Astra kulturarako fabrika sozialak ateak ireki ditu gaur. Bertan izan dira zenbait ordezkari politiko –horien artean, herriko alkate Jose Mari Gorroño eta hainbat zinegotzi– eta baita Astra bera kudeatzeaz arduratuko den Astra Koordinadorako hainbat kide be, herritarrekin batera. Azken horien hitzekin emon diote hasiera ekitaldiari; “Astra ez da zerutik erori den izar bat; herritarren lanari esker sortu da”, adierazi dute. Gainera, igarotako zazpi urteotan aberastuz joan dela aipatu dute. Bestalde, baliabide publikoak herritarren beharrizanei erantzuteko erabailiko dituztela be azaldu dute. Aiipatu dutenez, gainera, kudeaketa “irekia” egiten jarraituko dute; hala, nahi duenak parte hartzeko aukera izango du. Astra Koordinadorako kideen berben ostean, Gorroñok hartu du hitza. Mezu garbia helarazi du Gernika-Lumoko alkateak: “Egoera honetara heldu bagara, gazteek eta talde kultural eta sozialek okupazioa aldarrikatu dutelako izan da; euregatik izango ez balitz, Astra eta babeslekua ez lirateke gaur egun existituko”, baieztatu du. Haren esanetan, bestetik, Astra bakea gailenduko den tokia izango da; betibe, “kultura indartzearen bitartez”. Aipatutakoen adierazpenen ostean, eraikina bera eta aldamenean dagoen babeslekua ezagutzeko aukera izan dute bertaratutakoek, Turismo Bulegoko teknikarien laguntzaz egindako bisitatu gidatuen bitartez. Hartara, Astra eraikinaren sorkuntzari buruzko hainbat datu, Astra proiektuan oinarrituz egin diren aldaketak eta etorkizunean Astrak izango duen erabilera zein izango den azaldu dute [...]
Portuondoko ontzien elkarteak atzoko prentsaurrekoan iragarri moduan, zapaturako aurreikusita zuten manifestazioa bertan behera utzi dute. Izan be, joan den astean Espainiako Kosta Mugapeak Sukarrietako Portuondo kaian dagoen pantalan flotatzailea altxatzeko aginduaren epea luzatzen zuela jakinarazi zuen, Urdaibaiko Patronatuak instalazio horri buruz egin duen aurkako txostenari Sukarrietako Udalak ipini dion helegitea ebatzi arte. Manifestazioa egiteak «zentzurik ez duela» esan du Javier Caballero elkarteko presidenteak, «pantalana desagertzeko berehalako arriskurik ez dagoelako». Caballerok azaldu duen moduan. «desatsegina izan den gai hau baina momentuz behar bezala konpondu denak, pantalana ezagutarazteko balio izan digu. Gizarte-eragin handia duen pantalana da, elbarriren bat duten horientzako Urdaibain dagoen sarbide bakarra baita eta gaiak ohiartzun handia izan du». Epaiaren zain Sukarrietako Portuondoko ainguratoki osoaren gainean Urdaibaiko Patronatuak horren aurka egin duen txostena baliogarria den ala ez aztertzen ari direla jakinarazi dute, «guk haren aldeko hainbat txosten aurkitu baititugu». Hortaz, Sukarrietako Udalak Justizia Auzitegi Nagusian ipinitako administrazioarekiko auzi-errekurtsoa ebatzi arte Portondoko pantalanak bere lekuak jarraituko du. Ontzien elkartearen ustez, «pantalana kendu behar izatearena zentzugabeko diskriminazioa da. Jaurlaritzak bere garaian pantalan hori ordaindu zuen, eta are gehiago, bertara iristeko trenbide azpiko tunela be egin zuen». Arazoa, ainguratokiko erabiltzaileen iritziz, Patronatuak Urdaibaiko itsasadarrean ontzirik ez duela gura da. Hortaz, prentsaurrekoa aprobetxatu gura [...]
San Miguel liga amaierara iristen ari da. Uda gogorraren ostean, domekan, Portugaleten jokatuko den El Corte Ingles banderaren ostean atsedena hartuko dute arraunlariek. Halanda be, aurretik, zapatuan, Andra Mari eta Santa Eufemia jaietako giroaren baitan jokatuko da denboraldiko 17. estropada puntuagarria, ligako azkenaurrekoa, hain zuzen be: Bermeo Hiriko XXX. ikurrina. Gaur goizean egin dute estropadaren aurkezpen ekitaldia Bermeoko alkate Idurre Bidegurenek eta Josu Zabalondo Bermeo Arraun Elkarteko presidenteak. Zabalondok etxean jokatzen den bandera irabazteko ahalegina egingo dutela azaldu zuen. 18:00etan emongo diote hasiera estropadari. Ordu horretan igoera-jaitsiera kanporaketaren lehenengo estropadarekin hasiko dira eta Zumaia, Orio, Santurtzi eta Amegrove izango dira lehian. Ondoren, Pasai San Pedro, Pasai Donibane, Castro eta Astillero lehiatuko dira lehenengo txandan eta horien ostean, barriz, Urdaibai, Hondarribia, Kaiku eta Tiran. Bakea eskatu du Zabalondok Giro ona sortu asmoz, «gerra gogoa duten horiei» ez etorteko deia egin die Zabalondok, «giro baketsua gura dugu eta», esan du. Bestalde, nahiz eta aurton Kontxako bandera lortu ez duten arren, arraunlariek egindako lana goraipatu du taldeko presidenteak. Kirolarien aurka ez ezik, aurten, gainera, azpiegituren aurka be egin behar izan dutela gaineratu du, «guk aurton ezin izan dugu horretan inbertitu eta datorren denboraldirako posible dugun». Bidegurenek, bestalde, udala eta Bermeo Urdaibai Arraun Taldearekin [...]
Astra kulturarako fabrika sozialak ateak ireki ditu gaur. Bertan izan dira zenbait ordezkari politiko –horien artean, herriko alkate Jose Mari Gorroño eta hainbat zinegotzi– eta baita Astra bera kudeatzeaz arduratuko den Astra Koordinadorako hainb...
Astra kultur fabrika soziala jendaurrean aurkezteko ekitaldia egingo du Gernika-Lumoko Udalak, 12:00etan. Bertan izango dira hainbat udaleko zein Astra Koordinadorako zenbait ordezkari. Koordinadorak berak prentsaurrekoa emon zuen zapatuan, kultur fabr...
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
