Santa Ageda bezperaz, Busturialdeko kale zein auzoak makila hotsen eta herritarren ahotsen testigu izan dira, han-hemen oles errondak egin baitituzte. Hainbat tokitan, asteburuan ere egingo dituzte.
Markel Aranaz Sekok gazte mailatik profesionaletara jauzia egin berri du, Movistar Academy Team taldearen eskutik. Txirrindulari mendatarrak Valentzian eta Mallorcan egin du debuta, munduko ziklistarik bizkorrenekin tropela partekatuz.
Etengabekoa eta iraunkorra izan da odol emate kopurua iaz Busturialdean. 2024az alderatuta, 111 odol emate gehiago zenbatu zituzten eskualdean iaz: 1.718 odol emate, hain zuzen ere. Eskualdean, Gernika-Lumon eman dute odola gehien, 1.087 aldiz. Odolkideek diote iazko urtea "emankorra" izan zela nabarmendu dute, odol emate kopuruari eutsi diolako eskualdeak.
Bizkaiko Orkestra Sinfonikoak (BOS) eta Bizkaiko Foru-Museoek bat egin dute 'Kultura artearen grinaz' lelopean. Azaldu dutenez, Bermeoko Arrantzaleen Museoa, Gernika-Lumoko Euskal Herriko Museoa eta Kortezubiko Santimamiñe bisitatzen dutenek kupoi bat jasoko dute, zeinekin %20ko deskontua izango duten BOSen 2025-2026 denboraldiko edozein kontzerturen bi sarrera erostean.
Eleizalde Ikastolako Familia Mugimenduak bultzatuta jaio da 'EI, Altxa Burue', mobilen erabilera atzeratzea helburu duen ekimena.
Zientzietan, arteetan eta letretan erreferente diren 26 emakume biltzen ditu Jakiundek egin duen eta Gernika-Lumoko Domingo Alegria plazan ikusgai dagoen erakusketak: 'Emakumeak zientzia, arte eta letretan'. Emakumeen lanaren ikusezintasun historikoari aurre egitea bilatzen du otsailaren 16ra arte ikusgai dagoen bildumak.
BTWCek, Marine Stewardshil Councilekin (MSC) eta Jaurlaritzarekin lankidetzan, arrantza jasangarriaren inguruko prestakuntza eta dibulgazio astea antolatu du, eta bihar arte [otsailak 5] 'MSC ziurtapenerantz lanean', 2. mailako prestakuntza-ikastaroan eskainiko dute, Bermeoko Portuen Bulegoan.
Euskara sustatzea helburu daukan Ezetz Jakin lehiaketan 107 lagunek parte hartu dute urtarrilean, eta, horien artean Goizalde Gezuragak jaso du saria. Dagoeneko martxan dago otsaileko galdetegia.
Bederatzi herri. Hamahiru guraso elkarte. Hogeitabost eskola. Horiek guztiek osatzen dute ‘Danon Eskola Publikoa’ sarea. Guraso elkarteek egindako lanari esker garatu den proiektua da, eta "hezkuntza publikoa indartu" nahi du.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
