Metal Fabrika ekimenaren bederatzigarren aldia ospatuko dute bihar (martxoak 28). Metal musika eta zuzenekoak hauspotzea eta indartzea helburu izanik, Txatar talde azpeitiarra eta The Blackening talde iruñarra izango dira Astran, 20:30eatik aurrera.
Hiru mailatan banatuta, ikasleek sortutako denetariko lanak saritu dituzte gaur goizean Lizeo Antzokian. Prosa zein poesia, idazten eta irakurtzen jarraitzeara animatu ditu ikasleak Andoni Agirre Gernika BHIko zuzendariak, "indartsuagoak" egingo dituelako.
Elixabete Etxanobek Bizkaiko Batzar Nagusien kontrol saioan egindako adierazpenen harira, Guggenheim Urdaibai Stop plataformatik "kezka itzela" dutela argitu dute, museo proiektuaren inguruko entzute prozesua dela eta. Agirre Lehendakaria Centerreri ardura eskaria bidali dio plataformak.
Calathea taldeak bigarren EPa kaleratu du: ‘Flowers & Knives’. Lan berrian post hardcore eta screamo estiloetara "gehiago hurbiltzea" bilatu dute, eta lehenengo erantzuna "oso ona" izan da.
Eneritz Artetxe Aranaz aktore gernika-lumotarrak antzerki eskolak gidatzen ditu Munitibarren. Euskara, kultura eta aisia uztartzen ditu astean behin udalerriko haur eta gaztez osaturiko ikastaldeak.
Euskal Herriko Ikastolen Elkarteak, Seaskaren Integrazio Batzordeak eta Nafarroako Sortzen Elkarteak bultzatuta, Orai NLP zentroak AskHezi euskarazko diktakteta-sistema berria garatu du. Hala ere, sistema umeengana iristeko azken urratsa falta da, azpiegitura handia eskatzen baitu.
Bizkaiko Foru Aldundiaren museoek publiko guztientzako eta askotariko programazioa dakarte aurten, lurraldeko ondare historikoa, kulturala eta artistikoa ezagutzera emateko.
Helena Barrenetxea durangarrak eta Arai Lejardi markina-xemeindarrak III. Euskotren Winter Seriesa irabazi dute, finalean Elaia Gogenola berriatuarra eta Oaia Otaño mutrikuarra menpean hartuta. Gizonezkoen Banakako Seriesa Aritz Erkiaga ispastertarrarentzat izan da, Johan Sorozabal miarriztarrari gailendu ondoren.
Domekan [martxoak 30] 02:00etan 03:00ak izango dira.
Naiara Arnedo eta Ramon Agirre protagonista dituen lana zapatuan [martxoak 29] 19:00etan hasiko da. Sarrerak salgai daude 12 eurotan, 9 euro Lagunentzat.
Afizionatuen mailakoen zesta-punta bultzatuko du Gernika Jai Alai Eskolak antolatu duen Eguenetan Jai Alai Txapelketak. Lehen mailako partiduak jokatuko dituzte eguenero, bihar hasita.
Gernika-Lumoko Santanape kirol zentroak izandako abonatuen igoeraren baitan, instalazioetara sartzeko sistema modernizatu du udalak. Hurbileko pultseren sistemarekin, herriak "aurrerapauso bat" eman duela nabarmendu du udal gobernuak.
Abesti Feministen Lehiaketak NAZ taldea saritu zuen 30 urtetik beherako taldeen kategorian, 'Besterik Ez' abestiagatik.
Atzo (martxoak 23) dantza izan zen protagonista, Astran. Irlandar dantza, hain zuzen ere. Horregatik, Conradh ns Gaeilge elkarteko Seamusen eskutik jaso zuten gerturatutakoek ikastaroa.
Gernika-Lumoko Berbalagunek herriaren inguruko tokiez gozatzeko eta euskaraz hitz egiteko ibilbidea prest zuten zapaturako (martxoak 22), baina eguraldia ez zuten aldeko izan. Hala ere, ibilbidea laburtu, "b planera" igaro, eta aurrera egin zuten bertaratutako 28 lagunek.
Astrako aparkalekua "txiki" geratu delako hartu dute erabakia Gatibuk eta Haziberrik. San Kristobaleko aparkalekuak 10.000 lagunentzako edukiera dauka, eta, beraz, sarrera gehiago jarri dituzte eskuragarri.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
