
XIII. Ibarruriko Mendi Martxak eta Lasterketak 450 mendizale inguru elkartu ditu, iragan domekan [martxoak 1]. Mendi lasterketako bizkorrenak Onditz Iturbe Arginzoniz igorreztarra eta Ibai Urrutia Arandia belendiztarra izan dira.

Alokairu errentaren igoerak KPIaren hazkunde metatua hiru puntutan gainditu eta gero, Bermeoko Udalak Eusko Jaurlaritzari Bermeo Etxebizitza Eremu Tentsionatu izendatzeko eskaera formala egitea onartu du. EH Bildu eta Guzanen botoekin onartu da prozedura; EAJk kontrako botoa eman du.

Euskal Herriaren askapen prozesuari bultzada emateko "modu bakarra independentzia dela" aldarrikatu dute Gernikako Ernaik antolatutako Independentzia Egunean. Antolakuntza sustatu eta amesten duten Euskal Herria eraikitzeko helburuarekin "kaleak astintzen" jarraituko dute.

Gernika-Palestina Herri Ekimenak deituta eta bi herriak sinbolikoki lotu asmoz, palestinarrentzat ikur berezia den olibondoa landatu zuten atzo [otsailak 27] Astrako babeslekuaren ondoan.

Aipatutako alderdi politikoen aldeko zazpi botoekin eta Herritar Alternatibaren kontrako biekin, aurtengo aurrekontua "giltzarri" izango da, zabor bilketa eta garbiketa zerbitzu berriaren lizitaziorako "beharrezkoa" baita.

Bermeoko Udalak urte honetarako 30. 625.990,81 euroko udal aurrekontua onartu zuen atzo [otsailak 26], baina EAJk kontrako botoa eman zion. Bermeotarren "benetako lehentasunetatik urrun" dauden aurrekontuak direla uste dute jeltzaleek.

Aurrekontua kopurua aldetik "iazkoaren antzekoa" den arren, zorroztasun ekonomikoa, babes sozial sendoa eta egitura eraldaketa sakona diren oinarrizko hiru printzipio uztartzea ahalbidetzen duela nabarmendu du udal gobernu taldeak.

Nabarnizko Udalak 1.001.794,14 euroko udal aurrekontua onartu du. Udaletxe zaharra eraberritzeko lehen fasea aurrera eroateko 150.000 euro bideratuko dituzte.

Bermeotik abiatu eta munduko hainbat herrialdetan barrena osatutako musika-ibilbidearen eta nazioarteko esperientzia guztien emaitza da Amaia Izarzugazaren Aiama proiektu musikala. Gaur egun, Aiama Quartet proiektuan bihurtuta, hilabetero, azken barikuetan Bilboko Jazzon aretoan arituko da bederatzi hilabetez taldea, ‘Impulso 26’ programaren baitan.

Emakumezkoen txapelketarik handiena hartuko du, martxoaren 2tik 23ra artean, Durangoko Ezkurdik. Lau bikotetik seira hazi da lehia, jardunaldi bat gehiagorekin. Bonu zein sarrerak eskuragarri daude. Gizonezkoen lehian, Unai Lekerika atzelari gernika-lumotarra ariko da.

'Baubo' kale ikuskizuna Eara ailegatuko da zapatuan (ekainak 28): 19:00etan frontoian jarri dute hitzordua. Barreari buruz hausnartzera gonbidatuko ditu herritarrak, bufoikeriaren eta zirkuaren lengoaia erabilita eta zuzeneko musikak lagunduta.

Atharratzetik aterako dira Euskal Herriko txoko desberdinetako 126 gazte uztailaren 1ean [martitzena]. Azken gauetako bi egingo dituzte Gernika-Lumon eta Bermeon.

Bermeoko Rol Eskola Elkarteak Warhammer 40k Bizkaiko Open lehiaketa antolatu zuten zapatuan [ekainak 21], 24 parte hartzailegaz. Anartz Villanueva bermeotarra izan zen txapelketako onena.

Zerbitzu sektorean euskararen erabilera bultzatzeko ‘Bertatik bertara’ kanpaina martxan da Uemaren parte diren udalerrietan. Bisitariei eta zerbitzu sektoreko eragileei euskararen garrantzia ikusarazteko kanpaina da.

Berton Bermeoko merkatarien elkarteak Berton Azoka antolatu du asteburuan Frantziskotarren klaustroan, eta "pila bat jende" bertaratu da. Antolatzaileak "pozik", datorren urtean errepikatzeko prest agertu dira.

Javier Etayo 'Tasio' diseinatzaile grafikoaren 'Alaitasuna' kartela izan da saritua, Gernika-Lumoko Kultur Etxeak eta Jai Batzordeak antolatutako lehiaketan.

Gure Kirolak Sustatzen programak Busturian egingo du geldialdia zapatuan [ekainak 21], erronka berezi bategaz: Ane Atxuegi Busturiko kopa jasotzeko ahalegina egingo du. Uztailaren 26an, berriz, Busturialdeko Harri Altxaile Txapelketa hartuko du udalerriak eta izen ematea zabalik dago.

Ekainaren 21ean ospatuko da jaia; entrenamendu ireki batekin hasiko da, eta bazkari, bertso saio eta musika emanaldiak izango dira egun osoan.

Haur liburutegia aldi baterako kanpora atera du Gernika-Lumoko Kultur Etxeak, eta irailaren 19ra arte zerbitzua eskainiko du plazan, beste urte batez.