz. Herritarrei "zentzuz" erabiltzeko eskatu die udalak.
Lehenbizikoz, Durangoko Azoka baino lehen egingo dute ZuNonHanDA! azoka ibiltaria, azaroaren 17tik abenduaren 4ra bitartean. Euskal Herriko 19 liburu saltokitara helduko da eta, bertan, 22 liburu aurkeztuko dituzte idazleek, tartean eskualdetakoek.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
