Gazako zerrendan harrapatuta eman zituen 85 egunetan bizitakoak eguneroko batean bildu zituen Atef Abu Saif idazle, politologo eta Palestinako Aginte Nazionaleko Kultura ministro ohiak. Idatzitakoak 'Don't Look Left. A Diary of Genocide' liburuan bildu ditu, eta bihar [urriak 4] Bermeoko Nestor Basterretxea aretoan aurkeztuko du.
Etzi (zapatuan) ospatuko dute Euskal Jaiaren hamabosgarren edizioa Gernika-Lumon, euskal kultura eta ohiturekin bat eginez.
Olatz Arrizabalaga pilotari gernika-lumotarrak 3 Hiriburuak txapelketaren finalaurrekoa lehiatuko du datorren domekan [urriak 6], Bilbon. Finala urriaren 13an izango da, Gasteizen.
Morgako VIII. Nazioarteko Putxera Lehiaketa egingo dute, eta parte hartzeko asmoa daukatenek, 09:00etatik 11:00etara bitartean izena eman beharko dute.
Gautegiz Arteagako Helduen Elkarteak 8. Belaunaldien arteko martxa herrikoa antolatu du zapaturako (urriak 5). Parte hartzeko Aretxederreta Kultur Etxean izena eman behar da.
Ludoteka zerbitzua Bermeoko Gizarte eta Kultura Etxeko beheko solairuan eskainiko da, bariku eta zapatuetan, 17:00etatik 20:30era.