
AmaTea Elkarteak Autismoari eta Osasun Mentalari buruzko III. Informazio Jardunaldia antolatu du zapaturako, Nestor Basterretxea aretoan, fokua "Busturialdean familiek duten problematikan" jarri asmoz. 11:00etan jarri dute hitzordua.

24. Korrika Busturialdera ailegatu orduko, motorrak berotu dituzte ikasleek Korrika Txikietan. Arrakastatsuak izan dira beste behin, eta kateari eusteko aldarrikapena zabaldu dute.

Bihartik (martxoak 26) domekara (martxoak 29) bitartean, Gernikako-Lumoko kale, taberna zein kulturguneak musikaz girotuko ditu Gernikako Lekuek Festibalak. Aurten leku berri bategaz dator jaialdia: Gernikako Gaztetxeagaz.

EH Bildutik gogoratu dute 2023an udala eta Eusko Jaurlaritzak "nagusiki Ean erroldatutako pertsonentzat izango liratekeen" babes publikorako alokairuko 16 etxebizitza eraikitzeko akordio batera iritsi zirela, baina gaur egun "proiektua blokeatuta" dagoela, lur eremua aldundiaren jabetzakoa den Azpiegiturak S.A.M.P. sozietatearena delako.

Artiako Gazte Asanbladak gazteak elkartzeko espazio faltari eta etxebizitza duin eta ordaingarriak lortzeko zailtasunari erreferentzia egin, eta espazio autogestionatu bat eta gazteei herrian bertan emantzipatzeko aukera errealak sortzea exijitu dio udalari.

Muxikan Bizkaiko industriagune handiena egiteko proiektua dute Sprilurrek eta Bizkaiko Foru Aldundiak, eta industria erakartzea ondo dagoen arren, ez dute uste Bizkaiko industrialde handiena behar dutenik bertan. Hala, asanblada irekia deitu dute Gazte Asanbladakoek barikurako (martxoak 27).

24. Korrika Zuberoatik Bizkaira, ekialdetik mendebaldera, bidea egiten ari da, eta herritarrek denetariko jarduerak prestatu dituzte egunotarako. Gaztetxoenek beraien Korrika Txikiak edukiko dituzte han-hemen. Bedaronak hartuko du Korrika lehenik; Busturialdea zeharkatu ondoren, Bermeotik agurtuko dute herritarrek.

Spheere proiektuaren arduradunenak Foruan izan dira gaur [martxoak 23], kultur etxea lehen eskutik ezagutzeko. Joan Mari Torrealdai Kultur Etxea modernizatuko dute, "modu jasangarrian"; esku hartzeak 400.000 euroko inguruko inbetsioa suposatuko du, eta Europako funtsen bidez finantzatuko da.

EAJk Ean etxebizitza "eskaintza handitzeko neurri zehatzak" biltzen dituen udal mozioa aurkeztu du, baina EH Bilduk kontra bozkatu du. Eatarrei etxebizitza lortzeko erraztasunak eman behar zaizkiela nabarmendu dute jeltzaleek.

Eskuldeko arraun taldeek maila handia uretaratu dute III. Alakrana Erronkan: Bermeok eta Elantxobek banderak altxatu dituzte, hurrenez hurren, gizonezko eta emakumezko nagusien lehietan; etxeko taldea, Mundaka, bigarrena izan da beteranoen estropadan.

100 bat lagun elkartu ditu Sukarrieta Pedernales Portuondo Kirol Ontzien elkarteak deitutako Kostaldea Garbitzeko Eguna jardunaldiak.

Gautegiz Arteagako, Kortezubiko, Ereñoko, Ibarrangeluko, Eako eta Elantxobeko udalek Andra Mari eta San Roke jaietako egun batzuetan etxera itzultzeko gababus zerbitzua eskainiko dute. Tiketak aurretik hartu beharko dira, udaletxeetan.

Erretiroa hartzeagaz batera margolanak egiteko interesa piztu zitzaion Nekane Mendez Ormaetxea sukarrietarrari. Geroztik gelditu barik margotzen ibili da eta abuztuaren 31ra arte [domeka], 21 margolanez osatutako erakusketa du ikusgai Sukarrietako jubilatuen lokalean.

Gernikeko Egurre Gazte Asanbladiek 'Azken pintxopotea' deitu du gaur [abuztuak 7]. Zapatuan, berriz, udako gazte afarian batu eta iraileko Gazte Egunaren egitaraua aurkeztuko dute

Udaletxea birgaitzeko lanak amaituta, herritarrek egindako lanak ikusteko inaugurazio ekitaldia egingo dute abuztuaren 15ean [barikua].

Udaltzaingoaren bulegoaren kanpoaldean "erantzun azkar eta eraginkorra" ematea ahalbidetuko duen herritarren arretarako txirrina jarri dute, eta agenteak, "beharrezkoa" den egoeretan gorputz-kamerak erabiltzen hasiko dira.

Frontoia jabetza pribatukoa da, eta Sukarrietako Udala apezpikutegiko ordezkariekin harremanetan dago eremu horretan esku-hartzea egitea ahalbidetuko dion "epe luzerako hitzarmen bat" lortzeko.

BBK Klimak 'Nemoren Bila' filma proiektatuko du domekan [abuztuak 10] Busturiko instalazioetan eta, abuztuaren 24an, berriz, 'Ponyo itsaslabarrean' filmaren txanda izango da. Sarrerrak aurretiaz eskuratu beharko dira.

Sukarrieta Pedernales Portuondo Kirol Ontzien elkarteak udalerriko kostaldea garbitzeko jardunaldia antolatu du zapatuan [abuztuak 9].