Martxoaren 17ko greba orokorrera langileak batzeko deia, herriz herri

Gernikako Greba Komiteak agerraldi jendetsua egingo du barikuan (martxoak 6), 19:30ean, Gernika-Lumoko Merkurion, baina, horrez gain, kotxe karabanak ere deitu dituzte: bihar (martxoak 4), 12:30ean aterako dira Gernika-Lumoko Astratik; 16:00etan, Busturiko presapeko aparkalekutik.

Aitor Etxebarriazarraga, Busturialdeko Bertsolari Txapelketako bigarren finalista

Muruetako kanporaketan 176,5 puntu eskuratuta, Astrako final handirako txartela lortu du gernika-lumotarrak. Finalean izango diren bertsolariak Errigoitiko Ikuilu txokoan erabakiko dira barikuan [martxoak 6], bertan lehiatuko baitute hirugarren eta azken kanporaketa, 20:00etatik aurrera.

Erabileraren ondorioz higatutako itsasadar-hegaleko egurrezko zubia ordezkatuko dute

Lohi likidoak garraiatzen zituzten kamioi astunak 30 urte baino gehiagoz bertatik pasa eta gero, gaur egungo egitura zubi seguru eta sendoagoa jarrita ordezkatuko dute. Lanok zazpi hilabeteko epean egitea aurreikusi dute, gutxi gorabehera.

Iturbe eta Urrutia, zalantzentzako tokirik gabe

XIII. Ibarruriko Mendi Martxak eta Lasterketak 450 mendizale inguru elkartu ditu, iragan domekan [martxoak 1]. Mendi lasterketako bizkorrenak Onditz Iturbe Arginzoniz igorreztarra eta Ibai Urrutia Arandia belendiztarra izan dira.

Bermeo Etxebizitza Eremu Tentsionatu izendatzeko eskaera formala egingo dute

Alokairu errentaren igoerak KPIaren hazkunde metatua hiru puntutan gainditu eta gero, Bermeoko Udalak Eusko Jaurlaritzari Bermeo Etxebizitza Eremu Tentsionatu izendatzeko eskaera formala egitea onartu du. EH Bildu eta Guzanen botoekin onartu da prozedura; EAJk kontrako botoa eman du.

Euskal Herria "independente, sozialista eta feminista" eraikitzeko lanean jarraitzeko konpromisoa berretsi du Ernaik

Euskal Herriaren askapen prozesuari bultzada emateko "modu bakarra independentzia dela" aldarrikatu dute Gernikako Ernaik antolatutako Independentzia Egunean. Antolakuntza sustatu eta amesten duten Euskal Herria eraikitzeko helburuarekin "kaleak astintzen" jarraituko dute.

Olibondo landaketa, "Gernika beti Palestinaren ondoan" egongo denaren adierazle

Gernika-Palestina Herri Ekimenak deituta eta bi herriak sinbolikoki lotu asmoz, palestinarrentzat ikur berezia den olibondoa landatu zuten atzo [otsailak 27] Astrako babeslekuaren ondoan.

3.163.939 euroko "ezinbesteko" udal aurrekontua adostu dute EH Bilduk eta EAJk

Aipatutako alderdi politikoen aldeko zazpi botoekin eta Herritar Alternatibaren kontrako biekin, aurtengo aurrekontua "giltzarri" izango da, zabor bilketa eta garbiketa zerbitzu berriaren lizitaziorako "beharrezkoa" baita.

EAJk udal aurrekontua "kontinuista eta anbizio gutxikotzat" du

Bermeoko Udalak urte honetarako 30. 625.990,81 euroko udal aurrekontua onartu zuen atzo [otsailak 26], baina EAJk kontrako botoa eman zion. Bermeotarren "benetako lehentasunetatik urrun" dauden aurrekontuak direla uste dute jeltzaleek.

"Posizionamendu argia" duen 30.625.990, 81 euroko udal aurrekontua onartu dute Bermeon

Aurrekontua kopurua aldetik "iazkoaren antzekoa" den arren, zorroztasun ekonomikoa, babes sozial sendoa eta egitura eraldaketa sakona diren oinarrizko hiru printzipio uztartzea ahalbidetzen duela nabarmendu du udal gobernu taldeak.

Gehiago