
Bizkaiko Foru Aldundiaren diru laguntza jaso du udalak, eta datozen hilabeteetan diagnostiko bat egitea da udalaren asmoa

Gaur arratsaldean 30 urtetik 39 urte artekoei COVID-19aren aurkako txertoaren hirugarren dosia hartzeko ordua irekiko zaiela iragarri du Osakidetzak.

Guztira, 22.047.895 bidaia egin zituzten Bizkaibuseko autobusek, 2020an baino 4.260.949 bidaia gehiago. Erabiltzaileen gogobetetze maila 7,6koa da.

Bizkaiko Gurutze Gorriak jostailu bilketa egin du Gabonetan, eta Busturialdean ere hainbat izan dira ekimen solidarioarekin bat egin duten herritarrak. Bizkaia osoan, guztira, 5.515 jostailu bildu dituzte.

Urtarrilaren 29an hasiko dute Gernika-Lumoko Jai Alai frontoian lehiatuko duten Jai Alai Winter Series txapelketa. Lehenengo eta azken norgehiagokak asteburuz jokatu arren, beste guztiak astelehenetan izango dira.

Zapatutik aurrera, autodiagnostikorako antigeno testek gehienez 2,94 euro balioko dute.

SATSE, ELA, LAB, CCOO eta UGT sindikatuek deituta, Osakidetzako Lehen Mailako Arretako osasun-zentroetan elkarretaratzeak egin dituzte langileek Bermeon eta Gernika-Lumon, eta hainbat herritar eta eragilek bat egin dute.

Eguenetik domekara (urtarrilaren 6tik 9ra) Busturialdeko herri guztietan erregistratu dituzte positiboak. Hiru lurraldeetan ez dago gune berdean dagoen herririk.

Bestalde, ikastetxeetako protokoloa eguneratu dute. Ikasgelan positibo bat edo batzuk agertzen badira ere, umeek ez dute berrogeialdirik eta probarik egin beharko sintomarik ez badaukate.

Euskal Herriko hamaika txokotan egin modura, Busturialdean ere euskal presoen, iheslarien eta deportatuen eskubideen aldeko aldarrikapenak entzun dira arratsaldean. Arratzun, Bermeon, Busturian, Ean, Gernika-Lumon, Mundakan, Muxikan eta Nabarnizen egin dituzte ekitaldiak.




