Aiora Uriarteren Zuresku proiektuak "egurrezko joko tradizionalak eta eskulanak berreskuratu eta gaurkotzea" du helburu. Bigarren saria Maddi Amezagaren Garile ingurumen-hezkuntzako eta landa-ekintzailetzako ekimenarentzat izan da.
Herritarrak kalera atera dira gaur (abenduak 3), Euskararen Egunean. Hiztun komunitatea zaindu, elikatu eta piztu behar dela sinetsita, hizkuntza politiketan jauzi bat bultzatzea eta euskaltzaletasuna indartzea eskatu dute eragileek. Indar politikoei euskaltzaletasunagaz "lerratzeko" eskatu du Euskalgintzaren Kontseiluak.
Euskararen Egunez, gaur (abenduak 3), euskararen aldeko aldarriz bete dituzte Busturialdeko herrietako txokoak hango eta hemengo ikasleek. Euskaraz aritzearren beharra plazaratu dute.
Ajangizen, Arratzun, Ean, Elantxoben, Errigoitin, Foruan, Kortezubin, Mendatan, Muruetan eta Muxikan instalatuko dituzte kutxazainak. 38 kutxazain horietatik 31 "gehienez bi urteko epean" jarri beharko dituzte martxan, lehenengoak urtarrilean.
Euskara «larrialdi egoeran» dagoenez, komunitatea «indartu» behar dela dio Euskalgintzaren Kontseiluak. Euskararen garrantzia azpimarratzeko denetariko jarduerak prestatu dituzte. Eudelek dio urrats «ausartak» egiteko unea dela.
Esparru publikoak hizkuntza eskubideen defentsan eta euskararen normalizazioan "aitzindaritza eraman" behar duela azpimarratu du Agurne Gaubeka Hizkuntz Eskubideen Behatokiko zuzendariak.
Indarkeria Matxistaren kontrako Nazioarteko Eguna da gaurkoa (azaroaren 25a), eta biolentzia matxista salatu dute han eta hemengo elkarretaratze eta mobilizazioetan. Sare feministek salatu dute gizon zuriek agintzen duten sistemak "emakumeen gorputzen eta herrien azpiratze eta kontrola" bilatzen dutela. Eta, Itaiak Estatu Sozialistaren eraikuntzan ekarpena egingo duen "alternatiba politikoa garatzean" jarri du arreta.
Robotika kolaboratiboak ateak zabaldu dizkio etorkizunari Barrutialde BHI Lanbide Heziketako eta Bigarren Hezkuntzako Institutuan, Gironako Narcís Xifra ikastetxearekin elkarlanean dihardutela.
Arlo zientifiko-teknikora bideratutako saioa Gernika-Lumon egin dute gaur [azaroak 27], 177 ikasleren parte hartzeagaz. Arlo artistiko-sozialari buruzkoa, berriz, Bermeon egingo dute, bihar [azaroak 28].
Aitziber Ansotegi Urremendiko kudeatzaileak Europako Parlamentuan aurkeztu zuen Urdaibaiko Turismo Jasangarriaren Europako Gutun berritua. Gutuna berritzeko Batzorde ebaluatzaileak "tokiko eragile eta kolektibo interesdun ugarirekin eraikitako" lankidetza azpimarratu du.
Golako eta Gorozika ibaien kalitatea babesteko eta Urdaibaiko ur saneamendua hobetzeko asmoz, Zubiate auzoko saneamendua hobetzeko 174.796,66 euroko inbertsioa egingo du URAk auzo horretan. Arratzuko Udalak obren kontratazioa, zuzendaritza teknikoa eta lanen mantentzea hartuko ditu bere gain.
Lehenbizikoz, Durangoko Azoka baino lehen egingo dute ZuNonHanDA! azoka ibiltaria, azaroaren 17tik abenduaren 4ra bitartean. Euskal Herriko 19 liburu saltokitara helduko da eta, bertan, 22 liburu aurkeztuko dituzte idazleek, tartean eskualdetakoek.
Astelehenean hasiko dute sariketa, eta abenduaren 4an jokatuko dute finala, Zornotzako Zelaieta Zentroko audiotorioan.
Fruituola proiektuaren parte den 'Udazkeneko inausketa berdea: funtsezko teknikak eta praktikak' ikastaroa egin zuten eguenan (urriak 2). Saioa "oso arrakastatsua" izan zela nabarmendu dute Urremendi Landa Garapen Elkartekoek.
2024ko udako denboraldiagaz alderatatuta zifrek behera egin badute ere, turismo eredua "kontzienteagoa eta errespetuzkoagoa" izan da. Urremendi Landa Garapen Elkarteak kanpainaren balorazio positiboa egin du.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
